Los presupuestos que maneja la Consellería de Cultura de la Xunta para 2010

Pontevedra-Vigo (MORRAZO-TRIBUNA) .-O conselleiro de Cultura e Turismo, Roberto Varela, presentou hoxe no Parlamento os orzamentos para o 2010, que o seu departamento “adecuará de cara ao novo exercicio á realidade económica actual asumindo os axustes necesarios a través da racionalización do gasto”. Como eixes centrais dos presupostos, Roberto Varela sinalou que o Goberno galego “pese á conxuntura económica actual, aposta polo fortalecemento do sector turístico e o apoio ao sector da Cultura de Galicia”

No hay un duro, pero F-009 sigue empeñado en enterrar millonadas en el incomparable absurdo de la Cidade da Cultura

-

Pontevedra-Vigo (MORRAZO-TRIBUNA) .- O conselleiro de Cultura e Turismo, Roberto Varela recibiu na Consellería ao arquitecto estadounidense Peter Eisenman, autor do proxecto da Cidade da Cultura. Esta primeira reunión entre Varela e Eisenman serviu para coñecerse persoalmente e avanzar na boa sintonía entre o conselleiro e o arquitecto, que cualificaron a reunión como cordial e positiva.   

Na entrevista, Roberto Varela transmitiulle a Peter Eisenman o compromiso da Xunta de Galicia coa Cidade da Cultura. Neste sentido, o conselleiro de Cultura e Turismo ratificou a necesidade de rematar o proxecto e de converter o complexo do Gaiás nunha infraestrutura cultural símbolo da Galicia do século XXI. Tanto Varela como Eisenman coincidiron en sinalar o obxectivo de que a Cidade da Cultura sexa unha icona de Galicia e unha referencia no mapa internacional no ámbito das artes, da cultura, da arquitectura e da investigación.

Como prioridade, o conselleiro analizou a apertura á cidadanía do complexo do Gaiás en 2010 e a posta en valor dos edificios cun maior nivel de execución. Deste xeito, Roberto Varela explicoulle ao arquitecto que nos orzamentos da Xunta de Galicia para 2010 contémplase unha menor inversión na Cidade da Cultura pero que se primará unha maior eficiencia na execución do presupostado para facer realidade á apertura do complexo de xeito paulatino.

Doutra banda, o conselleiro e o arquitecto analizaron os avances no concurso da segunda fase da urbanización da Cidade da Cultura. Neste momentos, a oficina técnica está a avaliar as 18 propostas presentadas para acometer estas obras imprescindibles para facilitar o acceso ao Gaiás.

O conselleiro Roberto Varela e o arquitecto Peter Eisenman acordaron traballar en contacto permanente respecto á Cidade da Cultura. A próxima visita do arquitecto estadounidense a Galicia producirase antes do remate deste ano 2009.

En marcha o o programa Muller, Medio ambiente e Desenvolvemento Rural en Galicia

-

Pontevedra-Vigo (MORRAZO-TRIBUNA) .- A creación dun contorno favorable entre as mulleres do rural galego cara o investimento e o dinamismo empresarial ligado ao medio ambiente é un dos obxectivos que persegue o programa Muller, Medio ambiente e Desenvolvemento Rural en Galicia, promovido polo sindicato Unións Agrarias e no que colabora FADEMUR Galicia. A directora da iniciativa, Paula Conte, explicou hoxe en Santiago as características deste proxecto incluído no programa Empleaverde da Fundación Biodiversidad que se desenvolve no programa operativo Adaptabilidade e Emprego do Fondo Social Europeo para o período 2007-2013. No acto tamén participaron a técnica do proxecto, Ana Castro, e Carmen Rodríguez, representante de FADEMUR Galicia.

El Bloque ve decepcionante el escurrir el bulto del Gobierno Feijóo en el tema de las Cajas

-

Pontevedra-Vigo (MORRAZO-TRIBUNA) .- O portavoz de Facenda do BNG, Fernando Blanco, criticou hoxe a “indefinición” do Goberno do PP sobre as caixas de aforros galegas, “nun escenario actual de fusións no que corren o risco de seren absorvidas por entidades foráneas”. 

Fernando Blanco dirixíase esta mañá no Pleno do Parlamento Galego á conselleira de Economía e Facenda para que informase da posición do Goberno da Xunta sobre o futuro das caixas de aforros galegas. 

Porén, o deputado do BNG cualificou de “decepcionante a resposta da Conselleira xa que a información que deu ao Parlamento Galego non é nada novo: indefinición e falta de postura”. 

Prestamo de la Xunta a Cablerías Auto

Pontevedra-Vigo (MORRAZO-TRIBUNA) .-Na súa última reunión, o consello de dirección do Instituto Galego de Promoción Económica (Igape), dependente da Consellería de Economía e Industria, acordou conceder un préstamo directo por importe de 1.125.750 euros a Cablerías Auto, co obxectivo de apoiar o financiamento de investimentos en inmobilizado e capital corrente, para a adquisición para as súas instalacións en Porriño (Pontevedra) dunha nova liña de negocio que inclúe a incorporación de novos clientes e que suporá a creación de 22 novos postos de traballo nunha primeira fase de desenvolvemento, ata a primavera de 2010 .

