Guillerme ve que el Estado apenas tiene un duro para el ferrocarril en Galicia

-

Pontevedra-Vigo (MORRAZO-TRIBUNA) .-O portavoz nacional manifestou a “profunda preocupación do BNG” polo retraso das infraestruturas ferroviarias en Galiza e explicou que ésta foi unha das razóns das emendas que o nacionalismo galego ten presentado aos orzamentos do Estado para 2010, “porque consideramos que son insuficientes para resolver este retraso”.

O portavoz nacional realizou estas declaracións no transcurso do acto de presentación de propostas sobre transporte e alternativas de mobilidade que se celebrou esta mañá na estación de ferrocarril de Santiago de Compostela.

BNG enmienda la totalidad del proyecto de financiación autonómica

Pontevedra-Vigo (MORRAZO-TRIBUNA) .- O BNG presentou no Congreso dos Deputados dúas emendas á totalidade aos dous proxectos relativos ao financiamento autonómico. BNG pede a devolución do proxecto de Lei Orgánica de modificación da Lei Orgánica 8/1980 de financiamento das CC.AA, e tamén o proxecto de lei polo que se regula o sistema de financiamento das CC.AA.

Para o BNG o resultado das negociacións sobre a reforma do sistema de financiamento das CC.AA “é decepcionante e prexudicial para os intereses de Galiza”.

BNG sigue amagando con su no a los presupuestos de Zapatero

Pontevedra-Vigo (MORRAZO-TRIBUNA).- O portavoz do BNG no Congreso dos Deputados, Francisco Jorquera, afirmou hoxe en rolda de prensa que “o BNG está máis perto do non que do sí aos Orzamentos do Estado 2010 xa que no vemos avanzos suficientes na negociación que estamos a manter co PSOE”.

Jorquera realizaba esta afirmacións despois da xunta mantida co portavoz do grupo socialista, José Antonio Alonso, na ronda de conversas para negociar os Orzamentos Xerais do Estado para o vindeiro exercicio.

O deputado nacionalista subliñou que “damos moita importanza á carpeta galega pero para nós tamén é moi importante o relativo á política fiscal”. Nese sentido, explicou aos xornalistas que as propostas do BNG xiran en torno á modificación fiscal, a establecer políticas de estímulo fiscal para sectores estratéxicos para Galiza, como o lácteo, moi afectados pola crise, un Plan para o sector lácteo para cando desaparezan as cotas e unha mellora dos investimentos territorializados para Galiza, pedindo un “aumento das partidas en máis de 250 millóns de euros”.

Dous escollos: o PSOE négase a modificar as ICAV ou introducir un imposto para as grandes fortunas e segue enrocado na suba do IVE

Salientou o feito de que “non houbo avanzos suficientes por parte do PSOE. Unicamente está en disposición de falar sobre se é posíbel unha maior progresividade no IRPF nas rendas de traballo e capital, tamén a disposición a estudar elementos de progresividade na eliminación dos 400 euros, pero hai dous escollos principais: o PSOE segue opoñéndose a modificar a tributación das ICAV ou introducir un imposto para as grandes fortunas, e tampouco dá marcha atrás na proposta de subir o IVE”.
Enfatizou o “total desacordo do BNG coa medida de incrementar impostos indirectos, coa suba do IVE. Non é xusto, é contraditorio e penaliza o consumo”.

A proposta fiscal do BNG: 4.100 millóns máis sen subir o IVE

Nesa liña, explicou que os nacionalistas galegos trasladaron ao PSOE unha proposta fiscal que tería un impacto importante na recadación, suporía unha recadación de 4.100 millóns máis e sen necesidade de subir o IVE”. Pero, indicou, “o PSOE está inamovíbel na cuestión do IVE”.

Asemade, “puxemos enriba da mesa medidas fiscais de estímulo para os sectores máis afectados pola crise, como o lácteo. E a necesidade de mellorar sensibelmente o investimento territorializado para Galiza, tanto no cuantitativo como no cualitativo”. Pero tampouco aquí “se produciron avanzos”. Sinalou que o PSOE se comprometeu a facer contrapopostas que “examinaremos”.

A preguntas dos xornalistas, o deputado do BNG defendeu a introdución de elementos de progresividade no denominado cheque-bebé. Concretou que o BNG demanda un novo tramo no IRPF para as rendas altas de traballo, superiores a 95.000 euros ao ano, así como a necesidade dun imposto para as grandes fortunas (superiores a 1 millón de euros), a modificación das ICAV, mantimento dun tramo ao vixente do 18% e incluir un novo tramo para as rendas superiores a 36.000 euros ao 26%. E fixo especial fincapé na necesidade de loitar contra a fraude fiscal. As propostas fiscais do BNG suporían unha recadación de 4.100 milllóns máis e sen subir o IVE.

O deputado do BNG deu moita importanza á cuestión fiscal, “especialmente que se corrixa o do IVE”, e engadiu que “non queremos que o PSOE nos pretenda utilizar para pór a guinda ao pastel sen correxir os ingredientes”.

