No hay un duro, pero F-009 sigue empeñado en enterrar millonadas en el incomparable absurdo de la Cidade da Cultura

-

Pontevedra-Vigo (MORRAZO-TRIBUNA) .- O conselleiro de Cultura e Turismo, Roberto Varela recibiu na Consellería ao arquitecto estadounidense Peter Eisenman, autor do proxecto da Cidade da Cultura. Esta primeira reunión entre Varela e Eisenman serviu para coñecerse persoalmente e avanzar na boa sintonía entre o conselleiro e o arquitecto, que cualificaron a reunión como cordial e positiva.   

Na entrevista, Roberto Varela transmitiulle a Peter Eisenman o compromiso da Xunta de Galicia coa Cidade da Cultura. Neste sentido, o conselleiro de Cultura e Turismo ratificou a necesidade de rematar o proxecto e de converter o complexo do Gaiás nunha infraestrutura cultural símbolo da Galicia do século XXI. Tanto Varela como Eisenman coincidiron en sinalar o obxectivo de que a Cidade da Cultura sexa unha icona de Galicia e unha referencia no mapa internacional no ámbito das artes, da cultura, da arquitectura e da investigación.

Como prioridade, o conselleiro analizou a apertura á cidadanía do complexo do Gaiás en 2010 e a posta en valor dos edificios cun maior nivel de execución. Deste xeito, Roberto Varela explicoulle ao arquitecto que nos orzamentos da Xunta de Galicia para 2010 contémplase unha menor inversión na Cidade da Cultura pero que se primará unha maior eficiencia na execución do presupostado para facer realidade á apertura do complexo de xeito paulatino.

Doutra banda, o conselleiro e o arquitecto analizaron os avances no concurso da segunda fase da urbanización da Cidade da Cultura. Neste momentos, a oficina técnica está a avaliar as 18 propostas presentadas para acometer estas obras imprescindibles para facilitar o acceso ao Gaiás.

O conselleiro Roberto Varela e o arquitecto Peter Eisenman acordaron traballar en contacto permanente respecto á Cidade da Cultura. A próxima visita do arquitecto estadounidense a Galicia producirase antes do remate deste ano 2009.

Farjas también está de fin de semana en suelo argentino

Buenos Aires, República Argentina (MORRAZO-TRIBUNA) .- A conselleira de Sanidade, Pilar Farjas Abadía, presidiu a reunión do Padroado da Fundación Benéfico-Social Galicia Saúde, durante a súa primeira viaxe oficial a Arxentina. No acto, ao que tamén asistiron, entre outros, o conselleiro de Presidencia, Administracións Públicas e Xustiza, Alfonso Rueda; o secretario xeral de Emigración, Santiago Camba; o secretario xeral da consellería de Sanidade, Roberto Pérez; e o director de Recursos Económicos do Sergas, Pablo Torres; propuxéronse importantes medidas de carácter económico necesarias para dar un novo pulo ao Hospital Galego de Bos Aires.

Así mesmo, tomouse a decisión de darlle un novo enfoque técnico a través do desenvolvemento dun novo plan funcional global que garanta a mellora neta da asistencia e asegure a aplicación dunha política de eficiencia que redunde nunha mellor xestión, así como no incremento da calidade asistencial mediante a mellora das instalacións actuais e a incorporación de novas tecnoloxías.

Viajecito para que el "vice" compruebe que se ahorra en Argentina

Buenos Aires, República Argentina (MORRAZO-TRIBUNA) .- O conselleiro de Presidencia, Administracións Públicas e Xustiza, Alfonso Rueda, visitou hoxe a Delegación da Xunta en Bos Aires, da que destacou que a súa nova ubicación, nunhas dependencias alugadas ao Centro Galicia, lle permite ofrecer un mellor servizo aos cidadáns galegos na capital arxentina e a un custe moi inferior para as arcas públicas galegas.

En concreto, o aforro de gastos na delegación da Xunta na súa nova ubicación, na céntrica rúa Bartolomé Mitre, é superior ao 50 por cento. Este aforro tamén se acompañou cunha baixada de gastos no salario que perciben os delegados, xa que ao cubrir os postos en Bos Aires e Montevideo con persoal residente en Arxentina e Uruguai aforráronse as compensacións por expatriación.