Promocionan vinos gallegos en Alemania y China

Pontevedra-Vigo (MORRAZO-TRIBUNA) .-Abrir novos mercados internacionais para os productos agroalimentarios galegos en xeral, e para os viños en particular, é o obxectivo das iniciativas promocionais que se desenvolverán este días e nas próximas semanas, impulsadas pola Consellería de Economía e Industria a través dos centros de promoción de negocios (CPN) que o Instituto Galego de Promoción Económica ten en Alemaña e en China.

5.748 cursos de formación impartirá la Xunta este año

Pontevedra-Vigo (MORRAZO-TRIBUNA) .- Preto de 85.000 persoas (desempregados e traballadores) benefícianse este ano dos planes de formación que oferta a Consellería de Traballo e Benestar. En total, impártense 5.748 cursos a través da Dirección Xeral de Formación e Colocación, unha actuación na que as arcas autonómicas investiron máis de 122 millóns de euros.

Defendiendo a los bateeiros y censurando el "caso Caja Madrid"...

Pontevedra-Vigo (MORRAZO-TRIBUNA) .- O Portavoz Nacional do BNG, Guillerme Vázquez criticou hoxe en Boiro aos dirixentes do PP por pedir de maneira reiterada que non se politice a xestión das caixas de aforro, mentres están a pelexarse pola presidencia de Caixa Madrid.

Vázquez insistiu en que o proceso de fusión das caixas ten para o PP unha vara de medir diferente segundo se refiran ás caixas de aforros galegas ou a Caixa Madrid e aludiu concretamente ás declaracións realizadas recentemente por Montoro nas que afirmaba que “deben saltarse as competencias autonómicas e ir a eficacia”. Vázquez asegurou que este tipo de posición demostra “que hai un perigo real  de que as caixas desaparezan e se están producindo movementos para diseñar a redución do número actual de caixas”. 

( Na foto, o líder do BNG, Guillerme Vázquez,aparece xunto co deputado do BNG, Bieito Lobeira, o alcalde de Boiro, Xosé Deira, e a responsábel comarcal, Dores Torrado. Unha das imaxes pertence á reunión que mantivo co colectivo de bateeiros da comarca do Barbanza ).

La Xunta pulsa la realidad de los propietarios de los balnearios gallegos

Pontevedra-Vigo (MORRAZO-TRIBUNA) .- O conselleiro de Cultura e Turismo, Roberto Varela e o titular de Educación e Ordenación Universitaria, Jesús Vázquez reuníronse cos representantes da Asociación Galega da Propiedade Balnearia co obxectivo de afianzar a relación entre ambas institucións e de avanzar nas liñas de traballo abertas de cara a impulsar o sector termal en Galicia. No encontro mantido esta tarde no Hotel Balneario Caldaria de Arnoia, os responsables das Consellerías de Cultura e Educación afrontaron cos membros da Asociación Galega da Propiedade Balnearia os puntos centrais para unha futura acción conxunta de cara a posta en valor da rexión xeotérmica máis importante de España, cunha vintena de balnearios e de centros talasoterapéuticos e mais de 300 mananciais.

Farjas también está de fin de semana en suelo argentino

Buenos Aires, República Argentina (MORRAZO-TRIBUNA) .- A conselleira de Sanidade, Pilar Farjas Abadía, presidiu a reunión do Padroado da Fundación Benéfico-Social Galicia Saúde, durante a súa primeira viaxe oficial a Arxentina. No acto, ao que tamén asistiron, entre outros, o conselleiro de Presidencia, Administracións Públicas e Xustiza, Alfonso Rueda; o secretario xeral de Emigración, Santiago Camba; o secretario xeral da consellería de Sanidade, Roberto Pérez; e o director de Recursos Económicos do Sergas, Pablo Torres; propuxéronse importantes medidas de carácter económico necesarias para dar un novo pulo ao Hospital Galego de Bos Aires.

Así mesmo, tomouse a decisión de darlle un novo enfoque técnico a través do desenvolvemento dun novo plan funcional global que garanta a mellora neta da asistencia e asegure a aplicación dunha política de eficiencia que redunde nunha mellor xestión, así como no incremento da calidade asistencial mediante a mellora das instalacións actuais e a incorporación de novas tecnoloxías.

En el homenaje al fundador de FEIRACO,F-009 hace otro canto a la unidad

Pontevedra-Vigo (MORRAZO-TRIBUNA) .- “Sei que se nos unimos teremos máis forza; sei que se nos unimos, todos xuntos, seremos capaces de facernos escoitar”. Este foi o chamamento que realizou esta mañá a todos os gandeiros galegos o presidente da Xunta, durante o acto de homenaxe a Jesús García Calvo, fundador de Feiraco, e a celebración dos 40 anos de historia esta cooperativa.

