Aproximación entre Política Lingüística y las Universidades gallegas

Pontevedra-Vigo (MORRAZO-TRIBUNA).- O secretario xeral de Política Lingüística, Anxo Lorenzo, recibiu hoxe os responsables da política lingüística das universidades galegas. A secretaria xeral da Universidade de Santiago, Isabel García-Rodeja; o secretario xeral da Universidade da Coruña, Xosé Manuel Carril; e o vicerreitor de Relacións Institucionais da Universidade de Vigo, Iván Area, reuníronse hoxe por vez primeira con Anxo Lorenzo para trasladarlle os principais proxectos que se están a desenvolver nas áreas de normalización lingüística das tres institucións.

Durante a reunión, na que intercambiaron puntos de vista sobre as iniciativas das universidades a prol do galego, Anxo Lorenzo amosou o seu interese por que a Xunta forme parte da comisión que veñen de crear as tres universidades, que ten como finalidade impulsar e coordinar o proceso de normalización lingüística no ámbito universitario.

Entre os principais obxectivos desta comisión atópase a definición das liñas políticas de actuación na comunidade universitaria galega no proceso de normalización lingüística, así como a promoción de accións transversais encamiñadas ao fomento e ao uso da lingua galega nos diferentes sectores e ámbitos universitarios, principalmente na docencia e na investigación.

Más sobre el conflicto de Empresariales

VIGO/PONTEVEDRA (MORRAZO-tribuna) .- O conselleiro de Educación, Xesús Vázquez Abad, confirmou hoxe que todos aqueles centros onde se imparte actualmente a diplomatura de Ciencias Empresariais –A Coruña, Lugo, Vigo e Ourense- adaptarán eses estudos a grados. O conselleiro da resposta así ó debate mantido no pleno universitario do pasado venres no que se decidiu que fose Vázquez Abad quen tomase a decisión final. Así o titular de Educación cumpre co compromiso adquirido de ordear a transformación das actuais diplomaturas en Empresariais dentro do actual procedemento legal de autorización de títulos oficiais para o curso 2009-2010.

O escrito para as Universidades
A Consellería de Educación fixo chegar o reitor das Universidades de Vigo, A Coruña e Santiago un escrito no que a Administración da o visto bo para que “en todos aqueles centros universitarios onde está implantada a diplomatura de Ciencias Empresarias adapten estes estudos a categoría de graos”, que son A Coruña, Vigo, Ourense e Lugo.

De acordo coa decisión tomada dende a consellería de Educación, a Universidade de Vigo manterá o próximo curso a Diplomatura de Ciencias Empresariais na Escola de Estudos Empresariais do campus de Vigo, coa mesma oferta de prazas en primeiro curso que xa fixera para o presente ano universitario 2008-2009.

Do mesmo modo a Consellería de Educación e Ordenación Universitaria seguirá traballando na transformación das actuais Diplomaturas en Empresariais que se ofertan nas universidades do SUG, segundo as competencias atribuídas pola lei 11/1989 do 20 de xullo. O obxectivo é conseguir unha oferta de titulacións acorde e apropiada ao sistema e á sociedade en xeral, segundo a súa demanda e empregabilidade.

Neste sentido a consellería de Educación insta ás universidades a traballar na transformación dos actuais estudos en Ciencias Empresarias que se imparten nos campus de Vigo, Ourense e Lugo, en Graos especializados vinculados coas ensinanzas empresariais, co obxectivo de mellorar a actual oferta formativa do estudantado galego nestes ámbitos.


Xesús Vázquez salientou que “con esta decisión benefícianse as catro provincias, é e algo bo para a sociedade. A actuación da Consellería –precisou- favorece a Coruña, Lugo, Ourense e Vigo, nun asunto que xa se dera por finiquitado e abandonado polo goberno anterior”. O conselleiro cifrou en entre 1.300 e 1.500 o número de alumnos que cada ano se beneficiarán da nova oferta polo que “os nosos estudantes non terán que saír da Comunidade para facer estudos relacionados co ámbito empresarial, algo que pensamos que se fixo mal na anterior lexislatura cando trataron de unificar a diplomatura de base a un único grao de Administración e Dirección de Empresas (ADE)”.

O mesmo tempo, o conselleiro de Educación sinalou que ante o risco dunha posible duplicidade de contidos tentarase que no grao de Ciencias Empresariais “se abran novos campos en base á especialización e diversificación, para que os estudantes teñan un amplo abano de posibilidades en Galicia”.

Más sobre el conflicto de Empresariales

VIGO/PONTEVEDRA (MORRAZO-tribuna) .- O conselleiro de Educación, Xesús Vázquez Abad, confirmou hoxe que todos aqueles centros onde se imparte actualmente a diplomatura de Ciencias Empresariais –A Coruña, Lugo, Vigo e Ourense- adaptarán eses estudos a grados. O conselleiro da resposta así ó debate mantido no pleno universitario do pasado venres no que se decidiu que fose Vázquez Abad quen tomase a decisión final. Así o titular de Educación cumpre co compromiso adquirido de ordear a transformación das actuais diplomaturas en Empresariais dentro do actual procedemento legal de autorización de títulos oficiais para o curso 2009-2010.

O escrito para as Universidades
A Consellería de Educación fixo chegar o reitor das Universidades de Vigo, A Coruña e Santiago un escrito no que a Administración da o visto bo para que “en todos aqueles centros universitarios onde está implantada a diplomatura de Ciencias Empresarias adapten estes estudos a categoría de graos”, que son A Coruña, Vigo, Ourense e Lugo.

De acordo coa decisión tomada dende a consellería de Educación, a Universidade de Vigo manterá o próximo curso a Diplomatura de Ciencias Empresariais na Escola de Estudos Empresariais do campus de Vigo, coa mesma oferta de prazas en primeiro curso que xa fixera para o presente ano universitario 2008-2009.

Do mesmo modo a Consellería de Educación e Ordenación Universitaria seguirá traballando na transformación das actuais Diplomaturas en Empresariais que se ofertan nas universidades do SUG, segundo as competencias atribuídas pola lei 11/1989 do 20 de xullo. O obxectivo é conseguir unha oferta de titulacións acorde e apropiada ao sistema e á sociedade en xeral, segundo a súa demanda e empregabilidade.

Neste sentido a consellería de Educación insta ás universidades a traballar na transformación dos actuais estudos en Ciencias Empresarias que se imparten nos campus de Vigo, Ourense e Lugo, en Graos especializados vinculados coas ensinanzas empresariais, co obxectivo de mellorar a actual oferta formativa do estudantado galego nestes ámbitos.


Xesús Vázquez salientou que “con esta decisión benefícianse as catro provincias, é e algo bo para a sociedade. A actuación da Consellería –precisou- favorece a Coruña, Lugo, Ourense e Vigo, nun asunto que xa se dera por finiquitado e abandonado polo goberno anterior”. O conselleiro cifrou en entre 1.300 e 1.500 o número de alumnos que cada ano se beneficiarán da nova oferta polo que “os nosos estudantes non terán que saír da Comunidade para facer estudos relacionados co ámbito empresarial, algo que pensamos que se fixo mal na anterior lexislatura cando trataron de unificar a diplomatura de base a un único grao de Administración e Dirección de Empresas (ADE)”.

O mesmo tempo, o conselleiro de Educación sinalou que ante o risco dunha posible duplicidade de contidos tentarase que no grao de Ciencias Empresariais “se abran novos campos en base á especialización e diversificación, para que os estudantes teñan un amplo abano de posibilidades en Galicia”.

El Conselleiro de Educación será quien decida sobre la polémica de Empresariales

VIGO/PONTEVEDRA (MORRAZO-tribuna) .- O Conselleiro de Educación, Jesús Vázquez Abad, será quen decida se primeiro da diplomatura de Empresariais continúa no vindeiro curso nos centros onde se está impartindo.

O titular de Educación anunciou hoxe que no Consello Galego de Universidades se informou da autorización previa de envío a verificación polo Consejo de Universidades do título de grao en Ciencias Empresariais pola Universidade da Coruña.

Tras unha longa reunión a debate os integrantes do órgano consultivo universitario decidiron que fora a Consellería quen adopte a decisión de manter, ou non, primeiro da diplomatura de Empresariais nos centros onde se está impartindo ata o de agora. Esta situación manteríase só durante o curso 2009- 2010, e o conselleiro comprometeuse a enviar un escrito as tres universidades o vindeiro luns, 1 de xuño, coa decisión que a consellería adopte.

Por outra banda o conselleiro anunciou tamén a elaboración dunha Lei Galega de Universidades. Deste xeito Vázquez incidiu no cumprimento dunha das promesas feitas durante a campaña, e coa que destacou que esta nova Lei “regulará o sistema universitaria galego neste proceso de adaptación do noso ensino superior ao Espazo Europeo de Educación Superior, e que sirva de canle para a consolidación do Sistema Universitario Galego neste século XXI de xeito que teña un destacado papel na implantación da sociedade do coñecemento, pilar do desenvolvemento económico de Galicia”.

En relación coa elaboración da nova Lei que achegue os universitarios galegos ao plan de Bolonia, o conselleiro recordou que o novo Goberno Galego enfróntase a unha etapa “economicamente moi difícil”, a pesar da cal “temos a idea de conquerir para as universidades galegas as maiores garantías de éxito”.

Un éxito para o que segundo Jesús Vázquez “haberá que procurar que os estudantes conten cos recursos e o financiamento necesario que lles permita competir en calidade e excelencia docente e investigadoras coas restantes universidades, tanto españolas como europeas e nun ámbito global”.

Ao mesmo tempo o titular de Educación aproveitou a súa participación no órgano consultivo universitario para sinalar que o seu Gabinete se compromete a “elaborar un novo plan de financiamento, de acordo coas tres universidades”. Un novo plan que permita cumprir coas esixencias derivadas da plan integración ao Espazo Europeo de Educación Superior, pero que aínda non ten datas establecidas.

Rebeca Mariño e Gustavo Nieves gañan o I Premio á Excelencia Deportiva da Universidade

VIGO/PONTEVEDRA (D. Besadío | Diario da Universidade de Vigo).- A taekwondista Mª Rebeca Mariño e o atleta Gustavo Nieves convertéronse esta tarde nos primeiros estudantes en recibir o Premio á excelencia deportiva da Universidade de Vigo en recoñecemento á súa brillante traxectoria académica e deportiva. Recolleron o galardón na XVIII Gala do Deporte, unha festa que contou coa asistencia do reitor Alberto Gago, e coa que a Universidade premiou “o esforzo dos estudantes que practican deporte, en moitos casos de elite,e ademais progresan nos seus estudos”, tal como salientou a vicerreitora de Extensión Cultural e Estudantes, Mª del Carmen Cabeza.
Xunto a Mariño e Nieves, que foron premiados con cadanseu ordenador portátil, destacouse tamén a excelente carreira deportiva dos outros catro candidatos: as taekwondistas, Nazareth Tilve e Nerea Alamancos, o tamén taekwondista Fernando Rascado e o xogador de volei praia Diego Mahia.