Unhas reducións de custes que -según di a Xunta-, lonxe de supoñer un empeoramento dos servizos que a Delegación presta aos cidadáns galegos na Arxentina, repercutiu nunha maior eficacia e eficiencia, xa que no que vai de outubro téñense duplicado os asuntos tramitados respecto a agosto, o último mes no que a delegación estivo na antiga sede. Así, pasouse de 522 asuntos hai tan só dous meses a 1035 durante este mes de outubro, no que se xestionan dende a delegación preto de 30 consultas diarias en persoa e case o dobre en atención telefónica.

O titular de Presidencia coñeceu de primeira man as instalacións acompañado polo Secretario Xeral de Emigración, Santiago Camba, e o Delegado, Alejandro López Dobarro, quen tamén fixo incidencia en que co traslado da delegación logrouse reforzar a proximidade das delegacións ás zonas onde se concentra a maior parte dos emigrantes galegos, que agora teñen acceso nun espazo máis próximo a eles aos servizos e recursos que ofrecen estas unidades administrativas.

Servizos das delegacións

As delegacións teñen como principais áreas de actuación, establecidas no Decreto de creación, a atención á cidadanía galega, a difusión da lingua e da cultura de Galicia, así como a promoción económica e a cooperación para o desenvolvemento. Trátase da primeira representación oficial de Galicia no exterior, sometida aos controis e funcionamentos propios da administración pública.

Ademais de buscar a mellora cuantitativa e cualitativa destes servizos, Alfonso Rueda explicou hoxe que os plans de traballo que a Xunta está ultimando para cada delegación centrarán os seus esforzos na promoción da lingua e a cultura galega e no impulso a novos contidos en materia de relacións económicas.

Más predicaciones sobre el empleo y los parados a cargo de F-009

Pontevedra-Vigo (MORRAZO-TRIBUNA).-“A Xunta de Galicia está dedicando tempo, enerxía e medios a dar oportunidades aos colectivos con dificultades de acceso ao mercado laboral”, asegurou hoxe o presidente da Xunta, quen anunciou que o Goberno galego traballa xa na posta en marcha do I Plan integral para as persoas con discapacidade. Consonte explicou, este Plan será “un instrumento eficaz para normalizar a integración das persoas con minusvalía, actuar sobre o sistema de protección social e garantir a coordinación das distintas administracións e organismos implicados”.

O xefe do Goberno galego defendeu o emprego como “primeira medida social” porque non existe mellor política de distribución da riqueza e de eliminación das desigualdades sociais que establecer “unhas condicións xerais que permitan a todas as persoas acceder nas mellores condicións ao mercado de traballo”.

Durante o acto de inauguración en Santiago da nova planta de lavado de Fundosa Lavanderías Industriais (Flisa), pertencente ao grupo de empresas da Fundación ONCE, Feijóo resaltou que se o emprego é o medio de vida da inmensa maioría dos cidadáns e o cauce normal de integración na sociedade, no caso das persoas con discapacidade ocorre o mesmo, polo que “temos que incentivar a súa contratación”. Trátase, engadiu, de algo sempre importante, “pero máis na situación de recesión económica na que nos atopamos”, xa que, ao seu ver, “a sociedade actual non pode prescindir de ninguén”.

Ao mesmo tempo, o máximo mandatario autonómico avogou por traballar tamén na creación de “conciencia social sobre a discapacidade”, algo que ten que “transcender da xenerosidade do ámbito familiar a todos e cada un dos espazos da vida comunitaria”. Asegurou que este é o gran reto que temos por diante e remarcou que as persoas con discapacidade contan coa solidariedade e coa implicación activa da Xunta de Galicia, non como unha concesión, senón como unha actitude orixinada no feito compartido da nosa condición humana.