Na súa intervención, Alberto Núñez Feijóo salientou que o agro galego está a pasar un momento de dificultade, por iso lle pediu aos gandeiros “unión” e “resistencia”. “Galicia non sería Galicia sen o sector lácteo, sería outro país; Galicia non sería Galicia sen poboación que viva no rural; Galicia non sería Galicia sen as nosas tradicións, e en Galicia hai unha excelente calidade do leite e eu propoño é seguir apostando por este sector”, afirmou.

Viajecito para que el "vice" compruebe que se ahorra en Argentina

Buenos Aires, República Argentina (MORRAZO-TRIBUNA) .- O conselleiro de Presidencia, Administracións Públicas e Xustiza, Alfonso Rueda, visitou hoxe a Delegación da Xunta en Bos Aires, da que destacou que a súa nova ubicación, nunhas dependencias alugadas ao Centro Galicia, lle permite ofrecer un mellor servizo aos cidadáns galegos na capital arxentina e a un custe moi inferior para as arcas públicas galegas.

En concreto, o aforro de gastos na delegación da Xunta na súa nova ubicación, na céntrica rúa Bartolomé Mitre, é superior ao 50 por cento. Este aforro tamén se acompañou cunha baixada de gastos no salario que perciben os delegados, xa que ao cubrir os postos en Bos Aires e Montevideo con persoal residente en Arxentina e Uruguai aforráronse as compensacións por expatriación.

Unhas reducións de custes que -según di a Xunta-, lonxe de supoñer un empeoramento dos servizos que a Delegación presta aos cidadáns galegos na Arxentina, repercutiu nunha maior eficacia e eficiencia, xa que no que vai de outubro téñense duplicado os asuntos tramitados respecto a agosto, o último mes no que a delegación estivo na antiga sede. Así, pasouse de 522 asuntos hai tan só dous meses a 1035 durante este mes de outubro, no que se xestionan dende a delegación preto de 30 consultas diarias en persoa e case o dobre en atención telefónica.

O titular de Presidencia coñeceu de primeira man as instalacións acompañado polo Secretario Xeral de Emigración, Santiago Camba, e o Delegado, Alejandro López Dobarro, quen tamén fixo incidencia en que co traslado da delegación logrouse reforzar a proximidade das delegacións ás zonas onde se concentra a maior parte dos emigrantes galegos, que agora teñen acceso nun espazo máis próximo a eles aos servizos e recursos que ofrecen estas unidades administrativas.

Servizos das delegacións

As delegacións teñen como principais áreas de actuación, establecidas no Decreto de creación, a atención á cidadanía galega, a difusión da lingua e da cultura de Galicia, así como a promoción económica e a cooperación para o desenvolvemento. Trátase da primeira representación oficial de Galicia no exterior, sometida aos controis e funcionamentos propios da administración pública.

Ademais de buscar a mellora cuantitativa e cualitativa destes servizos, Alfonso Rueda explicou hoxe que os plans de traballo que a Xunta está ultimando para cada delegación centrarán os seus esforzos na promoción da lingua e a cultura galega e no impulso a novos contidos en materia de relacións económicas.

Santi Domínguez salienta que a segunda edición de Stockaxe duplica a participación de expositores, con 150

Vigo (MORRAZO-TRIBUNA).- O tenente de alcalde e concelleiro de Comercio, Santi Domínguez, salientou este martes que a segunda edición de Stockaxe, que se celebrará no Ifevi os días 17 e 18 de outubro, duplicará a participación de expositores respecto á edición pasada. Na presentación do evento, na que tamén participou a presidenta de Fecovi, Santi Domínguez afirnou que a aposta por esta feira é unha das medidas postas en marcha dende a Concellería de Comercio “para apoiar o pequeno e mediano comercio da cidade”.

O tenente de alcalde explicou que na actual edición de Stockaxe teñen confirmada a súa presenza 150 expositores dos máis variados sectores “aínda que de hoxe ao sábado poden aumentar”. Cun “prezo simbólico” de 1 euro, o seu horario será de 10 a 21 horas. “Quero animar aos vigueses e viguesas a que acudan o sábado e o domingo ao Ifevi”, expresou Santi Domínguez. Salientou que ademais de comercios que liquidarán a súa mercancía, Stockaxe tamén organizará “actividades para toda a familia” e que a feira conta con servizo de ludoteca para os máis pequenos.

As axudas para o mantemento do emprego, a potenciación da formación e o fomento do consumo son as “tres liñas fudamentais de actuación” polas que aposta a Concellería de Comercio. Neste sentido, Santi Domínguez destacou que sigue aberta a convocatoria para solicitar as axudas de 600 euros dirixidas ás familias máis necesitadas. Respecto ás axudas para os comerciantes para potenciar o mantemento do emprego avanzou que están “a punto de pasar o informe xurídico” e por outra banda anunciou que se está estudando a posibilidade de ampliar os bonos de horas de aparcamento e autobuses gratuitos.

“Cando cheguei á Concellería de Comercio afirmei o meu compromiso co pequeno e mediano comercio e hoxe quero confirmar o meu compromiso”, salientou o tenente de alcalde. Asemade, Santi Domínguez asegurou que en Vigo “estamos sendo pioneiros con estas iniciativas” e agradeceu a colaboración da Federación de Comercio de Vigo e das asociacións de comerciantes na posta en marcha das diferentes actuacións.