A carpeta galega: 250 millóns máis

Respeito á carpeta galega, o deputado do BNG subliñou que os investimentos para Galiza deben medrar respeito ao 2009. “É preciso incrementar a dotación en 250 millóns de euros máis, de xeito que o total fique en 2.250 millóns”. Salientou a necesidade de introducir tamén cambios cualitativos xa que as partidas contempladas para o AVE non garanten o cumprimento dos prazos, en especial alusión ao Lubián-Ourense, e tamén fixo fincapé na necesidade de mellorar as dotacións para a modernización da rede ferroviaria convencional.

Jorquera ve ridícula la inversión del Estado en importantes carreteras en Galicia

Pontevedra-Vigo (MORRAZO-TRIBUNA).- O portavoz do BNG no Congreso, Francisco Jorquera, salientou esta tarde na Comisión de Fomento a escasa dotación orzamentaria que para o ano 2010 reciben importantes estradas galegas con “cativas, insuficientes ou nulas partidas”.

A Secretaria Xeral de Infraestruturas e Presidenta de SEITTSA (Sociedade Estatal de Infraestruturas de Transporte Terrestre, comparecía a solicitude do BNG para dar contar das partidas destinadas nos Orzamentos 2010 para as estradas galegas.

Partidas desequilibradas

Jorquera criticou o feito de que as partidas destinadas as estradas galegas “adoecen de desequilibrios importantes. Nas estradas concéntranse os esforzos da A-8 xa que é a que absorbe a maior parte dos investimentos, salvando despois as partidas para a mellora da seguridade vial”.

De maneira xenérica, a responsábel do Ministerio escudouse no argumento de que “os procesos e tramitacións dos proxectos de estradas son dilatados”

En cambio, o deputado do BNG puxo de manifesto que outras estradas importantes reciben partidas cativas e insuficientes. Así nomeou a A-54, Santiago-Lugo, “chama a atención a escasa dotación orzamentaria para o tramo Labacolla-Arzúa, só 2 millóns de euros, e difírese o principal do investimento aos exercicios 2011 e 2012”. Salientou que se trata dun tramo que é prioritario, é o máis próximo e chama a atención a planificación que se fai”.

Tamén enfatizou a pequena dotación para a AC-14 tramo As Lonzas-Zapateira, “o primeiro tramo que é responsabilidade de Fomento só recibe 11 millóns e o groso vai para o 2011. Isto nos fai prever que os prazos se verán sobrepasados no tempo”.
Denunciou a falta de partida para a ampliación da AP-9 ao seu paso por Santiago, “un compromiso asumido polo seu Ministerio e que agora non recibe nada”.

Outra das deficiencias que subliñou é que “apenas hai orzamento para a N-550 que é a vía alternativa sen peaxe á Autoestrada do Atlántico, unha vía moi densa e insegura”. Asemade, mencionou o esquecemento da variante de Ordes, da de Padrón, que fican sen dotación.
“Tampouco hai nada para o corredor San Cibrao-Barreiros, o tramo a executar por Fomento está sen dotación, así como a autovía de Verín a Portugal”, sinalou.

Por último, pedíu á responsábel de Fomento que explique que previsións se manexan para a A-76 Ponferrada-Ourense, “o terceiro acceso á Meseta”, que previsión existe para a A-57 que non está suficientemente dotada. E “aclare a partida dun millón de euros para a conexión da AP-9 co aeroporto de Vigo, porque é a mesma partida que para este exercicio de 2009 o cal indica que non se executou”.

Resposta da Secretaria de SEITTSA sobre as cuestións concretas

A responsábel do Ministerio entrou no concreto nalgunha das cuestións plantexadas polo BNG. Así, dixo que na cuestión da ampliación do tramo da AP-9, “traballamos diferentes alternativas, e está en Orde de Estudo para a Redacción dos proxectos”.

Respeito á falla de partida para o Corredor San Cibrao-Barreiros, indicou que o Estudo Informativo se someteu a Información Pública en xullo deste ano 2009, “agora se están a facer as conclusións do Estudo Informativo”.
No que atinxe á A-76 Ponferrada-Ourense, o Estudo Informativo está en fase de Información Pública, e respeito á A-57, falou do tramo de Barro cuxo Estudo Informativo está licitado, e o resto cos proxectos en redación.

El Bloque pide al Estado otros criterios a la hora de dar dinero a los ayuntamientos

Pontevedra-Vigo (MORRAZO-TRIBUNA).- O senador do BNG, Xosé Manuel Pérez Bouza, formulou hoxe unha pregunta ao Ministro de Política Territorial e Vicepresidente Terceiro do Goberno, Manuel Chaves,relativa á introdución de novas variábeis, ademais do criterio de poboación, á hora de distribuír entre os concellos as partidas económicas que lles corresponderán ao abeiro do Fondo de Investimento Local do vindeiro ano 2010.