Dous excelentes exemplos de éxito e superación
Vinculada ao mundo do deporte desde a súa infancia, Mariño (Boiro, 1983) acumula xa un dilatado palmarés no que podemos incluír a conquista do título nacional do peso galo hai apenas uns meses, un ouro e unha prata en consecutivos Campionatos de España Universitarios ou outras preseas internacionais coma un bronce en México ou unha prata no Open de Bélxica. Esta é a súa tarxeta de presentación deportiva, pero a ela hai que engadir outra non menos importante, a académica: estudou Educación Primaria na especialidade de Educación Física, formación que agora está a completar co doutoramento en Ciencias da Actividade Física e do Deporte e un máster en Xestión e Administración Deportiva do Comité Olímpico Español. A clave do éxito, segundo ela, “non ten segredos, simplemente se trata de unir perseveranza, concentración e esforzo diario”, se ben engade, “ten que che gustar moito, para min o taekwondo é un hábito de vida, case coma unha adicción”, confesa.
Xunto a Mariño recolleu o premio Gustavo Nieves (Vilalba, 1984), todo un exemplo de superación persoal no que, de novo, se combina o éxito deportivo e académico. Está a piques de rematar Enxeñaría de Minas e hai uns meses acadou o récord paralímpico mundial dos 10.000 metros en categoría T-12 para deficientes visuais. Considera esta como a súa mellor tempada, pero ás súas costas ten xa dous xogos olímpicos (Sidney e Pekin) e acaba de gañar o Campionato de España de 5000 e mesmo se colgou o bronce coa selección galega absoluta de cros, algo que valora especialmente debido a que se trata dunha proba especialmente difícil para el debido á súa deficiencia visual. Agora pensa xa no seu próximo reto, “o campionato europeo, que se xogará no mes de xuño”.
Ambos destacaron a ilusión que supón para eles o premio, “significa moito porque é unha recompensa máis a toda unha vida dedicada ao deporte”, salientou Mariño, ao que Nieves quixo engadir que, “para un deportista acadar o éxito supón un gran esforzo e é bonito ver que este é aprezado”.
Rebeca Mariño subliña cun exemplo o esforzo do que falan: o vindeiro mes de xuño disputará a Copa do Mundo, en xullo a Universiada e en outubro o mundial, cada competición nun país diferente. Entre tanto, en setembro, ten que presentar o proxecto final que lle permitirá acadar o Diploma de Estudos Avanzados. “O dito, que non damos a basto”, sorrí.

Longa lista de premios e mencións
Xunto a estes premiados recoñeceuse o labor de moitos outros estudantes que a diario fan malabarismos para combinar adestramentos, competicións e concentracións con clases teóricas, prácticas e exames.
Os dezaoito medallistas dos Campionatos de España Universitarios 2009; os xogadores de xadrez Daniel Vila (campión galego sub 16), Rafael Rodríguez (campión galego absoluto) e Manuel Pena (subcampión de España absoluto); o xogador de rugby Iñaki Román, en recoñecemento á súa traxectoria deportiva; o equipo feminino de Tenis do campus de Vigo (campionas galegas); o equipo A xadrez campus de Vigo (campión/subcampión galego); os primeiros clasificados no campionato interno de tenis e os gañadores da III Copa Intercampus, completaron o listado de estudantes/equipos galardoados.
Xunto a eles recibiu tamén unha mención especial un estudante xa egresado Xavier Pascual, Pasqui, actual adestrador do FC Barcelona Balonman; o profesor, Eduardo Domínguez, preparador físico do RC Deportivo de La Coruña ,e dúas institucións que sempre teñen a porta aberta á colaboración coa Universidade, Anfaco, colaboradora na carreira 10 Km Cidade Universitaria, e o Círculo Mercantil, habitual colaborador na cesión das súas instalacións.

Música e humor completaron “un día de festa”
Cos televisivos e titulados pola Universidade, Alba Lago e David Amor, como presentadores da gala, e a actriz María Castro, tamén titulada pola Universidade, como madriña dos premiados, a XVIII Gala do Deporte converteuse na “gran festa do deporte universitario”, tal como salientou a vicerreitora Mª del Carmen Cabeza.
A actuación do grupo MoonCresta, a intervención dun trío de zancudos, a proxección dun vídeo sobre a actividade deportiva na Universidade e o sorteo de múltiples agasallos completaron unha tarde noite no teatro Vidal Bolaño que tivo ao deporte como gran protagonista.
Para rematar, como non, houbo un aperitivo para todos. Era o día da celebración, mañá virá de novo a concentración e preparación para a consecución de novas medallas, deportivas, académicas, pero, sobre todo, vitais.

Presidente de Deputación y Rector de la Universidad avanzan en objetivos comunes

VIGO/PONTEVEDRA (MORRAZO-tribuna) .- O presidente da Deputación, Rafael Louzán e o reitor da Universidade de Vigo, Alberto Gago, mantiveron hoxe unha xuntanza de traballo no Pazo Provincial.

- O reitor manifestoulle a Louzán o interese da Universidade de reforzar o título de Deseño téxtil e Moda. “Aspiramos a que sexa un título oficial de grado no Campus de Pontevedra”, afirmou Gago.
- O presidente da Deputación manifestou tamén o seu interese de que esta titulación pase a ser unha titulación perfectamente regrada. Con este fin, anunciaron que a vindeira semana terá lugar unha xuntanza do Padroado na que se fixará un calendario para traballar neste senso.
Transferencia de Enfermería
Rafael Louzán puxo sobre a mesa a transferencia da Escola de Enfermería á Universidade. Este centro depende actualmente da Deputación a pesar de que esta institución non ten competecias en Educación e Sanidade.
“Non ten ningunha lóxica que a xestión deste centro dependa da Deputación” aseverou Louzán. O presidente considera que estas titulacións deben estar reguladas polas consellerías de Educación e Sanidade “que deben ser as que artellen a política a seguir na xestión deste centro” e neste senso comentou a súa intención de traballar neste senso co novo Goberno Autonómico.
Alberto Gago comentou sobre este asunto a necesidade que “exista un acordo canto antes entre as consellerías de Educación e Sanidade para que os catro títulos de enfermería adscritos á Universidade de Vigo se integren con normalidade na mesma”.
Por outra banda, Louzán e Gago trataron a posible oferta de títulos no ámbito da Enoloxía. “Á Universidade de Vigo lle interesa este asunto porque existe unha evidente fortaleza deste sector agroalimentario no noso ámbito de influencia”, afirmou o reitor.

O titular da Deputación informou de que se trata dun asunto moi demandado por institucións e alcaldes e considerou que “o Campus de Pontevedra debe contar no seu novo mapa de titulacións un ciclo académico sobre Enoloxía que reforce a un sector destacado das Rías Baixas”.
Rafael Louzán prestará o seu apoio para que Pontevedra lidere esta iniciativa que permita que “alumnos que algún día serán empresarios teñan os coñecementos necesarios nesta materia que tantos recursos económicos aporta á provincia”.
Na xuntanza mantida hoxe, Alberto Gago demandou unha vía global de colaboración institucional sistemática coa Deputación. “A Universidade non precisa da Deputación para financiarse”, afirmou o reitor “pero si debe colaborar con todas as institucións que forman parte da súa área de influencia”.

Vigo convértese no escenario mundial do troco de coñecemento en ciencias mariñas

VIGO/PONTEVEDRA (Lucía Costas | Diario da Universidade de Vigo)
“Un foro de intercambio entre os investigadores e os estudantes das ciencias mariñas” foi como definiu Jesús Souza Troncoso, decano da Facultade de Ciencias do Mar, o II Simposio Internacional de Ciencias do Mar que se inaugurou esta mañá no Centro Social Caixanova. Durante toda a semana mesas redondas, relatorios e visitas guiadas conforman a programación deste encontro ao que asisten arredor de 350 oceanógrafos chegados de todo o mundo.
Investigadores e estudantes terán “a oportunidade de poñer en conxunto todo o coñecemento adquirido co fin de avanzar na materia”, sinalaba Aida Fernández, directora do Instituto de Investigación Mariñas de Vigo; na mesma liña Pablo Carrera, director do Museo do Mar de Galicia, dende a súa posición de divulgador, cualificaba o evento como “apropiado para sacarlle proveito ao bo traballo do estudante e do investigador”. “Tentaremos converter o encontro nun foro de debate entre científicos e estudantes”, incidía Souza.
“Un congreso pluridisciplinar onde se reúne gran parte da elite nacional e internacional da oceanografía para tratar as diferentes temáticas das ciencias mariñas”, remarcaba a vicerreitora de Investigación Elsa Vázquez, “onde todos aprendemos de todos”, polo que ha ser fundamental que “todos participemos de maneira activa”, sinalaba ao mesmo tempo Valetín Trujillo, director do Centro Oceanográfico de Vigo; “é este o lugar perfecto para observar e compartir coñecementos entre as diferentes disciplinas”, engadía Trujillo. Cuestións da oceanografía química, física, biolóxica e xeolóxica serán o eixo dos relatorios e mesas redondas ao longo destas xornadas, “é transcendental abordar todos estes ámbitos das ciencias mariñas para acadar a interdisciplinariedade que buscamos e cara á que temos que camiñar en toda a investigación”, concluía a vicerreitora.