Asegurando que “unha das obrigas dos poderes públicos e privados é combater a desigualdade e a exclusión”, o titular do Goberno galego avanzou que cada un dos colectivos con dificultades de acceso ao mercado laboral (mulleres, mozos, parados de longa duración, emigrantes, inmigrantes, vítimas da violencia de xénero e persoas con discapacidade) contará “cun plan de acción especial”. Estes plans específicos, explicou, serán “debatidos e consensuados cos axentes sociais e formarán parte do Plan autonómico de emprego”.

Un proxecto exemplar que xerará emprego
O presidente da Xunta puxo en valor a importancia da planta de lavado inaugurada hoxe, un “bo proxecto”, sobre todo “polo que ten de achega á ampliación de liberdades e á plena valoración da vida dos cidadáns, sexa cal sexa a súa condición”. Por ese motivo Feijóo felicitou á Fundación ONCE e ao Grupo Fundosa

“Creando quince postos de traballo inicialmente, coa meta de alcanzar trinta novos empregos”, asegurou o máximo mandatario autonómico que Flisa “contribúe de forma notoria a incorporar ás persoas con minusvalía a unha vida digna e, sobre todo, a unha participación plena na comunidade”.

Feijoo anuncia que lo que ahorrará por un lado se lo gastará por otro...

VIGO/PONTEVEDRA (MORRAZO-tribuna) .-O presidente da Xunta, Alberto Núñez Feijóo, anunciou hoxe que o Plan de austeridade deseñado polo Goberno galego permitirá aforrar un total de 143,97 millóns de euros, case 144 millóns (24.000 millóns de pesetas) que se reinvestirán nun plan de choque para a dinamización económica con tres piares: o fomento do emprego, o investimento produtivo e a aplicación da Lei de dependencia. Así o avanzou o máximo mandatario autonómico na rolda de prensa posterior ao Consello da Xunta, que hoxe lle deu luz verde a un programa de aforro que supón, en palabras do presidente, “cumprir coa palabra dada, acabar coa falta de rigor na concreción dos orzamentos do ano 2009 e mellorar as condicións en que o presuposto se enfrontaba á situación económica que estamos a vivir”.

Feijóo resaltou que o deseño do plan aprobado hoxe polo Consello da Xunta “non é unha decisión puntual”, senón que “a decisión de facer unha Administración austera e unhas políticas austeras vai ser unha decisión conxuntural para toda a lexislatura”. Así, engadiu que “todas as decisións que vaiamos adoptando durante toda a lexislatura estarán enfocadas desde o principio da austeridade”.

Nas súas declaracións, o xefe do Executivo autonómico afirmou que o plan de austeridade ten un dobre obxectivo, por unha banda “frear o crecemento inxustificado do gasto administrativo-burocrático”, e pola outra, “mellorar a recomposición do gasto para que sexa un gasto máis produtivo e que xere máis actividade económica e, como consecuencia, máis emprego”. Ademais, o presidente da Xunta deixou claro que “as políticas de austeridade non afectan en ningún caso á calidade da prestación dos servizos sociais, nin dos servizos sanitarios nin dos servizos educativos”.

Aforro por capítulos
Alberto Núñez Feijóo detallou que os 144 millóns de euros que se aforrarán co Plan de austeridade do Goberno nos Orzamentos do ano 2009 -un total de 24.000 pesetas-, supoñen incrementar nun 40% o aforro inicialmente previsto. Detallou que este programa de austeridade inclúe o aforro anunciado de 7,8 millóns de euros destinado a altos cargos, persoal de confianza e de gabinete.

En relación co aforro do capítulo II dos Orzamentos, concretou que se trata dunha supresión de gasto de 14 millóns de euros, dividida entre o aforro do 40% nos gastos de publicidade, de reunións e de conferencias, e unha redución do 11% no resto do gasto do capítulo II. Neste punto, Feijóo aclarou que “quedan consolidadas e garantidas as partidas destinadas ao transporte escolar, a comedores escolares, a transporte adaptado, a peaxe na sombra e todas as partidas destinadas a farmacia, farmacia hospitalaria e de receitas”.