O senador do BNG formulou esta pregunta ao Ministro de Política Territorial na sesión de control ao Goberno celebrada hoxe no Pleno do Senado.

Deben terse en contra outras variábeis e non só a da poboación total

O Fondo de Invenstimento Local para o 2010 está dotado de 5.000 millóns de euros, e está destinado a investimentos en proxectos de sustentabilidade ambiental, tecnolóxicos e para centros sociais, especialmente relacionados coa dependencia.

Ao senador do BNG preocúpalle que só se utilice a variábel de poboación total para facer a distribución destes fundos, tal e como se fixo co Fondo deste ano. O territorio galego ten unhas características específicas que se deberían ter en conta e polo tanto, afirma, habería que ponderar a variábel de poboación con outras variábeis como a dispersión xeográfica ou o envellecemento.

Pérez Bouza cualificou de “inxusto” este reparto xa que prexudica gravemente os intereses dos concellos galegos ou outros territorios con características semellantes como Castela e León.

O Ministro de Política Territorial e Vicepresidente Terceiro do Goberno, Manuel Chaves, afirmou na súa resposta ao senador nacionalista que “ o goberno seguirá mantendo o criterio de poboación para o reparto do Fondo de Investimento Local aos concellos” porque -dixo- este foi o criterio aceptado pola Federación Española de Municipios e Provincios e cambiar as variábes sería moi complicado e difícil a hora de distribuir o fondo a 8000 municipios do territorio español.

Lobeira resucita el Prestige y pide que vayan a echarle un vistazo al pecio...

Pontevedra-Vigo (MORRAZO-TRIBUNA).-O deputado do BNG no
Parlamento Galego, Bieito Lobeira, ven de presentar unha iniciativa na que lle
demanda ao Goberno Galego que adopte medidas, tanto por iniciativa propia,
como ante o Goberno Español para minimizar os riscos de contaminación
mariña procedentes do pecio do Prestige.
Lobeira lembra que o último informe trasladado pola empresa petrolífera
REPSOL-YPF ao Goberno español en relación co estado do pecio tras a última
inspección realizada “indica que cada día se verten entre 20 e 50 litros de fuel”.
Advirte de que, segundo a mesma empresa, “aínda fican 400 toneladas de
hidrocarburos nos tanques de proa, e outros 700 na popa”.
Ademais, lembra que “outro informe elaborado no ano 2004 alertaba do risco
de corrosión e perforacións nos tanques como consecuencia da deteriorización
estrutural dos restos do Prestige, que podería provocar a saída de máis de
1.0000 toneladas actualmente almacenadas no pecio”.
Neste sentido, o deputado do BNG defende que “á vista da situación, é
necesario demandar ao Goberno español o establecemento dun seguimento
sobre o estado do pecio, que debera incluír tanto a sistematización de
operacións no lugar do afundimento, como a realización periódica de
inspeccións submariñas”.

Ataque del presidente de la Xunta a los pretendidos presupuestos del Estado

Pontevedra-Vigo (MORRAZO-TRIBUNA).- “O resumo é fácil: os galegos pagaremos máis e recibiremos menos”. Así valorou o presidente da Xunta, Alberto Núñez Feijóo, os presupostos do Estado para o ano 2010. O mandatario galego asegurou que o seu Goberno se manterá “vixiante” sobre o cumprimento do Pacto do Obradoiro para a Alta Velocidade, e matizou que aínda que confía na palabra do ministro de Fomento, “hai partidas que haberá que explicar”.

O presidente da Xunta lamentou, ademais, a redución do 50% nas partidas orzamentarias relacionadas co medio ambiente, unha decisión que cualificou de “profunda decepción para Galicia”. “Todas as grandes infraestruturas medioambientais aprázanse, e todas as depuradoras urbanas diminúen o seu presuposto”, subliñou Feijóo, quen puxo como exemplo o caso da de Vigo que, no ano 2009, tiña presupostados 100 millóns de euros, e, en 2010, 9. “Constatamos que no ano 2009 había eleccións en Galicia, e que no ano 2010 xa non hai. De 100 a 9. Iso non ten ningunha explicación”, asegurou Feijóo, quen remarcou que o seu Goberno seguirá apostando por construír a depuradora de Vigo.

Pacto do Obradoiro e retraso nas autoestradas
No tocante ao cumprimento do Pacto do Obradoiro para a Alta Velocidade, Feijóo subliñou que o Goberno galego “non ten todos os datos dos que dispón o Ministerio de Fomento” e que, polo tanto, aínda que confía “na palabra” do ministro de Fomento, “hai cifras e partidas que nos teñen que explicar”. “O único que podo dicir é que neste momento estamos vixiantes para que ese pacto se leve a bo fin. Estaremos vixiantes para que a palabra do ministro de Fomento se cumpra”, asegurou.

O presidente galego si constatou que as infraestruturas viarias comprometidas sufrirán un retraso con estes presupostos. “Vemos que a autopista AP-9 non se vai ampliar nin mellorar; que a autoestrada Lugo- Ourense se retrasa; e que a Pontevedra- Vigo non segue un ritmo razoable para poder dar saída ao inmenso tráfico e ao colapso que cada día sofre a entrada e saída de Vigo”, engadiu.