A presidenta de Fecovi, pola súa banda, asegurou que hoxe “é un día moi feliz porque Stockaxe é un sono feito realidade que non fumos capaces de cumprir ata que Santi Domínguez chegou á Concellería de Comercio”. Segundo dixo “queriamos articular unha feira digna e que servira para liquidar os stoks e o acadamos grazas a Santi Domínguez”. Ademais, Encarna Álvarez expresou o seu agradecemento polas liñas de actuación postas en marcha desde a Tenencia de Alcaldía. “Poñer 1.200.000 euros na rúa supón potenciar as ventas do pequeno e mediano comercio”, salientou.

JAVIER GUERRA defiende sus planes ante el empresariado

Pontevedra-Vigo (MORRAZO-TRIBUNA).-Procurar que as empresas poidan facer novos investimentos e acceder a circulante para manter a actividade e o emprego son os obxectivos fundamentais dos novos programas de axudas impulsados pola Consellería de Economía e Industria para facer fronte á crise económica. Así o manifestou o titular deste departemento da Xunta, Javier Guerra, durante un encontro con empresarios de Pontevedra desenvolvido esta tarde na sede da Confederación de Empresarios (CEP), en Vigo. O conselleiro estivo acompañado polo director xeral do Instituto Galego de Promoción Económica, Joaquín Varela de Limia. O conselleiro destacou sobre todo os plans re-Brote e re-Solve, unha das principais accións do Plan de Choque contra a crise que acaba de pórse en marcha para mobilizar ata 500 millóns de euros para facilitar o financiamento de circulante a autónomos, microempresas e empresas galegas.

Durante a súa intervención, o responsable de Economía e Industria e presidente do Igape afirmou que os programas re-Brote e re-Solve constitúen a iniciativa máis ambiciosa da historia de Galicia no eido das garantías públicas, e amosouse convencido de que servirán para que flúa o crédito e os autónomos e as empresas de Galicia en xeral, e de Pontevedra en particular, poidan desenvolver a súa actividade con normalidade e contribuir, deste xeito, á recuperación económica. Javier Guerra destacou tamén o compromiso e o esforzo da administración pública e das entidades financeiras colaboradoras para axilizar a tramitación das solicitudes e acadar que as resolucións nos se dilanten máis alá dos 45 días. Estes programas constitúen unha resposta real aos problemas concretos de financiamento das empresas nestes momentos, indicou. O conselleiro de Economía e Industria destacou tamén que o Igape, coa xestión destas dúas liñas de axuda, pon de manifesto a súa capacidade de reforma e readaptación á economía real para dar resposta ás demandas adecuadas á necesidades dos empresarios e dos emprendedores. O prazo de presentación de solicitudes está aberto ata o próximo 30 de decembro.

O plan de garantías articúlase ao redor de dúas liñas de avais e reavais. A primeira, re-Brote, facilitará o acceso a liñas de financiamento operativo adicional de empresas medianas e grandes, mentres que a segunda liña, de reavais e denominada re-Solve, está destinada a facilitar o acceso ao circulante para as microempresas e os autónomos. Xunto coas principais entidades financeiras que operan en Galicia, o Instituto Galego de Promoción Económica (Igape) xa viña realizando un importante esforzo para subvencionar custos financeiros mediante programas como as liñas de apoio ao acceso e adecuación do financiamento das Pemes; dada a situación económica actual, a Consellería de Economía e Industria estimou que estas axudas financeiras debían ser completadas mediante outras onde o Instituto compartise os riscos coas entidades financeiras, coas sociedades de garantía recíproca e co tecido empresarial.

O titular de Economía e Industria recordou tamén que sigue vixente o programa re-imaXina, destinado a habilitar préstamos subsidiados e para apoiar o financiamento dos investimentos impulsados por novas pemes, para pemes que queren medrar ou renovarse para mellorar en competitividade ou para microempresas galegas; como nos novos programas re-Brote e re-Solve, o prazo de presentación de solicitudes está aberto ata o próximo 30 de decembro. O plan re-imaXina busca facilitar a concesión polas entidades financeiras de préstamos eliminando dous dos atrancos que adoitan dificultar o acceso das empresas de menos dimensión –microempresas, autónomos e emprendedores- ao financiamento: as garantías e os custos de xestión. Para apoiar investimentos de maior contía ou aqueles onde a achega das garantías non sexan dificultade engadida, o Igape manten aberta a liña conveniada co ICO.

Guerra Fernández advertiu que a Consellería de Economía e Industria está a demostrar o seu compromiso co tecido produtivo de Galicia apoiando tamén iniciativas de I+D e de internacionalización como medios de mellorar a competitividade das empresas. O conselleiro lembrou que o seu departamento leva investidos máis de 100 millóns de euros en promover a I+D+i a todos os niveis e recordou que acaba de mobilizar 1,7 millóns de euros para impulsar o Plan de Fomento das Exportacións Gallegas. Tamén no ámbito da internacionalización, recordou que o Igape dispón dun amplo catálogo de axudas e servicios para facilitar a proxección exterior das empresas galegas, tamén con apoios en destino a través dos seus Centros de Promoción de Negocios no exterior. A última liña aberta polo Instituto para favorecer a internacionalización, dotada con 1 millón de euros, e destinada a apoiar a contratación de xestores de exportación.