O presidente da Xunta sinalou que no capítulo IV o Plan de austeridade prevé un aforro de 37 millóns de euros en “partidas de difícil execución que producen normalmente remanentes inexecutables”, e que no capítulo VI o aforro de 18 millóns virá da redución nun 25% das asistencias técnicas da Xunta de Galicia. Finalmente, avanzou un recorte de investimentos non produtivos por importe de 27 millóns de euros, e o aforro efectivo de 25 millóns de euros no capítulo VII.

Austeridade: un principio para toda a lexislatura
Feijóo insistiu en que a austeridade é un compromiso de Goberno para toda a lexislatura e avanzou que o Consello da Xunta aprobou hoxe a creación dunha comisión “para o estudo e aplicación de medidas de aforro en todas as consellerías, composta por todos os secretarios xerais das consellerías”. Ademais, informou de que o Goberno autorizou á Consellería de Facenda a establecer “sistemas de seguimento do control do gasto de determinadas partidas de persoal do Servizo Galego de Saúde, e, moi especialmente, para facer un control rigoroso da aplicación da Lei de dependencia, para que non nos atopemos con distintas cifras, con distintos datos e con buratos na Lei como nos estamos atopando neste momento”.

O presidente da Xunta sinalou ademais que as oito consellerías implicadas no deseño dun plan de choque para dinamizar a economía teñen “á súa disposición 144 millóns de euros, 24.000 millóns de pesetas, para buscar políticas para reactivar a economía, destinadas a parados de longa duración, aos problemas da Lei de dependencia e a políticas de fomento da economía produtiva”.

No marco do Plan de austeridade, o máximo mandatario autonómico detallou que a Consellería de Medio Rural pechou a súa estrutrua orgánica coa supresión de 6 xefaturas de servizo. Engadiu que a Consellería de Medio Ambiente, Territorio e Infraestruturas fixo o propio cun recorte de 7 millóns de euros previsto para toda a lexislatura, como resultado de eliminar dúas direccións xerais, 4 subdireccións xerais e 4 xefaturas de servizo, ademais de integrar toda a antiga Consellería de Vivenda e Solo no IGVS. Ademais, Feijóo subliñou a creación na Consellería de Medio Ambiente dunha
“unidade que imos coidar con especial interese”, a Subdirección Xeral de Seguridade e Inspección, como unha aposta por profesionalizar a seguridade viaria, por despolitizala e enchela de contidos técnicos.

O traslado das delegacións da Xunta no exterior, outro compromiso coa austeridade
No transcurso da súa intervención, o presidente galego remarcou que esta mesma liña de austeridade se aplicará ao funcionamento das delegacións da Xunta no exterior. Así, Feijóo adiantou que, tal e como tiña comprometido, o seu Goberno trasladará as delegacións da Xunta de Buenos Aires ás sedes dalgúns dos centros galegos “seculares”, que existen en ambas as dúas capitais “desde moito antes que as delegacións da Xunta”.

O máximo mandatario galego explicou que, tan só no caso de Buenos Aires, este traslado suporá rebaixar un 50% o total dos gastos da delegación, un 70% se se teñen en conta só os gastos da súa ubicación. “Imos aforrar un 50% do total de gastos da delegación, que ascendían a 860.000 euros ao ano”, afirmou o presidente da Xunta, quen anunciou a próxima rescisión do contrato de aluguer da sede do Goberno galego, que custa ás arcas públicas 45.000 euros ao mes.

Unha educación infantil flexible, non discriminatoria e que faga partícipes aos pais
O presidente galego destacou, tamén, a aprobación por parte do Consello da Xunta do currículo de educación infantil para nenos de 0 a 6 anos, un acordo que, segundo explicou, cubre un baleiro de “dous anos e medios”.

Neste sentido, Feijóo salientou que o currículo autorizado hoxe ten tres principios inspiradores: a flexibilidade, a non discriminación, e a corresponsabilidade. Así, o máximo mandatario galego asegurou que a flexibilidade permitirá aos centros atender á diversidade do alumnado galego, e que a non discriminación posibilitará que os nais e pais poidan elixir a principio de curso se os seus fillos reciben ou non ensinanzas relixiosas. “E, por último, falamos de corresponsabilidade porque sabemos que a educación non é só cuestión dos docentes, senón tamén das familias. Por iso habilitaremos cauces de maior participación a este nivel”, destacou.