Galicia, entre as comunidades máis afectadas pola subida de impostos
No transcurso da súa intervención, o mandatario galego referiuse á subida dos impostos aprobada polo Goberno central e asegurou que Galicia, como unha comunidade “de clase media”, será unha das máis afectadas pola subida nos tributos. “Pensamos que é unha decisión que non vai axudar a saír da crise; ao contrario, pensamos que a indiscriminada decisión de subir impostos a todos, incluídos os parados, incluídos os que cobran pensións non contributivas, vai en contra do que se está facendo nos países que están saíndo con maior celeridade da situación económica na que nos atopamos”, afirmou.

O presidente galego destacou, ademais, que “non é certo” que o Goberno de España estea apostando polo gasto social, e lembrou que as competencias en asuntos sociais están transferidas ás comunidades autónomas. “A proba de que non é certo é que a Lei de Dependencia segue sen financiarse por parte do Goberno de España. O que non se pode é computar como gasto social os subsidios do desemprego, que son a certificación do fracaso da política económica do Goberno”, concluíu.

AVE : los afectados de San Esteban de Negros consiguen que llegue al Congreso su malestar

REDONDELA (MORRAZO-TRIBUNA).- Os deputados do PP por Pontevedra, Ana Pastor, María Ramallo e Jesús Pérez Arca, levarán ao Congreso a “grave situación” que sofren os veciños da parroquia redondelá de Negros afectados polas obras do AVE.
Tras a xuntanza mantida a pasada semana cos colectivos veciñais e na que tamén participou a presidenta local do PP, Francisca Canal, e varios concelleiros deste grupo, os populares acordou presentar no Congreso dos Deputados unha proposición non de lei para esixir o cumprimento das medidas establecidas na Declaración de Impacto Ambiental e que na actualidade, segundo indican, “se están incumprindo de forma reiterada”.
Segundo se recolle na proposición non de lei que se presentará no Congreso, os veciños de Negros están a sufrir desde o inicio dos traballos, a comezos de 2008, serios problemas de saúde causados tanto polos ruídos e vibracións que provocan as tuneladoras durante a noite e que impiden aos residentes nas vivendas da zona conciliar o sono, como alerxias e afeccións respiratorias causadas polas emisións contaminantes.
Así mesmo, denuncian tamén que se están a imcumprir as normas de protección de acuíferos -co conseguinte perigo de contaminación e danos ao río Maceiras, recoñecido como un espazo de “gran vulnerabilidade”- e que a colocación inadecuada de barreiras metálicas na N-555 resta visibilidade aos condutores que por ela transitan, provocando un “perigo evidente para a seguridade vial”.
Por iso, instan ao Goberno central a que cree unha Comisión de Seguimento que poña freo á actual situación e garanta o cumprimento estricto das condicións establecidas para minimizar o impacto ambiental das obras, tendo especialmente en conta a protección da saúde e da calidade de vida dos veciños de Negros, a seguridade vial e o control da emisión de contaminantes.
Así mesmo, reclaman a elaboración inmediata dun plan de seguridade que permita que os traballos se desenvolvan con normalidade e causando o menor dano posible.
SITUACIÓN DE INDEFENSIÓN
Os populares recoñecen a importancia das obras de execución do Eixo Atlántico da Alta Velocidade e reiteran que os veciños nunca se opuxeron a elas, pero insisten en que iso non xustifica de ningunha maneira “os desmáns que se están a cometer” e que afectan a numerosas persoas, que se sinten nunha situación de “total indefensión”.
En atención ás súas demandas, o Grupo Popular no concello de Redondela presentara xa en agosto de 2008 unha moción para que o concello procedese á creación dunha comisión de seguimento que se encargase de comprobar a evolución das obras, de vixiar que non existise ningunha modificación respecto do proxecto inicial e de facer cumprir as medidas correctoras para garantir a protección fronte a ruídos e vibracións en áreas habitadas.
No entanto, a pasividade do concello, que optou por crear unha comisión política, “sen interese nin capacidade” para cumprir cos obxectivos marcados, levou a que un ano despois a situación dos veciños de Negros sexa xa “insostible”, segundo salienta a voceira popular Francisca Canal, que non dubidou en acudir aos representantes do PP de Pontevedra no Congreso para dar un paso máis na defensa dos “intereses e demandas lexítimas dos veciños de Negros”.

Presupuestos del Estado : el PPdeG se inquieta

Pontevedra-Vigo (MORRAZO-TRIBUNA).- O deputado popular e coordinador dos parlamentarios galegos no Congreso, Celso Delgado, valora negativamente os Presupostos Xerais de 2010 que se asignan a Galicia posto que supoñen unha rebaixa da inversión na nosa comunidade con respecto aos Presupostos deste ano e ademais aumentan as cargas fiscais aos galegos.