Vuelve la "Mesa del Diálogo Social"

Pontevedra-Vigo (MORRAZO-TRIBUNA).- As reunións da Mesa do Diálogo Social iniciaranse o próximo xoves 22 de outubro. Esa data, que foi fixada e comunicada o pasado luns 5 de outubro pola Consellería de Traballo e Benestar aos distintos axentes sociais, será o punto de partida dun foro debate no que se porá enriba da mesa a elaboración do plan estratéxico de emprego 2010-2012.

Previamente a esta cita, a Consellería de Traballo e Benestar mantivo diversos contactos con patronal e sindicatos no último mes non só para buscar unha data que fora compatible coa axenda de todos os representantes dos axentes sociais (secretarios xerais dos sindicatos e presidente da patronal galega), senón para analizar con empresarios e portavoces sindicais os aspectos prioritarios a tratar nesta mesa de diálogo que desde a Consellería se considera a mellor ferramenta para buscar mecanismos que permitan superar a crise actual e para impulsar o noso tecido produtivo.

Becarios de las tres universidades gallegas pasan por Sogama

Pontevedra-Vigo (MORRAZO-TRIBUNA).-A Sociedade Galega do Medio Ambiente, Sogama, en estreita coordinación coa Consellería de Medio Ambiente, Territorio e Infraestruturas, estableceu distintas vías de colaboración coas tres universidades galegas a fin de complementar a formación académica dos estudantes, dándolles a oportunidade de realizar prácticas pre-profesionais nos distintos departamentos da Sociedade.

Tendo en conta o seu ámbito de actuación, esta empresa pública primou o seu apoio a masters e cursos de postgrao relacionados co medio ambiente, un sector en auxe, con proxección de futuro e con grandes posibilidades de erixirse nun importante xacemento de emprego. A formación, a xeración de coñecemento e a transferencia de tecnoloxía convértese así nunha prioridade para a comunidade galega, ingredientes estes cos que se contribuirá a incrementar a competitividade do tecido empresarial ambiental, tanto a nivel nacional como internacional.

Acordos
Entre os distintos acordos formalizados entre a Sociedade Galega do Medio Ambiente e as institucións educativas de carácter universitario, cabería destacar o Máster en “Química Ambiental e Fundamental”, promovido pola Universidade de A Coruña, así como o Máster en “Enerxías Renovables e Sostibilidade Enerxética” da Universidade de Santiago de Compostela, destinado a titulados superiores e alumnado dos últimos cursos de carreiras universitarias relacionadas coas ciencias e o dereito.

Neste caso preténdese cualificar a novas xeracións de expertos e especialistas capaces de cubrir as necesidades requiridas pola sociedade tecnolóxica actual, participando no desenvolvemento de alternativas innovadoras que permitan asegurar a subministración enerxética co menor impacto ambiental e económico posible.

A preparación multidisciplinar que reciben os estudantes deste curso céntrase na enerxía solar, eólica, biomasa e agroenerxía, así como na eficiencia e o aforro enerxético, elementos básicos de todo plan de acción que se propoña reducir os niveis de emisións e frear o quentamento global.

Respecto á Universidade de Vigo, dous son os másters que contan co respaldo de Sogama. Por un lado, o de “Xestión do Desenvolvemento Sostible” e, por outro, o de “Contaminación Industrial: Avaliación, Prevención e Control”, posto en marcha este ano por primeira vez.

Ambas as dúas iniciativas pretenden dar resposta á crecente demanda de profesionais nun momento en que a lexislación e as presións sociais obrigan ás empresas a que os seus sistemas de produción sexan coherentes co concepto de sostibilidade, tendo en conta non só as implicacións económicas e os seus beneficios, senón tamén a adopción de tecnoloxías de última xeración que permitan minimizar o impacto ambiental dos seus procesos industriais.

Aínda que con distintas orientacións, todos estes cursos teñen un denominador común: a internalización das consideracións ambientais e sociais na xestión empresarial, toda vez que o futuro das compañías virá condicionado en gran parte pola integración, equilibrada e harmoniosa, dos tres piares do desenvolvemento sostible, isto é, o crecemento económico, a protección ambiental e a cohesión social.

A pretensión da Sociedade, como ente autonómico adscrito á Consellería de Medio Ambiente e que presta un servizo público á cidadanía de Galicia, é o de servir de soporte e complemento na formación académica de profesionais no ámbito da xestión ambiental, dotándoos da experiencia previa necesaria para exercer as súas funcións con absolutas garantías, tendo en conta, ademais, que moitos deles liderarán nun futuro próximo o sector produtivo de Galicia, facendo desta unha comunidade próspera, xeradora de riqueza e emprego, e competitiva nos mercados máis esixentes.