Vigo, cidade por excelencia da investigación mariña
En 2007 foi Valencia a primeira en organizar este simposio, unha idea orixinada despois dunha xuntanza en Cádiz dos decanos das cinco facultades de Ciencias do Mar (Alacante, As Palmas, Cádiz, Valencia e Vigo) na que localizaron “a necesidade de celebrar un encontro nacional, aínda que con participación mundial, para comezar unha nova actividade co obxectivo de crear unha sinerxía entre os investigadores do noso país”, explicaba Santiago Hernández, decano da Facultade de Ciencias do Mar de As Palmas. Unha iniciativa que se seguirá a levar a cabo cada dous anos.
Vigo foi a escollida para esta segunda edición do simposio, “unha cidade única en España e das poucas en Europa que une diversos centros de investigación mariña”, apuntaba Vázquez. Así, a cidade olívica conta cun Centro Costeiro do Instituto Nacional de Oceanografía; o Centro de Investigacións Mariñas do CSIC; as facultades de Ciencias do Mar e Bioloxía, “onde facemos investigación en ciencias mariñas”, remarcaba a vicerreitora; o Museo do Mar, “cunha importante actividade de divulgación”, sinalaba o seu director; o CETMAR, “un punto de unión entre os investigadores e as empresas”, indicaba Vázquez, e a Escola Naval Militar de Marín. Respecto a este último centro, vinculado á Universidade, José Gabriel Martínez Ratero, director da Cátedra Almirante Álvarez-Ossorio, lembraba “a colaboración e o traballo compartido durante anos entre a Escola Naval e a Universidade”, entre o que destacou a participación por parte da Armada do buque de investigación oceanográfico Hespérides.
Finalmente, Elsa Vázquez expresaba o seu desexo de que “todo este potencial que temos en Vigo se poida ver materializado na Cidade do Mar, un futuro punto de reunión de todos os investigadores das ciencias mariñas de Galicia, España e Europa.

Conferencias, mesas redondas, comunicacións e visitas guiadas
Tralo acto oficial de apertura, o profesor Antony Underwood, da Sydney University, foi o encargado de inaugurar a xornada coa conferencia Recent advances in understanding grazing as a major process influencing biodiversity on rocky shores.
Dende hoxe e ata o xoves, no Centro Social Caixanova, presentaranse preto de 90 comunicacións orais e 280 en formato póster, así como diferentes relatorios da man de científicos de recoñecido prestixio mundial. Deste xeito, esta mesma tarde, Angelo Camerlenghi, da Universidade de Barcelona, e Ana Ramos, do Instituto Español de Oceanografía de Vigo, presentan Hidratos de metano: cambio climático, energía y riesgo submarino e El bentos de la Antártida del Oeste, ás 15.30 e 17.00 horas, respectivamente.
Mañá martes destacan as conferencias de Ana Vila, da Sydney University, De Vigo a Australia: los pasos de una oceanógrafa, ás 11.30 horas e de Santiago Hernández, decano da Facultade de Ciencias do Mar de As Palmas, Plankton and the lunar cycle: consequences for biogeochemistry and fisheries, ás 15.30 horas. Para rematar a xornada, a partir das sete da tarde, e ata ás nove da noite, está programada unha visita guiada ao Museo do Mar de Galicia.
Xosé Antón Álvarez e Des Barton, do CSIC Vigo serán os protagonistas do mércores. Ás 11.30 horas, Álvarez afondará na investigación mariña na cidade olívica e xa pola tarde, a partir das 15.30 horas, Des Bartón ofrecerá o relatorio El sector nororiental del pacífico subtropical ¡Como en casa!.
O último dos días, Gonzalo Giribet, chegado dende a Harvard University, será o encargado de ofrecer a conferencia de clausura, Phylogeny on the Half Shell, un estudo integrador sobre a filoxenia de bivalvos.
Como colofón ao congreso, e despedida ata o vindeiro 2011, o venres 1 de maio, realizarase unha excursión en cruceiro pola Ría de Vigo, con xantar a bordo e visita ás Illas Cíes, “un parque nacional onde teremos a oportunidade de observar ecosistemas moi diversos”, apuntaba José Antonio Fernández, director do Parque Nacional Illas Atlánticas.

Novo paso adiante na posta en marcha do grao en Enxeñaría Industrial : O Centro Superior da Defensa será dirixido por José María Pousada

PONTEVEDRA (Camino Carballeira | Diario da Universidade de Vigo)

Coa constitución formal do Padroado do Centro Superior da Defensa realizada este venres, a Universidade de Vigo e a Escola Naval Militar de Marín dan un paso máis para que en setembro de 2010 se poña en marcha o título de Enxeñaría Industrial e os estudantes da escola saian co seu despacho militar nunha man e un grao, completamente adaptado ao Espazo Europeo de Educación Superior, na outra. Para darlle un impulso definitivo cara a ese obxectivo na súa primeira xuntanza o Padroado nomeou a José María Pousada, quen ata febreiro dirixiu a ETSE de Telecomunicacións, director do novo centro. Na reunión estivo presente a subscretaria do Ministerio de Defensa, María Victoria San José; o reitor da Universidade, Alberto Gago; o vicerreitor de Formación e Innovación Educativa, Pedro Membiela; e o comandante director da ENM, José Luis Urcelay; ademais doutros representantes militares.
O reitor valorou moi positivamente este paso e considerou que “ten moitísimo interese para Universidade”. Explicou que non lle parecía "moi dimensionada a idea de crear unha universidade militar exclusiva” e considerou a creación do centro como “unha fórmula de integración dentro da sociedade civil máis”. Ao mesmo tempo destacou o valor estratéxico da aposta pola enxeñaría para a propia Universidade pois implica dar a coñecer fóra da Armada “algo que nós xa sabemos e é que a Armada ten nos seus estudos e nas súas propias investigacións moitos puntos de contacto coa Universidade de Vigo”.

Elaboración do plan de estudos
Para levar da man esta maridaxe, o Padroado escolleu a José María Pousada cuxo primeiro reto será “colaborar coa Escola de Industriais na elaboración do plan de estudos”. Un asunto laborioso xa que terá que facer compatibles os 240 créditos da carreira civil con 140 máis das materias militares que levarán os alumnos aos graos de alférez de navío, para o corpo xeral, e tenente, para o corpo de Infantería. O novo director do Centro Superior da Defensa considera este novo posto “un reto apaixoante porque é un centro como os outros da Universidade, pero cunhas peculiaridades e hai que abordar todo o proceso desde o principio”. “Eu fun director de Telecomunicación durante seis anos pero cando eu cheguei a escola xa levaba en funcionamento 16 anos, pero agora aquí, de momento, estou eu só”, di bromeando. A partir do luns, Pousada, que ademais é natural de Marín, comezará a desenvolver o seu traballo.
Desde calquera perspectiva, esta adscrición supón beneficios para as dúas partes e neste sentido, Pousada apuntou que este centro “non supón unha competencia para a Escola de Industriais porque o mercado de alumnos, por así dicilo, é distinto”. A maioría dos alumnos de Vigo son galegos, “especialmente da zona sur”, mentres que os do Centro Universitario da Defensa “é xente que quere ser oficial da Armada e neste caso, e como parte desa formación, realizará o grao en Enxeñaría Industrial”.
A rama escollida para impartir no novo centro é a de Mecánica, unha solicitude da Escola, que considera que será a máis beneficiosa para os seus alumnos, polo traballo que despois deberán desenvolver e que mellora tamén as perspectivas para os oficiais que nun momento determinado da súa carreira decidan cambiar de orientación profesional.

Unha colaboración que non é nova
Desde o ano 1993, Universidade de Vigo e Escola Naval Militar de Marín comparten a Cátedra Almirante Álvarez-Ossorio, unha experiencia excelente que facilita moitas cousas: compartir recursos, compartir profesores, intercambios de alumnos. Neste ano tamén se puxo en marcha, grazas a un esforzo conxunto a realización do Máster de química cuántica nas instalacións militares. Pero hai outros anteriores como a colaboración da Escola de Telecomunicacións de Vigo coa Escola Naval, concretamente, co Centro de Medidas Electromagnéticas, para o desenvolvemento de estudos de doutoramento en electromagnetismo.

Nova Universidade renueva sus liderazgos

A súa candidatura foi unanimemente respaldada
Jaime Cabeza Pereiro é nomeado coordinador de Nova Universidade
José Luís Legido xa confirmara a súa intención de non seguir liderando o grupo de oposición

- VIGO/PONTEVEDRA (Mª del Carmen Echevarría Diario da Universidade de Vigo)
O catedrático do Departamento de Dereito Público Especial, Comunicación Audiovisual e Publicidade, Jaime Cabeza Pereiro, foi designado nunha xuntanza celebrada hoxe, coordinador de Nova Universidade, formación opositora ao actual equipo reitoral. Os integrantes de Nova Universidade, liderados ata o de agora por José Luís Legido, apoiaron de xeito unánime a candidatura de Cabeza Pereiro que a partir deste momento desempeñará as funcións de coordinación de Nova Universidade e será con toda probabilidade o vindeiro candidato a reitor da formación.
Cando aproximadamente resta un ano para a celebración de eleccións na institución académica, Nova Universidade reorganiza a súa estrutura que non seguirá estando liderada por José Luís Legido quen o pasado mes de febreiro de 2008, nunha entrevista publicada no Duvi, confirmara a súa intención de non volver a presentarse ás eleccións.
Trala súa designación como coordinador de Nova Universidade, Cabeza comparecerá o vindeiro martes 28 de abril ante os medios de comunicación para dar conta dos seus plans.

Especialista en dereito laboral e en materia de xénero
Jaime Cabeza que formara parte da candidatura liderada por José Luís Legido nas eleccións celebradas o 23 de maio de 2006, é catedrático de Dereito do Traballo e da Seguridade Social e desenvolve a súa actividade investigadora no grupo DT1. Autor dunha decena de libros e colaborador en varias obras colectivas, Jaime Cabeza ten publicado numerosos artigos en revistas, centrando as súas últimas producións en temas como a prestación de desemprego dos inmigrantes retornados, o estatuto do traballador autónomo español ou os plans de igualdade e a negociación colectiva. Precisamente en materia de xénero conta cunha ampla obra destacando a dirección de proxectos de investigación subvencionados pola Cátedra Caixanova de Estudos Feministas e numerosos artigos publicados sobre igualdade e non discriminación no traballo.