Delgado lamentou profundamente que a asignación de fondos para investir na nosa comunidade no ano 2010 non medren nin se manteñan iguais aos deste ano, senón que se reducen de 2.145 milóns a 2.004.

Por iso, os deputados populares galegos no Congreso calificáronos de “malos para os galegos”, e, especialmente para os que menos teñen, posto que, aparte de ser máis reducidos, tamén aumentan as cargas fiscais sobre o consumo, o que implica que os cidadáns terán que aboar como mínimo 600 euros anuais en concepto de impostos.

Así mesmo, Delgado critica que a cantidade asignada a Galicia non compense aos galegos pola inexecución á que o Goberno central a someteu desde que Zapatero é presidente, é dicir, desde os últimos cinco anos, e que ascende a case 4.000 millóns de euros que poderían ter desbloqueado moitos proxectos clave para o desenvolvemento de Galicia. O popular engadiu que encima aínda hai que pensar que parte do diñeiro que se asignou este ano correrá a mesma sorte se continúa a dinámica dos últimos anos e quedará novamente sen gastarse.

Para Delgado, é o colmo que Zapatero lles volva a fallar aos galegos castigándoos con outra mala noticia en menos de catro meses. Trátase doutro varapao que se lle suma ao da deficiente financiación autonómica que Galicia recibirá do Estado e á débeda de 1.900 millóns que agora o Goberno central lle reclama aos galegos por culpa da falta de previsión e de atino do equipo de Zapatero nas estimacións presupostarias pasadas.

Galicia volve a saír perdendo cando é unha das comunidades autónomas que máis necesita dos fondos do Estado. A estas alturas, Delgado só agarda que a insufiente asignación de fondos para Galicia para o vindeiro ano se execute íntegramente e non se desvíen eses fondos a financiar infraestruturas en comunidades que non o necesitan só por ser da mesma cor política que o Goberno central.

Os deputados galegos no PPdeG no Congreso pedirán explicacións ao Goberno sobre o contido e alcance de cada unha das partidas presupostarias, no trámite de comparecencias que iniciaranse próximamente, para traballar próximamente na redacción e presentación de enmendas.

Galicia-Estado : una de conselleiras a dúo

Pontevedra-Vigo (MORRAZO-TRIBUNA).- A conselleira do Mar, Rosa Quintana, e a conselleira de Sanidade, Pilar Farjas, solicitáronlle ao presidente da Axencia Española de Seguridade Alimentaria e Nutrición (AESAN), Roberto Sabrido, que lidere a defensa da continuidade dos actuais límites de control dos índices de toxicidade ante a Unión Europea para a comercialización dos produtos do mar. Roberto Sabrido respostou que “a postura de Galicia é a mesma que a de España e así o trasladaremos á Unión Europea nas próximas reunións”.
Tras unha xuntanza mantida esta mañá co máximo responsable de AESAN, as responsables de Mar e Sanidade trasladáronlle o seu rexeitamento á nova proposta lexislativa da Unión Europea para a modificación do método de análise de biotoxinas en moluscos e fixéronlle entrega do informe elaborado polas dúas Consellerías que acredita os controis vixentes. Ao encontro asistiron tamén a directora xeral de Saúde Pública e Planificación da Xunta de Galicia, Sagrario Pérez, e a directora executiva da AESAN, Ana Troncoso. Trala xuntanza, Pilar Farjas reiterou que “os actuais límites legais para o control da salubridade dos moluscos mariños teñen amosado a súa eficacia na protección da saúde publica”.

Así, o presidente de AESAN e as dúas Administracións perfilaron unha alianza para levar a cabo accións conxuntas a todos os niveis, tanto comunitarios como internacionais, para impedir que a Comisión Europea adopte esta proposta e que siga adiante con proxectos que poden poñer en perigo a viabilidade económica da produción de moluscos.

Galicia é o principal produtor de moluscos dentro da UE, feito que será aproveitado ao longo do primeiro semestre de 2010 no que España exercerá a Presidencia de quenda da Unión Europea, para convencer a outros socios europeos. “Nese momento trataremos de traer a Galicia aos máximos responsables a nivel científico e administrativo para que vexan in situ a eficacia destes controis”, aseguro o presidente de AESAN. Ademais, aseguruou, España conta co Laboratorio de Referencia Comunitario en control de biotoxinas que pode ser de gran axuda neste obxectivo.

Rosa Quintana enxalzou a labor do Instituto Tecnolóxico de Galicia, (INTECMAR) e do seu sistema de detección e alerta de toxinas e elementos contaminantes “recoñecido e valorado positivamente a nivel internacional”. “O programa de control que desenvolve o centro, dependente da Consellería do Mar, garante a seguridade tanto para o consumidor coma para o produtor, coma un certificado de calidade”, aseverou.