Con las gafas de la Xunta : una de brotes verdes...

Pontevedra-Vigo (MORRAZO-TRIBUNA).- O Observatorio Galego da Sociedade da Información (OGSI), ven de publicar a “Enquisa ás empresas TIC sobre a Sociedade da Información en Galicia 2008”, co obxectivo de analizar a situación e evolución das empresas das Tecnoloxías da Información e da Comunicación (TIC) na Comunidade galega. A enquisa inclúe o maior número de indicadores sobre a implantación das novas tecnoloxías no tecido empresarial TIC de Galicia
Entre as principais conclusións do estudo, o OGSI destaca a evolución positiva das cifras de negocio do sector das TIC en Galicia, a súa capacidade para xerar emprego cualificado, o nivel de innovación tecnolóxica acadado así como as previsións de expansión do mercado TIC galego.
O OGSI -dependente da Secretaría Xeral de Modernización e Innovación Tecnolóxica- permite co seu labor un mellor coñecemento da realidade do sector TIC, monitorizando a súa evolución. A xestión deste Observatorio está encomendada á Fundación para o Fomento da Calidade Industrial e o Desenvolvemento Tecnolóxico.

Caracterización do tecido empresarial TIC
A enquisa do OGSI destaca a posición estratéxica do sector TIC pola súa contribución á economía de Galicia así como pola súa capacidade de xeración de emprego. A cifra media de negocio das empresas TIC con todos os seus establecementos en Galicia, correspondente ao ano 2007 (últimas cifras dispoñibles cando se procedeu á recollida de datos), ascendeu a 2.373.111,8 €. O que supón un incremento constante que se cifra nun 22,3% no período 2006–2007 e sitúa o volume de negocio deste sector por riba dos 2.500 millóns de euros. O volume de negocio das empresas TIC segue procedendo maioritariamente da súa actividade no mercado galego, só o 26,4% da súa facturación corresponde a clientes emprazados fóra de Galicia.
O sector TIC galego está orientado maioritariamente aos servizos. O desenvolvemento de produtos software constitúe a actividade principal para o 49,3% das empresas do sector TIC, seguido dos servizos de software (44,9%) e de consultaría (41,5%) e, tras deles, os servizos de mantemento e “outsourcing” e a venda e instalación de hardware.

As TIC como xeradoras de emprego cualificado
O OGSI salienta a importante presenza de titulados universitarios no cadro de persoal das empresas TIC. O 51,1% dos postos de traballo corresponden a persoas con titulación universitaria superior ou media, principalmente vencelladas ao eido das TIC (38,1%); mentres que o persoal procedente da Formación Profesional sitúase no 20,7%. A enquisa revela ademais que aínda existen importantes diferenzas segundo o xénero, só tres de cada dez empregados no sector TIC son mulleres, se ben no último ano a súa presenza no sector experimentou un crecemento de 3,4 puntos porcentuais.
A formación nas empresas TIC é un factor chave de cualificación e competitividade, por iso, un 48,5% das empresas facilitaron formación TIC ao seu persoal no último ano. Nestas empresas, un 61,5% dos seus empregados/as asistiu ás actividades formativas relacionadas coas TIC.

Equipamento e servizos TIC
O estudo do OGSI afirma que o equipamento TIC está amplamente estendido entre as empresas do sector, reiterando os resultados ano anterior. Un 75% das empresas galegas do sector dispón de rede de área local sen fíos (WAN), 4,9 puntos porcentuais máis ca no ano 2007. Esta proporción ascende ata o 90,8% cando se trata da rede de área local convencional (LAN). A Intranet corporativa sitúase no 64,3%, cun crecemento de 2,9% respecto ao 2007, mentres que a porcentaxe de empresas TIC con servidores é do 86,8%.
A práctica totalidade das empresas TIC dispón de conexión a Internet a través de banda larga (97,1%), sendo o ADSL (54%) e o cable (34,6%) as modalidades de acceso máis contratadas. Cabe destacar a importante mellora experimentada na calidade de conexión á Rede: en 2008, un 66,5% das empresas TIC tiñan velocidades de conexión a Internet superiores a 4 Mbps fronte ao 53,5% do ano 2007.
En canto á presenza na Rede, un 84,6% empresas TIC dispoñen de páxina web, aínda que só un 26,5% afirma cumprir as normas de accesibilidade.
Máis da metade das empresas TIC galegas (52,2%) dispón de software libre, destacando a súa implantación nos servidores, e nun segundo lugar, nos postos de usuario, tanto no relacionado con paquetes de ofimática como no propio sistema operativo.
No capítulo do comercio electrónico, cabe salientar que o 77,6% das empresas TIC galegas con persoal asalariado realizou compras a través de Internet no último ano, matizando á alta o 75,1% da enquisa do ano 2007. As compras a través da Rede supuxeron o 31,4% do total das realizadas mentres que as vendas son unha actividade menos frecuente, só un 22,1% das empresas do sector emprega este medio para vender os seus produtos ou servizos, o que representa o 19,9% da cifra de negocio total.