O titular da Xunta anunciou, tamén no eido da atención aos máis pequenos, a prórroga do programa do cheque infantil, unha actuación que ten como obxectivo dar resposta ás necesidades de prazas de gardería que existen na Comunidade. Neste sentido, Feijóo adiantou que, de cara ao curso que ven, se investirán 1,7 millóns de euros que financiarán 1.400 prazas.

Unha aposta pola Semana Verde de Galicia
Na súa comparecencia, o presidente galego destacou outros acordos tomados na reunión semanal do Consello da Xunta como a autorización dunha achega de 880.000 euros á Fundación da Semana Verde de Galicia; a aprobación de cinco acordos en materia sanitaria e de benestar polos que se financian programas de saúde mental infantil e xuvenil da área de Ferrol, e as actividades asociacións de axuda a ex alcohólicos e drogodependentes, por un total de 600.000 euros; a declaración do pazo de Liñares, en Lalín, como Ben de Interese Cultural; as obras de mellora da estación de bombeo do Temple, en Cambre; e a convocatoria de bolsas por un importe de 550.000 euros para que galegos residentes no exterior poidan cursar estudos universitarios ou de Formación Profesional na Comunidade. Feijóo salientou, tamén, a aprobación da declaración institucional do Goberno galego con motivo do Día Mundial do Medio Ambiente, que se conmemora mañá venres, e na que a Xunta formula o seu compromiso “inequívoco” cun desenvolvemento sostible.

En referencia á Fundación Semana Verde de Galicia, o presidente galego destacou que a Xunta busca reflotar financeiramente esta feira, pero, tamén, acadar o equilibrio financeiro interno da Fundación. “Non se trata de recibir subvencións da Xunta, trátase de recibir ingresos polas actividades do recinto feiral. Polo tanto, ímoslle dar un voto de confianza ao novo equipo da Semana Verde, ímoslle dar un voto de confianza ao plan de viabilidade presentado polo novo equipo, e imos buscar un equilibrio económico a medio e longo prazo para esta aposta polo sector agrogandeiro tan necesaria neste momento”, concluíu.

Valença do Minho predica con un ejemplo : si no hay para pan, no puede haber para estampas...

A Câmara Municipal de Valença vai avançar, de imediato, com um Plano Anti-crise que pretende chegar às camadas sociais mais fragilizadas, nomeadamente à terceira-idade, aos novos desempregados e aos recem-licenciados. 200 mil euros, distribuidos por várias medidas de intervenção social, serão transferidos do orçamento da feira EXPOMINHO, que este ano será cancelada excepcionalmente.

VALENÇA do MINHO ( Vítor Salvador / MORRAZO-tribuna) .- Para o Presidente da Câmara “abdicamos, este ano, a título excepcional, da realização da EXPOMINHO, e transferimos a verba para a concretização deste plano que pretende intervir, de imediato, junto daqueles, que pelas mais diversas razões, estão a sentir, com mais intensidade, os efeitos da crise mundial”.
Apoios nos Medicamentos, Estágios Profissionais, Rendas de Casa ...
Entre as várias medidas, abrangidas pelo plano, destacam-se a redução no pagamento de consumo de água, atribuição de subsídios eventuais para pagamento de despesas com rendas de casa, pagamento de electricidade e de gás, a comparticipação na aquisição de medicamentos, o transporte para consultas/tratamentos no Centro de Saúde de Valença, o acesso gratuito às iniciativas de carácter cultural, desportivo e recreativo ptomovidas pela Câmara e o acesso gratuito às Piscinas Municipais, bem como com a criação de mais estágios profissionais para recem licenciados, nos serviços municipais.
Reforço do Cartão do Idoso, Recuperação de Habitações Degradadas e Bolsas de Estudo
Este plano completa-se com o reforço dos apoios e abrangência do Cartão do Idoso, do programa de recuperação de habitações degradadas e do programa de atribuição de bolsas de estudo a estudantes que frequentam o ensino superior.
Este plano será aplicado em 2009 e eventualmente em 2010 se a situação social assim o justificar.