Inaugurado el congreso internacional Pé d Letra, en la Universidad de Vigo

Martes, 21 de Abril do 2009
O seu espectáculo "Mecanium" inaugurou o congreso internacional Pé d Letra
A vangarda sonora de Pierre Bastien abre a porta da creatividade das letras
O encontro xirará arredor das experiencias do grupo OULIPO, Obradoiro de Literatura Potencial

VIGO/PONTEVEDRA (M. Del Río | Diario da Universidade de Vigo)
Creatividade literaria e vangarda musical uniron esta tarde as súas potencialidades na inauguración do congreso internacional Pé d Letra. O multi-instrumentista e compositor francés presentou o seu espectáculo Mecanium no Teatro Vidal Bolaño no arranque desta xuntanza que se desenvolverá no Verbum ata o vindeiro venres e na que escritores, críticos e tradutores de prestixio mundial afondarán na literatura potencial, nos xogos e na creatividade que ofrecen as letras, as palabras e as súas posibles composicións.
Precisamente as palabras mestúranse no traballo de Bastien cos sons e as notas para crear unha harmonía da man de artefactos mecánicos que producen efectos incribles. Instrumentos tradicionais e outros deseñados polo propio creador a base de percutores, motores e temporizadores danse a man coa percusión, a corda e o vento para obter como resultado melodías entre o jazz e a electrónica e imaxes de mecanos creando música que se proxectan nunha pantalla xigante. E é que a elección de creador francés para inaugurar a xuntanza non é accidental, xa en 1996 compuxo de forma oulipiana Eggs air sister steel, de acordo aos preceptos da literatura potencial á que ten homenaxeado en verias ocacións e sobre a que traballa o grupo OULIPO, Obradoiro de Literatura Potencial dende 1960 e do que forman parte varios dos relatores convidados.
A vicerreitora de Extensión Cultural e Estudantes, Mª del Carmen Cabeza, foi a encargada de dar a benvida aos asistentes e felicitou aos organizadores Gonzalo Navaza e Hermes Salceda, da Universidade de Vigo e María Keating, da Universidade Do Minho. Xunto con estas institucións, toman parte neste simposio as universidades de Nova York e Paris III Sorbonne Nouvelle.
Precisamente Hermes Salceda salientou na inauguración a “materia prima coa que contamos” e o peso da rede de investigadores e expertos que dende anos atrás “traballamos con tentáculos en moitos países sobre os preceptos da literatura potencial”. Neste sentido, quixo destacar a importancia de situar á Universidade de Vigo nunha rede internacional deste tipo de xuntanzas e xustificou a celebración dos relatorios no Verbum Casa das Palabras, “é un lugar singular onde os haxa é a localización natural para un encontro sobre oulimpismo”.
Sobre a actuación de Pierre Bastien para abrir o congreso, Salceda destacou a súa traxectoria artística ao longo da cal realizou numerosos homenaxes ao OULIPO e apuntou que “xunto coas dúas exposicións sitas no Verbum, serve para abrir o noso campo de traballo a todo tipo de públicos”.
No acto de apertura estivo presente tamén Rosendo Covelo, director do Verbum e María Keating en calidade de organizadora e relatora que apuntou o peso que na península ibérica ten a creatividade vinculada ás letras e ás palabras e aos xogos ás que estas poden dar lugar. Xunto con eles, Jean-Jacques Thomas da State University of New York e Éric Beaumatin, da Universidade de Paris III salientaron o potencial de Galicia neste tipo de literatura creativa e a “complicidade con esta terra de poetas”. María del Carmen Cabeza animou a todos eles a traballar arreo ao longo destes días “xa que o éxito deste encontro depende do partido que lle saquedes a esta semana”.

Dúas exposicións xa abertas
Aínda que a apertura oficial do congreso tivo lugar esta tarde, dúas da actividades que forman parte da programación están abertas ao público dende o pasado día 14. Para apoiar o contido específico desta xuntanza, a organización programou no Verbum dúas exposicións para non iniciados no tema. Deste xeito, a través do cómic e da literatura, os visitante poden achegarse grazas a exemplos ao contexto do congreso. Por unha banda, poden visitar ArteLetrA, unha exposición de textos de literatura potencial e das regras da escritura oulipalianas que ten como obxectivo ilustrar a inventiva potencial da letras. Esta mostra permanecerá aberta ata o vindeiro 30 de abril no primeiro andar da Casa das palabras de 10.00 a 19.00 horas e con entrada de balde.
A outra exposición temporal ten á banda deseñada como protagonista baixo o nome de SeverOreveS e, co mesmo horario que a anterior, permanecerá aberta tamén no Verbum ata o vindeiro 8 de maio. A mostra permite aos curiosos achegarse ao cómic con pezas palindrómicas, palabras ou frases que se poden ler tanto de esquerda a dereita como á inversa e como é o caso dos propios nomes das exposicións. Neste caso concreto, recóllense exemplos de cómic palindrómicos, “historias contadas con debuxos que ao invertelos crean outra imaxe e outra historia diferente”, explicou Hermes Salceda, vertebrando a mostra arredor de Gustave Verbeek, innovador do grafismo contemporáneo, e da serie Terre Creuse dos irmáns Schuiten.
As sesións plenarias comezan mañá mércores coa conferencia inaugural da man de Marcel Bénabou, escritor, secretario do OULIPO e profesor na Universidade de Paris VII e de Jean-Jacques Thomas da State University of New York a partir das 10 horas no Verbum.

La Fundación Galiza Nova colabora con la Universidad de Santiago de Compostela

A USC E A FUNDACIÓN GALIZA SEMPRE COLABORARÁN EN ACTIVIDADES ACADÉMICAS, CULTURAIS E DE INVESTIGACIÓN

VIGO/PONTEVEDRA (MORRAZO-tribuna) .- A Universidade de Santiago e a Fundación Galiza Sempre veñen de asinar un acordo no que establecen o marco de actuación para colaborar na organización de congresos, cursos, conferencias, exposicións, publicacións e actividades culturais, así como no asesoramento en investigacións e actividades de arquivo.

A exposición de motivos recolle a tradicional “colaboración na realización do Festigal, Festival cultural que se celebra anualmente en Santiago dende 2002” e o acordo asinado establece varias modalidades de colaboración, entre elas a realización de actividades formativas do alumnado da USC, o asesoramento mutuo en proxectos de investigación e divulgación sobre o nacionalismo galego e a continuación coa colaboración establecida para o tratamento do arquivo da Fundación. Este último asunto iniciouse recentemente mediante a asistencia técnica da USC para o tratamento arquivístico dos fondos documentais do nacionalismo galego xestionados por Galiza Sempre.

Cunha vixencia inicial de cinco anos, o acordo prevé a realización de convenios e contratos específicos para os diferentes proxectos e programas que o desenvolvan, sempre baixo a supervisión dunha comisión mixta integrada polo vicerreitor de Política Internacional da USC e o director xerente da Fundación Galiza Sempre.

O novo conselleiro de Educación avoga por aplicar “pouco a pouco” o programa que lle outorgou ao PP a maioría absoluta

VIGO/PONTEVEDRA (M. Del Río | Ourense- Diario da Universidade de Vigo)

Decano da Facultade de Ciencias Empresarias e Turismo de Ourense entre o 2006 e o 2008, Jesús Vázquez viviu hoxe o seu primeiro Consello de Goberno da Xunta como conselleiro de Educación e Ordenación Universitaria. Despois da súa toma de posesión esta mañá, o conselleiro asegurou que o seu departamento se axustará “ao programa que lle outorgou a maioría absoluta" ao PPdeG. Vázquez Abad negou tamén que conte, polo de agora, cunha planificación para a derrogación do decreto do galego no ensino non universitario. Así, unha das primeiras medidas como titular de Educación será "nas vindeiras horas" conformar "o próximo equipo e a estrutura da consellería".
Despois de reunirse coa súa predecesora no cargo, Laura Sánchez Piñón, explicou que tratarán de "aplicar pouco a pouco" as medidas e "sen perda de tempo". Neste sentido e de acordo ao programa electoral do PP, Vázquez referiuse á intención de "reestruturar o ensino das linguas para conseguir que todos os galegos sexan trilingües". Con todo, o novo conselleiro salientou que o seu mandato non suporá unha “ruptura” con respecto á lexislatura anterior e cualificou de “moi gratificante” a colaboración de Sánchez Piñón, coa que mantivo unha xuntanza co obxectivo de tratar "todas las posibilidades pendentes para traballar día a día" e "dar unha continuidade". Pola súa banda, a conselleira saínte amosou a súa satisfacción de que o novo responsable de Educación proveña “do mundo da universidade” e defendeu o seu paso pola consellería como “unha etapa de aposta pola educación pública e de consenso coa comunidade educativa", ao tempo que se amosou convencida de que o novo Executivo "continuará con esta aposta".

Estreitamente vinculado ao mundo universitario
Único representante da provincia de Ourense no novo goberno de Alberto Núñez Feijóo, Vázquez conta cunha dilatada traxectoria no eido universitario como docente e investigador. Nado en 1967 na cidade alemá de Núremberg, aínda que de familia ribadaviense, estudou Económicas na Universidade de Santiago de Compostela e doutorouse en Ciencias Económicas e Empresariais na Universidade de Vigo, na que é profesor titular. En 2008 deixou o seu posto como decano para concorrer ás eleccións xerais polo Partido Popular como número dous pola provincia de Ourense, obtendo a acta de deputado no Congreso, cargo ao que vén de renunciar para tomar posesión como conselleiro e no que será substituído por Ana Belén Vázquez, número tres na lista.
No campo universitario, Jesús Vázquez Abad é tamén profesor titor na Universidade Nacional de Educación a Distancia en Ourense e conta cunha dilatada experiencia na investigación con varios traballos científicos e libros publicados, sendo tamén coordinador do Máster en Dirección e Xestión de Pequenas e Medianas Empresas. Como investigador ten afondado en temas como as certificacións de calidade, as novas tecnoloxías na empresa, o sector galego da construción, o risco financeiro ou a relación entre empresa e provedor. O novo titular de Educación estaba adscrito ás comisións de Facenda, Economía, Educación e Ciencia e Investigación e era voceiro nacional do PP de Universidades.
Toda esta experiencia seralle de grande utilidade para enfrontarse á tarefa que agora deberá desenvolver ao fronte da Consellería de Educación e Ordenación Universitaria, coa adaptación ao Espazo Europeo de Educación Superior como un dos maiores retos do seu mandato.