A proposta da Unión Europea
O novo sistema de análise propón a substitución do método actual de bioensaio por un método químico que non está suficientemente validado e que pode deixar fóra toxinas que o método de bioensaio si detecta. O procedemento utilizado na súa tramitación non se ten negociado no seo da Organización Mundial de Comercio polo que esta podería rexeitar o cambio de metodoloxía, ao resultar máis onerosa e complicada para algúns paises produtores. Deste xeito, habería que establecer un dobre sistema de análise, para a produción comunitaria e para as importacións, o que suporía maior custo para a produción europea.

Dos 5 límites de biotoxinas que propón rebaixar a EFSA, destacan os das toxinas paralizantes (PSP) que na actualidade están en 800 µg / Kg en base ao que establece o Regulamento (CE) nº 853/2004, Anexo III fronte ao nivel proposto que está en 75 µg / Kg. A este respecto, Mar e Sanidade amosaron o seu desacordo por canto as avaliacións nas que se basean téñense feito en escenarios irreais, sobre consumos moi superiores aos que se rexistran na realidade.

Rueda define a Zapatero como o plusmarquista da crise e acúsao de dar puntilla ás rendas medias cos PXE de 2010

Pontevedra-Vigo (MORRAZO-TRIBUNA).- O secretario xeral de PP de Galicia contrapón a política económica de Feijóo de baixar impostos coa obsesión de Zapatero por subilos ata o punto de chegar a reducirlles deste xeito o soldo aos galegos 532 euros anuais

• Lamenta que Zapatero decida subir os impostos ao consumo agravando así a situación dos máis desfavorecidos e que a súa política social sexa a de incrementar as cargas fiscais

• Asegura que con isto se desmontan os argumentos do Goberno de España cando alega que non se trata dunha subida que vai en contra das rendas baixas

• Afirma que os galegos xa saben que non se pode contar co Goberno central para saír da crise e que só poden confiar na Xunta para ir trepando polas paredes dese pozo

O secretario xeral do Partido Popular de Galicia, Alfonso Rueda, definiu ao presidente do Goberno central, José Luis Rodríguez Zapatero, como o gran plusmarquista da crise e acusouno de darlles puntilla ás rendas medias e baixas cos seus Presupostos Xerais para 2010. Tralo comité de dirección do partido e a poucas horas de que os Presupostos Xerais do Estado comecen a ser tramitados no Congreso dos Deputados, o popular sentenciou que, cos datos que o PPdeG ten no seu poder, xa se pode dicir que Zapatero non desaproveitou a ocasión de volver a equivocarse.

Rueda lamentou que o avance dos Presupostos de 2010 do que dispón o partido reflicta que serán os cidadáns os que axuden ao Goberno a saír da crise en vez de ser ao revés. Nesta liña, Rueda criticou que Zapatero decida subir os impostos ao consumo agravando así a situación dos máis desfavorecidos e que a súa política social sexa incrementar as cargas fiscais.

A respecto disto, Rueda sinalou que, coa susodita subida dos impostos, cada galego terá que aboar anualmente 530 euros de impostos, é dicir, a paga dun mileurista durante un dos 12 meses do ano 2010 quedará reducida á máis da metade.

Para Rueda estas cifras “desmontan totalmente eses argumentos que están intentando dar desde o Goberno de España para explicar o inexplicable” cando din que non se trata dunha subida que vai en contra das rendas baixas.

Neste sentido, contrapuxo a obsesión de Zapatero por subir as cargas fiscais á política económica de Feijóo de baixalas, como fixo cos impostos de transmisións patrimoniais e os de actos xurídicos documentados, por exemplo.

Así mesmo, Rueda afirmou que os galegos xa saben que non se pode contar co Goberno central para saír da crise e que teñen presente que só poden confiar na Xunta para ir trepando polas paredes dese pozo.

A FESTA DOS POPULARES EN SILLEDA: UN GRAN ÉXITO
Por outra banda, o secretario xeral do PPdeG tamén fixo fincapé no gran éxito, tanto de organización como de público, que supuxo a festa dos populares en Silleda o pasado sábado. Segundo Rueda, a ilusión e as ganas coas que xente acudiu á cita, as intervencións e o ambiente que se respiraba logrou xerar o clima de mobilización de cara as eleccións municipais de 2011 que o PPdeG buscaba.

Rueda considera que o sábado se demostrou que os populares non están dispostos a rendirse na batalla polas alcaldías dos 315 concellos e que nin o PSOE nin o BNG poden estar tranquilos.

Presupuestos del Estado : esta vez el BNG puede votar en contra

Pontevedra-Vigo (MORRAZO-TRIBUNA).- O portavoz do BNG no Congreso dos Deputados, Francisco Jorquera, afirmou este mediodía que “de non se producir cambios significativos no proxecto de Orzamentos para o vindeiro 2010, o BNG votará en contra”.

O deputado do BNG realizaba esta primeira avaliación das contas do Estado despois que a Ministra de Economía entregase os Orzamentos Xerais do Estado para o vindeiro ano no Congreso dos Deputados.