Innovación e Desenvolvemento Tecnolóxico
Máis da metade das empresas TIC galegas introduciron bens ou servizos novos ou mellorados de maneira significativa no período 2005-2007. Cabe salientar as innovacións realizadas na optimización dos procesos empresariais (sistemas informáticos, xestión de compras, contabilidade,...) así como as relacionadas coa organización do traballo e a estrutura de xestión de integración dos distintos departamentos.
O peso deste segmento empresarial tamén se expresa claramente na súa contribución ao impulso e desenvolvemento da I+D. O 45,6% das empresas galegas do sector dispoñen de persoal con dedicación relacionada coa I+D e un 37,1% realizou proxectos de I+D+i no último ano.

Percepción estratéxica e prospectiva do mercado
Un 73,2% das empresas TIC con persoal asalariado considera que o sector TIC galego desempeña un papel importante na economía de Galicia como elemento xerador de riqueza e emprego. En canto á caracterización do momento actual da propia empresa, un 73,1% de empresas TIC afirma que están nunha fase de consolidación ou expansión.
A tres anos vista, nunha prospectiva de xeración de emprego e ampliación de mercado, o 39,3% das empresas prognostican unha fase de expansión do sector e un 35,3% consideran que haberá unha etapa de estabilidade.

Todos os informes e documentos do OGSI distribúense libremente na Rede baixo licenza Creative commons e están dispoñibles na web do Observatorio: www.ogsi.sociedadedainformacion.eu

Parlamento : polémica de nuevo en relación a los impuestos

Pontevedra-Vigo (MORRAZO-TRIBUNA).- O portavoz de Economía do BNG no Parlamento Galego, Fernando Blanco, denunciou hoxe que a supresión do imposto sobre transmisións patrimoniais e actos xurídicos documentados aprobado hoxe polo Goberno do PP no Parlamento Galego “é unha reforma inxusta e insolidaria, que lle quita a este Goberno a falsa carauta da solidariedade e do consenso”.

O deputado nacionalista subliñou que a reforma “debería ter como obxectivo axudar ás persoas que están pasando máis dificultades a mercar unha vivenda, e para iso o BNG defendeu que a supresión do imposto se vinculase ao nivel de renda, e ao prezo e tamaño da vivenda”.

Neste sentido, denunciou que “a reforma que fan vostedes non establece un limite de renda para suprimir o imposto, algo que mesmo fan Comunidades Autónomas gobernadas polo PP, co que o Goberno de Feijóo está a aplicar as políticas máis de dereitas de todo o Estado”.

“Con esta reforma -advertiu- o que gaña 60.000 euros ao mes e merca un pazo vai pagar o mesmo en impostos que un traballador que gaña 1.000 euros e quere mercar a súa primeira vivenda”.

“Para mercar libros de texto si poñen límites de renda, para mercar unha vivenda non”

Por iso, Fernando Blanco cualificou a reforma “de inxusta, insolidaria e falta de consenso, porque rexeitaron todas as emendas dos grupos da oposición”.

Por último, o deputado do BNG denunciou “a falsa solidariedade do Partido Popular porque que houbera libros de texto gratuítos para todos parecíalles ofensivo e estableceron límites de renda para que mesmo unha familia mileurista teña que pagar, pero aquí, para mercar unha vivenda non poñen ningún límite de renda e fan barrra libre impositiva, co que ten a mesma desgravación un menor de 35 anos que gaña 60.000 euros ao mes que o que gaña 600 euros”.

Guerra exalta el informe GEM como “unha ferramenta útil para facer unha análise realista da situación económica galega”

Pontevedra-Vigo (MORRAZO-TRIBUNA).- O conselleiro de Economía e Industria, Javier Guerra Fernández, participou hoxe no acto de presentación do informe Global Entrepreneurship Monitor (GEM 2008) que se desenvolveu na sé da Confederación de Empresarios de Galicia, e defendeu a utilidade deste estudo como “unha ferramenta útil para facer unha análise realista da situación económica galega” que confirma o axeitado das políticas anticrise activadas mediante o Plan de Choque da Xunta. O responsable do departamento económico do Goberno Autonómico fixo estas declaracións durante a súa intervención antes da presentación técnica do proxecto, un observatorio internacional da actividade emprendedora que ten como principal obxectivo medir, comparar e analizar a devandita actividade en relación co desenvolvemento económico.

O GEM 2008, no que participan a Consellería de Economía e Industria, a través de BIC Galicia, a Consellería de Traballo, a Confederación de Empresarios de Galicia e a Universidade de Santiago, elaborouse a partir da realización de enquisas, e un grupo de 36 expertos ten analizado os resultados das diferentes medicións, sendo o índice TEA (Total Entrepreneurial Activity Index) ou nivel de emprendemento o dato máis interesante que proporciona este estudo.

O conselleiro de Economía e Industria sinalou que o TEA ten descendido case 2 puntos (1,9%) con respecto ao informe de 2007, e sitúa a actividade emprendedora no 7,49% da poboación de 18 a 64 anos. Aínda así, os datos referentes a Galicia sitúan á Comunidade entre as zonas máis emprendedores de España e da Unión Europea, con orientación á innovación.