La Universidad del Sur de Galicia marca fechas y posiciones ante el futuro inmediato

O calendario aprobado polo Consello de Goberno prolongarase ata o 30 de xullo de 2010
O 21 de setembro comezará o vindeiro curso para os estudos oficiais de grao e posgrao
Takeshi Yasumoto será nomeado Doutor Honoris Causa

VIGO/PONTEVEDRA (Mª del Carmen Echevarría | Diario da Universidade de Vigo)
Do 21 de setembro de 2009 ao 30 de xullo de 2010. Este será o período lectivo do curso académico 2009-2010 para os estudos oficiais de grao e posgrao, despois que o Consello de Goberno aprobase por maioría este calendario de aplicación en todo o Sistema Universitario Galego. O calendario dividido nun primeiro cuadrimestre do 21 de setembro de 2008 ao 3 de febreiro de 2010 e un segundo do 4 de febreiro ao 7 de xuño (16 semanas en ambos casos), establece ademais das probas de avaliación do primeiro e do segundo cuadrimestre, outra convocatoria, que substitúe á que antes se celebraba en setembro e que queda fixada na primeira quincena do mes de xullo. En canto á convocatoria extraordinaria de decembro seguirá a desenvolverse do 14 ao 19 dese mes, sen que se suspendan as clases.
Sen embargo, este calendario que xa funciona no grao de Belas Artes e tamén nos posgraos, non será o único que se implante o vindeiro curso na Universidade de Vigo onde as titulacións a extinguir manterán o calendario vixente ata o de agora cun período lectivo que vai do 21 de setembro do 2009 ao 11 de setembro de 2010, incluíndo as convocatorias de setembro e decembro, esta última con suspensión das clases incluída.
Fronte á recriminación do voceiro dos Comités, Iago Varela, que lamentou que non se tivese consultado ao alumnado cuestións como a suspensión das clases na convocatoria de decembro, o reitor da Universidade de Vigo, Alberto Gago manifestou o desexo do equipo de goberno de “non molestar a ningún centro e transitar de xeito cómodo os vindeiros tres anos”, tendo en conta a convivencia de tres modelos nos centros como son aqueles nos que só haberá graos, outros nos que convivan graos con titulacións a extinguir (licenciaturas e diplomaturas) e outros nos que só haberá ata 2010-2011 titulacións a extinguir, como é o caso das enxeñarías.

Traballo de preparación dos planos de estudo de grao
Precisamente as enxeñarías, xunto coa licenciatura de Física, centraron un dos puntos da orde do día que maior debate xerou: o referido ao encargo da preparación de propostas de títulos de grao para a súa implantación no curso 2010-2011. Despois que a vicerreitora de Titulacións e Converxencia Europea, explicase que foi preciso agradar á publicación das fichas de profesións reguladas para poder iniciar o proceso de transformación, Carmen García Mateo, confirmou o contido do encargo ás respectivas xuntas de escola ou titulación para a elaboración das seguintes propostas de planos de estudo: un grao en Enxeñaría Técnica Forestal; un grao en Enxeñaría Agrícola; un grao en Enxeñaría Técnica de Telecomunicación, con varios itinerarios; seis títulos a determinar: catro con atribucións de enxeñeiro/a técnico/a industrial e dous títulos sen atribucións profesionais no caso da ETSE Industriais e da EUET Industrial; un título de grao a determinar de enxeñeiro/a técnico/a de Minas e un título derivado da transformación da licenciatura de Física. As explicacións da vicerreitora sobre as dúbidas que as propias fichas profesionais manteñen en relación cos nomes dos títulos e a posibilidade de que estes cambien “como xa ocorreu o ano pasado”, non evitaron as críticas da voceiro de Nova Universidade, José Luís Legido que asegurou que “aprobar varios títulos por determinar é como deixalo en branco. Isto non é aprobar nada”, asegurou. Pola súa banda o reitor, Alberto Gago interveu para sinalar que “sexan as xuntas de titulación as que traballen para definir o que máis lle interese aos centros. Trátase de buscar unha solución bastante limpa. Ata agora non nos foi mal”. A pesar dos votos en contra da oposición, o encargo foi aprobado por maioría do Consello de Goberno que tamén deu o seu respaldo ao calendario para a tramitación de propostas destes plans de estudo que deberán estar elaborados nun prazo de dous meses a partir da data de nomeamento da Xunta de titulación.

Encargo docente e recoñecemento da participación do estudantado en actividades
O Consello de Goberno tamén aprobou por maioría na sesión celebrada hoxe o encargo de docencia para o vindeiro curso. O cambio de departamento rexistrado en tres materias, centrou un debate no que participaron os directores e directoras dos departamentos de Deseño de Enxeñaría, Enxeñaría Electrónica e Organización de Empresas e os directores das escolas de Informática e Forestais e no que quedou patente o desacordo dos primeiros polo cambio de departamento de materias que ata o de agora lles eran asignadas.
Si se acadou o consenso de todo o Consello de Goberno á hora de aprobar dúas normativas que recoñecen a participación do estudantado en actividades culturais, deportivas, solidarias, de cooperación e de representación estudantil. Precisamente esta última cuestión foi recollida na modificación da normativa de libre elección na que a ata o de agora non se establecían as actividades de representación estudantil nin o número de créditos obxecto de recoñecemento que a partir de agora quedan fixados en 1,5 créditos ECTS por curso académico, sempre que se teña asistido como mínimo ao 75% das sesións convocadas. Como norma xeral o número máximo de créditos ECTS que se poden recoñecer é de seis optativos do plano de estudos de grao.

Takeshi Yasumoto, vindeiro Doutor Honoris Causa e axudas de investigación
O científico xaponés Takeshi Yasumoto será o vindeiro Doutor Honoris Causa despois que a proposta liderada polo director do Departamento de Química Analítica e Alimentaria e ex reitor da Universidade de Vigo, José Antonio Rodríguez Vázquez, fose aprobada polo Consello de Goberno. Unha decisión que Rodríguez Vázquez agradeceu e cualificou como “unha homenaxe non só do noso grupo de investigación co que Yasumoto colabora desde hai 25 anos, senón do conxunto da Universidade e da sociedade galega, polo importante traballo desenvolvido polo científico xaponés no campo das biotoxinas mariñas”.
Outra decisión destacada relacionada co ámbito da investigación adoptada polo Consello de Goberno foi a aprobación da convocatoria de axudas de investigación 2009. Axudas por importe total de 3.317.823 millóns de euros, divididos en varios programas, destacando polos cambios que se introducen o de bolsas e de axudas á formación “modificacións derivadas”, explicou a vicerreitora de Investigación, Elsa Vázquez, “dos cambios da nova estrutura de ensinanzas do terceiro ciclo”. Como novidade este ano se incorpora o Programa de axudas á incorporación de contratados do Programa Ramón y Cajal por unha contía de 30.000 euros, librados en dúas anualidades de 15.000 euros cada unha.

Modificación da RPT e outros acordos
No capítulo de persoal, a modificación da Relación de Postos de Traballo do persoal de administración e servizos laboral e funcionario, previamente acordado pola Xerencia, a Xunta de persoal e os comités dos campus de Ourense e Pontevedra, obtivo o respaldo unánime do Consello de Goberno. A proposta recolle no caso do persoal de administración e servizos RPT persoal laboral a creación de cinco postos de técnico superior do Grupo I e dous de técnico especialista do Grupo II, así como incremento de cinco técnicos superiores do Grupo I, tres técnicos especialistas do Grupo III e un auxiliar técnico do Grupo IV. Ademais establécese a modificación da quenda de traballo para axustar a RPT nas bibliotecas centrais dos campus de Ourense e Pontevedra.
No caso do persoal de administración e servizos RPT persoal funcionario, acordouse a creación de dous xestores, un no campus de Ourense e outro no de Pontevedra coa finalidade de facilitar a desconcentración dos servizos administrativos. Ademais increméntanse as prazas con tres auxiliares administrativos e dous axudantes de arquivos bibliotecas e museos.
Aínda que a proposta contaba co acordo previo entre Xerencia e representantes dos traballadores, o presidente da Xunta de persoal, Xoan Cebro, non deixou pasar a ocasión para demandar “unha negociación global da RPT, xa que podemos ter problemas”. Unha demanda á que a xerente, Ana Fernández Pulpeiro, respondeu deixando clara a intención da Xerencia de “negociar as modificacións que sexan necesarias, tendo en conta que a RTP é dinámica e está suxeita ás necesidades dos servizos”.
Outros asuntos aprobados polo Consello de Goberno foron o número de prazas e bolsas das residencias universitarias para o vindeiro curso que incrementan o seu número en cinco, respecto deste curso. Ademais aprobouse o nomeamento de José Carlos Prado Prado como delegado da Universidade de Vigo no Centro Universitario da Defensa e de Esther González Pillado como representante do reitor da Escola Galega de Administración Pública. Pola súa banda a normativa de permisos e licenzas de estudos do persoal docente e investigador, tamén recibiu o voto a favor dos membros do Consello de Goberno.

Otro éxito más de la Universidad del Sur

A Universidade de Vigo lidera en Galicia a mobilidade de estudantes Erasmus.

VIGO/PONTEVEDRA (D. Besadío | Diario da Universidade de Vigo)
No ámbito da mobilidade internacional de estudantes, Vigo está a desenvolver nos últimos anos un crecemento que xa a sitúa como a universidade galega líder neste campo. As cifras das axudas complementarias da Xunta de Galicia para estudantes Erasmus así o reflicten, acadando a institución viguesa 498 das 1231 axudas concedidas, fronte ás 402 da Universidade de Santiago de Compostela e 331 da Universidade da Coruña.
A taxa de éxito da institución viguesa alcanza case o 100%, pois das 500 solicitudes presentadas concedéronse 498. “Estes números son froito da aposta institucional que se ven realizando a través de distintos programas para favorecer a mobilidade, sobre todo, axudando aos centros implicados e, nesa liña, queremos continuar traballando”, salientaba ao respecto o vicerreitor de Relacións Institucionais, Iván Area.
O 41% das axudas concedidas aos estudantes da universidade viguesa, 249 homes e 249 mulleres, irán ás mans de mozos e mozas que están a cursar os seus estudos no ámbito tecnolóxico; o 31% nas ciencias sociais e xurídicas; o 20,48 no humanístico e o 6% no experimental.
Nesta edición o executivo galego destinou a este programa un total de 1.100.000 euros, o que supón un notable incremento con respecto ao ano 2005 cando esta cifra se situaba en 753.700 euros. Cada estudantes recibirá unha axuda que vai dos 120 aos 2400 euros, dependendo da súa nota media no expediente académico, establecéndose a contía media entorno aos 894 euros por estudante.
Estas axudas veñen a sumarse ás procedentes dos fondos da Unión Europea para o programa Erasmus, que se sitúan en torno aos 160 euros mensuais; ás da propia Universidade, unha contía única que, segundo o país de destino, oscila entre os 77 e os 400 euros, e as do Ministerio, unha bolsa de 190 euros para todos os participantes e 420 adicionais para os que sexan bolseiros.