O BNG crítico cos cambios fiscais

En primeiro termo, Jorquera explicou que “a estrutura xeral destes Orzamentos tamén afecta especificamente a Galiza como os cambios introducidos polo Goberno en materia fiscal. Os galegos e as galegas tamén pagaremos máis IVE, as rendas medias e baixas padecerán unha maior carga fiscal, e non as rendas altas como propoñía o BNG”.

O parlamentar nacionalista subliñou que o “BNG vai avaliar a estrutura final resultante dos Orzamentos para adoptar unha posición final porque a día de hoxe votaríamos en contra, a menos que se produzan cambios significativos”.

Os orzamentos para Galiza baixan por vez primeira en anos

En segundo lugar, o portavoz do BNG no Congreso fixo referencia aos investimentos do Estado para Galiza neste proxecto. Jorquera salientou o feito de que por primeira vez “en moitos anos, prodúcese un descenso nos investimentos para o noso territorio. Contémplase un orzamento total de aproximadamente 2.000 millóns de euros, o que supón uns 113 millóns de euros menos que no exercicio anterior”. Afirmou que se trata dun descenso “moi negativo para o noso pais” e remarcou que se debe ter en conta que “por CC.AA, Galiza é a sexta en recepción de investimentos cando somos a quinta Comunidade por poboación”. Neste sentido, falou “dun trato insatisfactorio para o noso pais”.

As partidas para o AVE o sitúan nun horizonte indefinido

En alusión concreta á cuestión do ferrocarril, o parlamentar do BNG sinalou que “só hai unha partida de 40 millóns de euros para o Lubián-Ourense e se deriva o groso do orzamento para vindeiros exercicios. Desde logo, non se corresponde coa promesa de millóns feita por Fomento”.
Respeito ao Eixo Atlántico, puxo de manifesto que o Ferrol-A Coruña segue a ter cantidades menores para estudos, igual que o Vigo-Tui.

“Con estes orzamentos no tema ferroviario, Galiza arríscase a non dispór do AVE até un horizonte indefinido”, indicou. Tamén criticou os escasos investimentos para a modernización da rede interior.

Rubalcaba entrega este jueves a Louzán la medalla al mérito social

Pontevedra-Vigo (MORRAZO-TRIBUNA).- O presidente da Deputación, Rafael Louzán, recibirá de mans do Ministro do Interior, Alfredo Pérez Rubalcaba, a Medalla de Prata ó Mérito Social Penitenciario pola contribución da Deputación a esta labor. O acto terá lugar o vindeiro 24 de setembro ás 12.00 horas na Sala de Columnas do Círculo de Belas Artes de Madrid, coincidindo coa celebración da Merced.
Segundo recolle a notificación remitida polo ministro con este galardón pretende servir para estimular a conciencia social cara o colectivo de persoas que están privadas de liberdade, os profesionais que os atenden e cantas organizacións cidadás colaboran no proceso de reinserción social”.
Compre recordar que a Deputación Provincial de Pontevedra mantén unha estreita colaboración Institucións Penitenciarias, complementando a formación e favorecendo os hábitos e actitudes de integración dos internos o penal de A Lama e do Centro de Inserción Social en Vigo.
Así mesmo, a Deputación de Pontevedra foi a primeira entidade provincial galega en colaborar con Institucións Penitenciarias materialización das condenas de traballos en beneficio da comunidade.
No apartado de formación, a Deputación colabora no módulo de Cantería a través dos profesionais da Escola de Canteiros que se desprazan ata a penitenciaría para ampliar os coñecementos dos internos. Na actualidade forma a 10 alumnos, facilitándolles, en calidade de préstamo, a pedra e algúns medios materiais. Ó mesmo tempo a institución provincial colabora na edición trimestral dunha revista, na dotación de libros para a biblioteca. Tamén colabora co centro no eido deportivo, cultural e social.
Traballos en beneficio da comunidade
Un total de 16 persoas, algúns con causas acumuladas de duración superior ó ano, desenvolven traballos en beneficio da comunidade en materia de limpeza, mantemento de edificios e acondicionamento de zonas verdes e axardinadas da Cidade Infantil “Príncipe Felipe”, traballo administrativo, de subalternos, e de mantemento e xardinería no Pazo Provincial.
Por outra banda, e a través do seu servizo de Patrimonio Documental e Bibliográfico, a Deputación de Pontevedra ten feito entrega no último ano dun lote de máis de 300 títulos. En anos anteriores editou unha revista escrita polos internos. Así mesmo, leváronse a cabo distintas actuacións no centro, a máis recente, a da agrupación folclórica Celme, o pasado 17 de maio.
No eido deportivo a Deputación contratou un monitor de actividades deportivas para o adestramento físico e a mellora do estado de saúde dos internos, e ademais entrega puntualmente medallas e trofeos para os distintos campionatos deportivos que organizan.
Piso de acollida
En canto ó apartado social, o organismo provincial colabora desde o ano 2007 a través da oficina da Diócese de Tui-Vigo. A través desta subvención, a Deputación axuda tanto ós reclusos coma as súas familias no sufraxio dos gastos orixinados no piso de acollida, onde os internos residen cando saen de permiso penitenciario. En 2007, concedéronse 4.000 euros, mentres que en 2008 e 2009 entregáronse 2.000 euros respectivamente.
A través das axudas dos servizos sociais especializados, a Deputación fixo entrega de 1.800 euros á Asociación de Axuda ós Toxicómanos “Érguete”, para a posta en marcha dun proxecto de integración socio-laboral con internos do centro de inserción social de Vigo, dependente da Prisión de A Lama.
Ademais, no mes de abril, a raíz do convenio asinado o 12 de marzo, entre a Deputación e o Ministerio de Interior, coordinouse a acción formativa a impartir dentro do Centro por parte dunha cooperativa de traballo social.