Guerra Fernández salientou que o GEM 2008 indica un aumento do 11,32% no número de galegos que manifestaron o seu desexo de emprender nun horizonte de tres anos. Esta cifra, aclarou, vese respaldada polo notable incremento dos índices de participación nas accións formativas que leva a cabo BIC Galicia, dependente da Consellería de Economía e Industria, e das que se extrae que o 79% dos alumnos dos seminarios de creación empresarial aseguraron que tiñan unha idea emprendedora e querían poñela en marcha.

Para ofrecer unha resposta real a todos os emprendedores, o conselleiro de Economía e Industria esgrimiu que o novo Goberno da Xunta vén de poñer en marcha máis de 40 medidas anticrise e investimentos de 1.200 millóns de euros no Plan de Choque co obxectivo de reactivar a economía de Galicia. Guerra Fernández recordou que para evitar os atrancos máis salientables para a creación de empresas, como é “a falta de apoio financeiro”, que actúa como “unha barreira para a creación de empresas”, tal e como recolle textualmente o GEM 2008, o seu departamento activou xa as liñas de avais re-Brote e re-Solve, coas que se mobilizarán 400 millóns de euros en operacións de créditos orientadas ao financiamento do circulante das empresas.

Guerra Fernández explicou que a Xunta anticipouse ás conclusións do GEM 2008, que solicita axilizar e simplificar os trámites administrativos para dinamizar a creación de empresas, posto que a Consellería de Economía e Industria, a través do Igape, ten na rapidez, na eficacia e na sinxeleza administrativa os tres piares básicos do seu funcionamento, que xa ten amosado no plans re-Móvete e no re-imaXina, e que agora vai aplicar nos re-Brote e re-Solve.

Compromiso renovado coa I+D+i
Ademais, o conselleiro de Economía e Industria reafirmou, na súa intervención, a “aposta firme” da Consellería de Economía e Industria coa I+D+i. Segundo os datos aportados polo GEM 2008, dentro do grupo das iniciativas empresariais novas é onde máis aumentou o número de empresas innovadoras. O conselleiro recoñeceu que os datos sobre innovación revelados neste estudo do 2008 son mellorables, e explicou que cómpre facer políticas centradas no desenvolvemento da I+D+i para consolidar un modelo económico “solvente” e “con futuro” en Galicia. Neste sentido, recordou que a Consellería de Economía e Industria leva investidos máis de 100 millóns en I+D+i en 5 meses, e ten proxectada a creación dunha Axencia Galega de I+D+i e dun Plan Galego de I+D+i.

Guerra Fernández agradeceu “especialmente a actitude emprendedora das mulleres galegas, que conforman o 54% dos nosos novos emprendedores e o 49% dos emprendedores incipientes”. “Unhas porcentaxes –dixo- que indican que nos atopamos no bo camiño cara un futuro prometedor que se desenvolverá nun escenario rexido pola igualdade”.

O responsable do departamento de Economía e Industria da Xunta de Galicia pechou o acto facendo un novo chamamento a todos os emprendedores para que presenten os seus proxectos á Consellería, “porque temos cartos para novos investimentos, e o informe GEM revela que aumenta a poboación que se considera capacitada para levar adiante unha iniciativa empresarial”.

Elogios de la conselleira de Pesca a Conxemar

Pontevedra-Vigo (MORRAZO-TRIBUNA).-A conselleira do Mar, Rosa Quintana, resaltou o “importante papel” que desempeña Galicia en Conxemar, representada a través de 150 expositores. Nesta feira, considerada a cita mundial do peixe conxelado, Galicia representa o 40% da presenza española e máis dun 20% da total o que, para a conselleira, “pon de manifesto a potencia do sector conxelador galego.”

Durante os tres días da feira danse cita no IFEVI de Vigo un total de 536 stands de 32 países de todo o mundo. Dos 383 españois, 150 son galegos, polo que a titular de Mar considera que “Conxemar é unha feira internacional de marcado carácter galego”. A conselleira do Mar fixo estas declaracións durante a súa visita á feira dos conxelados, un sector que move arredor de 3.000 millóns de euros ao ano e xera arredor de 8.000 postos de traballo directos.

Colaboración da Xunta

A Consellería do Mar participa nesta feira cun stand de 100 m2 no que ao longo destes días se manterán encontros de carácter empresarial e profesional na procura de potenciar o desenvolvemento do sector e fomentar encontros entre empresas. No stand poténciase a presenza de varias asociacións e entidades como o Consello regulador do Mexillón de Galicia, CECOPESCA e mailas cinco Autoridades Portuarias de Galicia: Vigo, A Coruña, Vilagarcía, Marín e Ferrol-San Ciprián.

Ademais, a Xunta colabora coa feira, a través da Consellería do Mar, cun importante convenio por un importe de 140.000 euros para a promoción dos produtos pesqueiros, un dos obxectivos fundamentais das liñas a seguir dende a Consellería.