A cifra de Erasmus triplicouse en 10 anos
Dos 164 estudantes do programa Erasmus enviados ao estranxeiro no curso 1998/1999, pasamos dez anos despois a case triplicar esa cifra con 528 estudantes. Esta tendencia foi algo gradual nos últimos cursos e ano a ano as cifras fóronse incrementando:196 no 99/00, 214 no 00/01, 221 no curso 01/02, 253 no 02/03, 319 no 03/04, 363 no 04/05, e 431 no 05/06, 549 no 06/07, 536 no 07/08 e 528 no 08/09. Para o vicerreitor Iván Area, estas cifras “son o reflexo de como se está a consolidar o traballo que se leva a cabo desde todos os centros para favorecer que os nosos estudantes viaxen e analicen a sociedade actual desde outros puntos de vista”.

Italia consolídase como destino favorito dos estudantes galegos
Entre as tendencias que se repiten cada ano está a predilección dos estudantes galegos por viaxar a Italia que, curso a curso, se consolida como o destino favorito destes alumnos. Nesta ocasión, 366 estudantes, 109 procedentes da Universidade de Vigo, cursaron alí parte dos seus estudos.
O país veciño, Portugal, é tamén unha das opcións recorrentes e ata alí se desprazaron 163 estudantes. O seguinte bloque forte, se a número de participantes nos referimos, englobaría a Francia (135), Alemaña (109), Reino Unido (105) e Polonia (85).
Os resto de participantes realizaron as súas estadías nun grupo de vinte países nos que se inclúen, entre outros, Bélxica (44), República Checa (35), Finlandia (32), Dinamarca (25) ou Holanda (24).

Enxeñeiros industrias, os que máis se deciden a viaxar
Na Universidade de Vigo os estudantes da Escola Técnica Superior de Enxeñaría Industrial son os que máis se deciden a viaxar, rozando neste curso a centena de bolseiros. Séguelle a facultade que máis alumnos Erasmus recibe, Filoloxía e Tradución con 87 bolseiros e os enxeñeiros de Telecomunicación con 58.
No campus de Ourense decidíronse a viaxar 76 estudantes das facultades de Ciencias, Ciencias da Educación, Ciencias Empresariais e Turismo, Dereito e Historia e da Escola Superior de Enxeñaría Informática.
En Pontevedra, de onde partiron 48 bolseiros, os estudantes de Belas Artes e de Ciencias Sociais e da Comunicación foron os que máis se animaron a participar.

Un programa que se verá reforzado co Erasmus Practicum
Co obxectivo de facilitar a incorporación dos estudantes ao mercado laboral, a nova acción do programa Erasmus posta en marcha pola Universidade de Vigo ofrece a oportunidade de realizar unha estadía de prácticas nunha empresa europea. O programa Erasmus Prácticas pretende así apoiar a formación dos universitarios cunha acción de mobilidade que lles permita obter unha bolsa para facer estadías en empresas, que os interesados deberán buscar e propoñer pola súa conta.
“É a primeira vez que lanzamos este programa e insistimos en que pode ser un enorme factor de internacionalización do noso empresariado”, recalca o vicerreitor Iván Area.

El IX Foro tecnolóxico de Emprego marca pautas

Ata o xoves, 2 de abril, nas ETSE de Minas, Industrais e Telecomunicación
Universidade e empresa comparten experiencias e coñecementos no IX Foro Tecnolóxico de Emprego
Un achegamento ao mundo laboral para os futuros enxeñeiros

VIGO/PONTEVEDRA (Lucía Costas | Diario da Universidade de Vigo)
Unha trintena de empresas participan, desde hoxe e ata o vindeiro xoves, 2 de abril, no IX Foro Tecnolóxico de Emprego que se celebra no campus de Vigo co obxectivo de achegar aos futuros enxeñeiros o mundo laboral. Vicente Vázquez, coordinador xeral do evento, deu a benvida aos asistentes “a esta experiencia única na relación fluída e estreita entre empresa e universidade, un punto de encontro para a institución que forma enxeñeiros e para os empregadores destes”. Deste xeito, daba comezo, no vestíbulo da ETSE de Minas,o acto de inauguración do foro, presidido polo reitor, Alberto Gago; Santos Héctor, concelleiro de Emprego da cidade de Vigo; Joselino Comesaña, director do Instituto de Desenvolvemento de Caixanova e Edita de Lorenzo, Luís González e Pedro Arias, directores das ETSE de Telecomunicación, Industriais e de Minas, respectivamente.
Todos coincidiron en sinalar que se trata dunha oportunidade para compartir inquedanzas e coñecementos, “unha experiencia exclusiva, interesante e moi distintiva no panorama universitario español”, aseguraba Alberto Gago quen tamén se refería ao evento como “unha iniciativa dos estudantes para os estudantes”. Un punto de encontro, proseguía o reitor, “onde todas as empresas poden descubrir a calidade, a competencia e o dinamismo que posúen todos os nosos titulados e onde, tamén estes, coñecen os sectores que nos rodean e a masa crítica coa que contan”.
Comesaña, pola súa parte, destacaba “o apoio aos sectores produtivos e ao fomento da empregabilidade” como un dos piares da Obra Social Caixanova. Neste senso, tamén se pronunciaba o concelleiro Santos Héctor, destacando "o espírito emprendedor da Universidade e da cidade de Vigo, que nos distingue e fai importante”. Gago concluía, na mesma liña, apuntando que “cando os resultados van peor é cando hai que pensar no mellor capital humano” e desexando moito éxito “traducido en contratos laborais”.
A inauguración rematou cunha visita aos 20 stands instalados no vestíbulo da ETSE de Minas.

Coa participación de empresas como Bosch, Seat, Altran e R
Accenture, Altia, Altran, Caixanova, Bosch, Deloitte, Eures, Oesía, R, Russula, Seat e Tenocom son algunhas das preto de 30 empresas participantes e unha ducia de colaboradores presentes nesta novena edición do Foro Tecnolóxico de Emprego. Un evento que conta cunha organización de máis de 80 persoas, divididas en distintas comisións e equipos de traballo, pertencentes á delegación de alumnos das catro escolas de enxeñaría do campus vigués.
Dos 20 stands, 18 pertencen a diferentes entidades, un á propia organización e outro á presentación de proxectos da Universidade. Neste último, os departamentos das escolas levan a cabo demostracións das súas liñas de investigación e traballos de interese, como é o caso do Departamento de Enxeñaría Telemática e o seu proxecto “OpenSocial” ou o de “Enxeñaría da Corrosión e Materiais” do Grupo Encomat.
Entre os stands das empresas, onde se recollen currículos, ofertan bolsas e realízanse exhibicións, destacan pola súa maior amplitude o de Altran, Bosch, Oesía Networks e R. Os postos estarán abertos ao público esta tarde ata as 20.00 horas, mañá de 10.00 a 14.00 horas e de 16.00 a 18.00 horas e o xoves de 10.00 a 13.00 horas.

Workshops, coffee break, conferencias e mesas redondas compoñen a programación
Aínda que foi inaugurado ás 13.00 horas, o Foro Tecnolóxico de Emprego, comezou a primeira hora da mañá co workshop de Altran, dirixido aos alumnos de último curso onde se lles ensinaba cómo facer un bo currículo vitae e afrontar un proceso de selección. Paralelamente comezaban os primeiros relatorios.
A xornada de hoxe complétase con outras catro conferencias en horario de tarde. No salón de graos da ETSE de Telecomunicación sucederanse as presentación de Egatel, fabricante líder en España de transmisores y reemisores para televisión analóxica ou dixital; da consultora multinacional Everis, na que se expoñerá Servizo de valor en tempos de crise e da FEUGA, co relatorio Os programas de bolsas de formación de FEUGA. Unha ponte cara o mercado laboral. Ás 17.30 horas, no salón de actos da ETSE Industriais, Constantino García, vicedecano do Ilustre Colexio Oficial de Enxeñeiros Industriais de Galicia, falaralles aos futuros enxeñeiros das súas saídas profesionais.
O foro continuará durante toda a xornada de mañá mércores e ata ás 13.00 horas do xoves, momento no que se celebrará o acto de clausura. Ata entón, estudantes e profesionais poderán complementar a súa formación e coñecer máis polo miúdo o mundo empresarial a través das diferentes actividades ofertadas: asistencia a máis dunha ducia de relatorios e á mesa redonda, que abrirá a última das xornada poñendo a debate unha cuestión de máxima actualidade, O impacto do Plan Boloña na relación empresa-universidade, na que intervirán representantes de Caixanova, Altia, R e Russula; e tamén a participación nun coffee break, programado para as 18.00 horas do mércores no comedor da ETSE de Minas, co obxectivo de tomar contacto cos representantes das diferentes entidades presentes no encontro. Así mesmo, cabe destacar a exposición do proxecto do pico satélite Xatcobeo no que están a participar alumnos e profesores da ETSE de Telecomunicación e que terá lugar tamén mañá, ás 16.00 horas, no salón de graos da ETSE de Telecomunicación.
Todas os relatorios retransmitiranse en directo a través de UvigoTV. Ademais, aqueles alumnos que asistan a todas elas e á mesa redonda recibirá un crédito de libre elección.

Finalmente : el observatorio astronómico ya es una realidad en Forcarei

Tras diez días de pruebas, el telescopio, hecho en Estados Unidos, ya está en funcionamiento
El Observatorio Astronómico de Forcarei, al cien por cien
La Fundación Ceo, Ciencia e Cultura se reunirá para establecer los pormenores de su apertura al público, que se espera para después de Semana Santa

VIGO/PONTEVEDRA (MORRAZO-tribuna) .- El Observatorio Astronómico de Forcarei ya tiene el telescopio colocado y en funcionamiento. El pasado 12 de marzo varias personas participaron en el montaje del Ritchey-Chretien, hecho en Estados Unidos, en el estado de Arizona, y valorado en unos 70.000 euros. Desde entonces, lo han sometido a
distintas pruebas técnicas y observaciones en las que ya se pudo captar sus primeras imágenes gracias a los cielos despejados de las últimas semanas.
El software propio del telescopio ha sido instalado por Francisco Violat, experto en el manejo de telescopios similares y procedente del Observatorio de La Sagra de Granada, que colaborará con la Fundación al menos durante un mes. Mientras, el ingeniero de la Universidade de Vigo Miguel Díaz-Cacho trabaja en el desarrollo de un software integrado para el control remoto del Observatorio, desde el telescopio hasta la propia cúpula.
Sin fecha oficial
Con todo a punto, la Fundación Ceo, Ciencia e Cultura (FC3) se reunirá en abril para establecer los pormenores de la apertura al público de este centro, que se espera para después de Semana Santa. Sin embargo, aún no hay fecha para la inauguración oficial del Observatorio Astronómico de Forcarei.

O II Simposio Internacional de Ciencias do Mar reunirá en Vigo no mes de abril a elite da investigación oceanográfica

Tras o seu paso pola costa do Mediterráneo, o Simposio Internacional de Ciencias do Mar recala en terras atlánticas coa celebración en Vigo da súa segunda edición, que reunirá na cidade boa parte dos investigadores punteiros a nivel mundial no eido da oceanografía. Baixo a coordinación da Facultade de Ciencias do Mar, entre o 27 e o 30 de abril, presentaranse preto de 350 relatorios orais e poster e agárdase a presenza de máis de 300 asistentes entre investigadores e estudantes. Para o decano do centro, Jesús Souza, este é unha iniciativa que vai servir para colocar á facultade no panorama internacional, “aínda que grazas sobre todo á calidade do material humano que a compón, xa estamos moi ben conceptuados entre a comunidade científica e docente deste campo”. Cunha importante presenza de estudantes, o encontró contará tamén cun foro de emprego con empresas do sector.
A organización deste congreso internacional é unha iniciativa dos decanos de Ciencias do Mar das cinco facultades de España, de xeito que cada dous anos, unha delas acolla este evento. A primeira das edicións en 2007 en Valencia deixou a testemuña a Vigo, “algo que xa herdei dos meus antecesores no decanato e que acollemos con moitas gañas e esperando que saia todo ben”, explica Souza.

VIGO/PONTEVEDRA (MORRAZO-tribuna) .- (M. Del Río | Diario da Universidade de Vigo)
Tras o seu paso pola costa do Mediterráneo, o Simposio Internacional de Ciencias do Mar recala en terras atlánticas coa celebración en Vigo da súa segunda edición, que reunirá na cidade boa parte dos investigadores punteiros a nivel mundial no eido da oceanografía. Baixo a coordinación da Facultade de Ciencias do Mar, entre o 27 e o 30 de abril, presentaranse preto de 350 relatorios orais e poster e agárdase a presenza de máis de 300 asistentes entre investigadores e estudantes. Para o decano do centro, Jesús Souza, este é unha iniciativa que vai servir para colocar á facultade no panorama internacional, “aínda que grazas sobre todo á calidade do material humano que a compón, xa estamos moi ben conceptuados entre a comunidade científica e docente deste campo”. Cunha importante presenza de estudantes, o encontró contará tamén cun foro de emprego con empresas do sector.
A organización deste congreso internacional é unha iniciativa dos decanos de Ciencias do Mar das cinco facultades de España, de xeito que cada dous anos, unha delas acolla este evento. A primeira das edicións en 2007 en Valencia deixou a testemuña a Vigo, “algo que xa herdei dos meus antecesores no decanato e que acollemos con moitas gañas e esperando que saia todo ben”, explica Souza.

Contidos interdisciplinares e papel destacado dos estudantes
Durante os catro días de duración deste simposio trataranse todos aqueles temas relacionados coa oceanografía. “É un congreso multidisciplinar e abarca todos os campos relativos ás ciencias mariñas dende un punto de vista de tópicos de oceanografía, polo que o imos agrupar as comunicacións nos ámbitos químico, físico, biolóxico e xeolóxico”, explica Souza.
Dende a organización agardan reunir neste simposio aos estudantes, profesionais e persoas en xeral ligadas ao mar. “Gustaríanos que se convertera nun foro de debate onde os científicos presenten os seus resultados e os estudantes poidan actualizarse, completar a súa formación e tamén obter ideas sobre os campos aos que queiran encamiñarse no futuro”.
Entre os traballos recibidos, o decano explica que abordan temas como ciclos bioxeoquímicos, teledetección, ecoloxía e fauna antártica, contaminación... , pero o congreso está aberto a que os investigadores presenten aquelas investigacións nas que están traballando actualmente.
Outro dos piares sobre os que se asenta esta edición do simposio son os estudantes, xa que fronte a outros congresos de contidos moito máis específicos, “este ten unha connotación interdisciplinar, o que para os estudantes é unha vantaxe xa que supón un complemento á súa formación, non só para os de Ciencias do Mar, senón tamén para os de Bioloxía ou de Química”, subliña o decano. A organización agarda, máis que unha afluencia masiva, que os estudantes teñan un papel preponderante e poidan ver que os seus profesores están facendo investigación punteira, que están moi ben colocados e recoñecidos a nivel mundial.
Con todo, os investigadores e científicos, tanto os que presentan traballos como os convidados, “son os que realmente fan o congreso”, achegando aspectos do seu traballo, punteiros e moi actuais, “que aínda non se poden atopar nos libros”.

Participantes de relevancia internacional
En total, a organización agarda contar con máis de 300 participantes aproximadamente, entre investigadores e estudantes “algúns deles alumnos de Ecuador, de Chile, de Brasil e das facultades de toda España”, destaca Souza Troncoso.
Ao longo das catro xornadas presentaranse arredor de 90 comunicacións orais e 280 en formato poster, ás que hai que engadir as dúas conferencias plenarias diarias de científicos de recoñecido prestixio. Entre eles cabe subliñar a presenza de Antony Underwood da Sydney University, “un número un na súa materia que traballa en deseño experimental e bioloxía mariña”. Xunto con el, entre os convidados destacan Ana Ramos Marto, do Centro Oceanográfico de Málaga; Santiago Hernández León, decano da Facultade de Ciencias do Mar da Universidad de Las Palmas de Gran Canaria; Des Barton e Xosé Antón Álvarez Salgado, do Instituto de Investigacións Mariñas de Vigo; Ana Vila Concejo, da Sydney University; Angelo Camerlenghi, da Universidad de Barcelona e Bilal Haq, da National Science Foundation.
O programa completarase con visitas guiadas ao Museo do Mar e ao Parque Natural de Illas Atlánticas e cun foro de emprego no que os estudantes poderán coñecer de primeira man aos seus posibles futuros empregadores. A organización desta mesa redonda corre da man da Asociación de Oceanógrafos de Galicia, sita na Facultade de Ciencias do Mar. Os estudantes desta titulación poderán convalidar a súa asistencia por 4 créditos de libre elección e os resultados e ponencias do simposio publicaranse posteriormente na revista Thalassas, editada no propio centro. A seguinte cita, no 2011 en Cádiz.

Gestado na Universidade de Vigo : 10.000 pacientes de tres continentes beneficiaranse dun programa pioneiro na loita contra a hipertensión arterial

O proxecto aglutina a 170 investigadores e esténdese a Europa, Asia e América
Deseñado e coordinado dende a ETSE de Telecomunicación

VIGO/PONTEVEDRA (D. Besadío | Diario da Universidade de Vigo)
Un mínimo de 10.000 pacientes anuais poderán beneficiarse do proxecto Hygia, un programa pioneiro na loita contra a hipertensión arterial creado polo Laboratorio de Bioenxeñaría e Cronobioloxía da ETS de Enxeñeiros de Telecomunicación. O programa naceu hai apenas un ano e a partir da próxima semana incorporaranse a este rede centros de varios países, incluíndo Estados Unidos, Italia, Turquía, India e China través dunha versión en inglés de todo o proxecto, coordinada desde a escola viguesa.
“Foi un crecemento tremendamente rápido, fai dez meses en Galicia só funcionaban seis centros e agora están funcionando 31”, comentaba o catedrático Ramón Hermida, director do laboratorio e principal responsable do proxecto. Ata este momento valoráronse xa máis de 1500 pacientes exclusivamente en Galicia e hai 170 investigadores implicados. Coa ampliación a nivel internacional “podemos estar falando de varios miles de pacientes anualmente”.


Un proxecto para mellorar a diagnose da hipertensión
HYGIA é unha rede na que, ata agora, se integraban centros de atención primaria e hospitais de toda Galicia. O obxectivo é lograr mellorar a valoración diagnóstica do paciente hipertenso, para así establecer o mellor esquema terapéutico e mellorar o seu grado de control, diminuíndo, polo tanto, o risco de problemas cardiovasculares.
Trátase de dar servizo asistencial a todos os centros que se queiran integrar xa que permite on-line, dende uns servidores que están na ETS de Enxeñeiros de Telecomunicación, obter un informe estandarizado dos pacientes hipertensos aos que se lles fai unha monitorización ambulatoria.
Coa internacionalización a xestión desta información e de todo o proxecto vaise seguir facendo denda a escola viguesa. “A coordinación faise toda desde a Universidade de Vigo e toda a información técnica para a súa valoración e tramitación de informes faranse integramente aquí”, destaca o profesor.


Excelente acollida entre os facultativos
O crecemento que está tendo a rede vai facer necesario que se cheguen a acordos coas diferentes autoridades sanitarias, ademais tramitáronse xa a petición de novas axudas de investigación aos organismos competentes para garantir así a estabilidade de todo o proxecto.
Para que este crecemento fose posible Hermida destaca o inmenso traballo levado a cabo polos membros do seu grupo e o gran interese que demostraron tanto os facultativos como o persoal de enfermaría, “sen cuxo apoio non sería posible desenvolver un proxecto tan ambicioso coma este”, destaca o investigador vigués. “A resposta conseguida fai que esteamos satisfeitos e moi contentos”, recalca.
A expansión internacional produciuse polo boca a boca e polo amplo número de contactos do grupo vigués a nivel internacional. Ademais dos países cos que agora se amplia a rede, recibiron chamadas interesándose polo proxecto desde diferentes países de Oriente Medio e América Latina.


Visita internacional á escola
Con motivo da internacionalización do proxecto, este xoves celebrarase na ETS de Enxeñeiros de Telecomunicación unha mesa redonda na que intervirán dous eminentes cientifícos de contrastado prestixio internacional, Michael Smolensky e Francesco Portaluppi, expertos en cronoterapia e risco vascular.
Michael Smolensky é vicepresidente da Sociedade Americana de Cronomedicina e Cronoterapia e leva preto de vinte anos traballando para as universidades de Texas e Houston. Portaluppi é cardiólogo do Hospital Clínico de Ferrara en Italia e “probablemente sexa a persoa con maior experiencia e recoñecemento a nivel internacional no ámbito da cronoterapia no risco cardiovascular”, recalca Hermida.


Enxeñeiros ao servizo da Medicina
O Laboratorio de Bioenxeñaría e Cronobiloxía naceu no 1987 e, dende entón, os seus membros sacaron á luz máis de 2200 publicacións a nivel internacional, incluíndo as máis prestixiosas no eido da cardioloxía.
Co claro obxectivo de pór os seus coñecementos técnicos a disposición da Medicina para crear ferramentas que permitan mellorar a saúde dos pacientes, os nove enxeñeiros que compoñen o grupo centran o seu labor en dúas liñas fundamentais: por unha banda, Hygia, o proxecto de monitorización ambulatoria da presión arterial e tratamento da hipertensión; e, pola outra, MADRE, un proxecto destinado a valorar o risco vascular e hipertensión no embarazo.
O proxecto MADRE, Monitorización Ambulatoria para o Diagnóstico e Valoración de Riscos no Embarazo, é unha rede que ten aspectos moi similares ao proxecto Hygia e nel a Universidade achega todo o desenvolvemento tecnolóxico para avaliar con un informe, tanto a situación da muller no embarazo coma no puerperio, é dicir, nas semanas posteriores ao parto.
Na identificación precoz de problemas durante o embarazo o laboratorio vigués está considerado como un grupo de referencia a nivel internacional. Crearon unha proba de alta sensibilidade que permite, a través dun rexistro de monitorización ambulatoria, identificar ás mulleres que van a desenvolver complicacións hipertensivas ao longo da xestación. “É unha das probas de maior sensibilidade que se publicaron ata o momento”, explica o profesor vigués

En Galicia apenas hai risco de tsunamis pero as probabilidades aumentan se descendemos cara ao sur da península

O nivel de perigosidade por tsunamis é moito menor en España ca noutras zonas como pode ser a asiática, pero o risco existe e isto fixo necesario deseñar un mapa español de zonas de risco, pois só así se poderán coñecer as medidas de prevención que se deben ter en conta. Segundo este documento, presentado hoxe en Vigo ao abeiro das Xornadas de Seguimento dos 120 proxectos de investigación correspondentes á convocatoria de 2006 do Plan Nacional de I+D+i, en Galicia apenas hai risco de tsunamis pero as probabilidades aumentan se descendemos cara a baía de Cádiz e Portugal ou o Mediterráneo.

VIGO/PONTEVEDRA (D.Besadío, Diario da Universidade de Vigo).- Realizado por un grupo de case vinte investigadores do Instituto Xeolóxico de Cataluña, a Universidade Complutense de Madrid e o Real Observatorio da Armada de San Fernando de Cádiz, o estudo centrouse en estudar que danos pode causar nas costas españolas un terremoto que ademais provoque un tsunami. A información conseguida trasladárona xa a Protección Civil, que serán os encargados de crear uns protocolos de emerxencia que permitan mitigar os posibles efectos, pois tal como lembrou José Martín do Observatorio da Armada, “o terremoto de Arxel do 21 maio de 2003 provocou danos nas embarcacións do porto de Mahón en Menorca por valor de 1000 millóns de pesetas”.
Elisa Buforn, da Universidade Complutense de Madrid, lembrou tamén o caso do terremoto de Lisboa de 1755, que destruíu a capital portuguesa e provocou tamén un tsunami importante na baía de Cádiz. “Houbo unha elevación sobre o nivel do mar de arredor de seis metros de altura que inundou grandes zonas da cidade, si isto acontecese agora na mesma zona, onde o número de residentes é altísimo, non se comprendería non ter un plan de prevención axeitado”, salientou José Martín.

23 grupos da Universidade de Vigo traballan en Ciencias da Terra
A apertura das xornadas, que se estenderán ata o venres, contou coa participación de Lourdes Armesto, xefa da área de Medio Ambiente e Recursos Naturais do Ministerio de Ciencia e Innovación; o catedrático vigués, Federico Vilas, xestor nacional do Plan de I+D+i no ámbito das Ciencias da Terra, e o vicerreitor de Relacións Institucionais, Iván Area, que se mostrou moi compracido en “estar acompañado de investigadores situados á vangarda da I+D estatal”.
Area aproveitou a ocasión para presentar a Universidade de Vigo a estes investigadores facendo fincapé en que dos máis de 260 grupos de investigación cos que conta a institución, 23 traballan de maneira directa en Ciencias da Terra e máis de 50 o fan dun modo indirecto. Entre as principais contribucións destes investigadores, Area salientou, os numerosos proxectos sobre “enxeñería agroforestal, biotecnoloxía, medio ambiente ou contaminación, entre outros”.
Coa reunión científica de hoxe refórzase o carácter innovador da Universidade de Vigo, “que aspira a ocupar un espazo central na I+D+i galega e ubicarse entre as 10 universidades españolas de maior produción científica”, segundo sinalou o vicerreitor.
Cun apertado programa no que cada día se presentan os resultados de 25 proxectos de investigación, as xornadas continuarán mañá mércores con temas centrados en cuestións de estratigrafía, cambios globais de ecosistemas en períodos xeolóxicos, patrimonio paleontolóxico ou evolución humana.
O xoves dedicarase a cuestións relacionadas cos efectos dos incendios forestais sobre o solo, os sistemas de información cartográfica mediante imaxes de satélite, xeoquímica e mineraloxía. Nesta xornada participará tamén a profesora viguesa Mª Luisa Andrade e o seu equipo que lideran un proxecto sobre solos e contaminación.
A última xornada, o venres 27, está reservada para a presentación de traballos relacionados con temas xeomorfolóxicos do tipo de estudo dos glaciares, prevención de aludes e recursos hídricos.

Tres anos como xestor do Plan Nacional de I+D
O profesor Federico Vilas leva tres anos como xestor do Plan Nacional de I+D en Ciencias da Terra e el foi o que propuxo celebrar o encontro en Vigo, xa que o xestor de cada un dos ámbitos é o que ten a potestade para decidir o lugar no que se celebran as xornadas de seguimento. “Para min Vigo era a mellor opción”, salienta o profesor, un dos fundadores do Departamento de Xeoxencias Mariñas e Ordenación do Territorio e membro tamén da Real Academia de Ciencias Exactas, Físicas e Naturais.

La Universidad del Sur de Galicia empieza a ser ya altamente valorada

A institución viguesa é a primeira do Sistema Universitario de Galicia
Vigo sitúase entre as quince primeiras universidades españolas do Ranking Web de Universidades do Mundo elaborado polo CSIC
Para o reitor "é un aspecto moi importante na época tecnolóxica na que vivimos e un motivo de satisfacción”

VIGO/PONTEVEDRA (MORRAZO-tribuna) .- (Mª del Carmen Echevarría | Diario da Universidade de Vigo)
O Ranking Web de Universidades do Mundo, elaborado nete inicio de 2009 polo Laboratorio de Cibermetría do CSIC (Centro Superior de Investigacións Científicas), sitúa á Universidade de Vigo entre as 15 primeiras institucións académicas españolas, sendo ademais a primeira do Sistema Universitario Galego (SUG).
O Ranking Web que mide o volume, a visibilidade e impacto das páxinas web publicadas por máis de 16.000 institucións de educación superior, con un énfase especial na produción científica e tamén tendo en conta outros materiais como os procedentes de cursos, bases de datos e información xeral das institucións, sitúa á Universidade de Vigo no posto 346 do mundo, no 141 en Europa e no 14 en España. Postos que confirman unha mellora na posición da institución respecto do anterior ranking de xullo de 2008 no que a Universidade de Vigo ocupaba o posto 452 na relación mundial, o 198 no europeo e o 20 na clasificación nacional.
“Este ranking”, explica Alberto Gago, reitor da Universidade de Vigo, “trata de dar unha idea sobre o rendemento global e calidade xeral das universidades en internet, pero en particular refírese á visibilidade global da universidade en internet, á súa vocación, ao seu esforzo na rede, ao compromiso que ten a institución co espallamento do coñecemento científico”. Elementos de análise que en conxunto posicionan ás institucións nun ranking que resume o rendemento global, ao tempo que aporta información para estudantes ou profesores.
O obxectivo de promover a publicación no web por parte das universidades, avaliando o compromiso coa distribución electrónica, do Ranking Web de Universidades do Mundo, “ten”, segundo Gago “unha entidade sobre todo no momento tecnolóxico no que vivimos moi importante. Polo tanto é un aspecto moi importante na época na que vivimos e un motivo de satisfacción para esta universidade”.


Á cabeza do Sistema Universitario de Galicia
Cunha periodicidade semestral, o Ranking Web publícase desde o ano 2004 e a análise que o Laboratorio de Cibermetría realiza de máis de 16.000 institucións de educación superior de todo o mundo, fai del o máis completo e actualizado. O feito de que sexa un ranking reiterativo que permite “construír liña e razoar en termos comparativos”, ten segundo o reitor da Universidade de Vigo “moita importancia para os resultados da institución que amosa evolucións positivas no ranking español, europeo e mundial”.
Sobre a posición que o ranking outorga á Universidade de Vigo á fronte do Sistema Universitario de Galicia, afirma Gago que “é satisfactorio observar que a Universidade de Vigo ten un posto relevante e está á cabeza do SUG, por que ocupa o primeiro lugar do sistema con substancial diferenza”. Así, segundo revela o ranking, mentres Vigo sitúase na clasificación mundial o posto 346, Santiago acada o 429 e A Coruña o 541.


A fenda entre EEUU e Europa
No primeiro ranking do ano 2009 as institucións de EE.UU continúan á cabeza, ata o punto que as 23 primeiras posicións están ocupadas por universidades e institutos tecnolóxicos norteamericanos. Concretamente Massachusetts Institute of Technology, Stanford University e Harvard University, ocupan as tres primeiras posicións do listado. Non é ata o posto 28, cando aparece unha universidade europea, a University of Cambridge e cómpre agardar ata o 138 para atopar a primeira institución española, a Universidad Complutense de Madrid.
“A fenda entre universidades de Estados Unidos e Europa é unha realidade en todos os rankings”, sinala o reitor da Universidade de Vigo que engade que “collamos o ranking que collamos, das 50 primeiras universidades do mundo,corenta ou corenta e tantas son norteamericanas, e logo un par de inglesas, xaponesas, australianas”. Neste sentido Gago lembra que a primeira institución académica española, a Universidad Complutense de Madrid, aparece no posto 138. “Isto debe facernos reflexionar. Cando estamos falando cun sistema universitario homologado, temos que pensar que a homologación debe facerse en termos normativos, pero a adaptación ao EEES implica un esforzo adicional para gañar postos, tamén nestas clasificacións”. No caso da Universidade de Vigo, o reitor lembra o compromiso da institución coas novas tecnoloxías, “a aposta polas TIC é claro, pero non nos conformamos co acadado” e lembra que na actualidade se traballa na xestión da investigación, así como novos desenvolvementos das plataformas de docencia virtual.