Se observa : PP y PSOE no están por transferir la competencia de aeropuertos a Galicia...

Pontevedra-Vigo (MORRAZO-TRIBUNA).- Os dous grupos maioritarios da Cámara, PP e PSOE opuxéronse este serán á proposta do deputado do BNG, Francisco Jorquera, de creación dun órgao concertado dos tres aeroportos galegos no que participe a Xunta, cunha posición determinante, o Estado, os concellos e axentes sociais e económicos.

O BNG procurou o acordo até o punto de substituir o traspaso da competencia pola creación dun órgao de Xestión Concertada dos aeroportos galegos

Os demáis grupos parlamentares da Cámara respaldaron a moción do BNG sobre a xestión dos aeroportos galegos que foi debatida e votada este serán no Congreso. Jorquera explicou que o BNG se esforzou por chegar a un acordo cos dous grupos maioritarios desta Cámara, até o punto de “substituir a referencia ao traspaso de competencias á Xunta polo compromiso de crear un órgao de Xestión Concertada do sistema aeroportuario, no que participe a Xunta cunha posición determinante, a Administración do Estado, os concellos e axentes sociais e económicos.

Críticas ao PP: “non teñen vontade de que Galiza se corresponsabilice. Din unha cousa na Galiza e outra en Madrid”.

O deputado do BNG lamentou a imposibilidade de chegar a un acordo e afirmou que “non será o BNG o que teña que explicar por que”. Reprochou ao PP que o Presidente da Xunta propoña un modelo que conciba os tres aeroportos galegos como si fosen un único con tres terminais, e “ ao mesmo tempo non teñen vontade de que Galiza se corresponsabilice cunha posición determinante na xestión dos mesmos”. “Está claro que unha cousa é o que se dí na Galiza e outra moi distinta a que se fai en Madrid”, aseverou.

Críticas ao PSOE: “xogan a marear”

Tamén criticou ao PSOE porque “terá que explicar en que vai consistir o novo modelo de xestión, se logo teñen tanta resistencia a emitir un sinal de que hai vontade de avanzar cara un modelo de xestión concertada”. E advertiu que “moito nos tememos que o tan cacareado Comité de Rutas non resposte a outra intención que xogar a marear. A concepción da política como sacar coellos da chisteira para ter un titular xornalístico”. E advertiu que non pode haber política aeroportuaria integral en Galiza “se non é desde a corresponsabilización”.

As propostas do BNG para mellorar a xestión dos aeroportos galegos

Na súa intervención no Pleno, Jorquera lembrou que a forte caída que experimentaron os aeroportos galegos no último ano e medio non só e froito da crise económica, senón que os aeroportos de Galiza “sofren tamén a crecente competencia do aeroporto Sá Carneiro de Porto, que se beneficia dos problemas estruturais dos nosos aeroportos para facerse cunha crecente carteira de clientes da nos Comunidade”.

Asemade, subliñou que os tres aeroportos galegos padecen unha escasa variedade de destinos e escasa complementariedade de rutas pese á cercanía entre sí. E por riba, recalcou, “case a metade dos voós con orixe en Galiza teñen como destino Madrid. Circunstancia que fai que sexa máis barato e rápido ir a Porto a coller un voó europeo ou intercontinental”.

Lembrou que no debate a semana pasado co Ministro de Fomento, José Blanco anunciaba a creación dun Comité de Desenvolvemento de Rutas coa participación do Ministerio, da Xunta, dos concellos, e da Confederación de Empresarios e Cámaras de Comercio.
“Congratulámonos de que a iniciativa do BNG servise para dar este paso, pero que consideramos insuficiente”, aseverou o deputado do BNG, quen afirmou que para resolver os problemas estruturais dos aeroportos galegos é preciso un “cambio no modelo de xestión”.

Jorquera reclamou un modelo de xestión que atenda ás necesidades de Galiza, que aposte por estas infraestruturas como pilares de desenvolvemento económico e social, e que atenda á vertebración territorial do noso pais. O deputado do BNG salientou a necesidade dun modelo de xestión que conciba aos aeroportos de A Coruña, Santiago e Vigo, como partes dun sistema integrado, fomentando a especialización e complementariedade dos seus aeroportos, e que non “se lles conciba como satélites do gran nó aeroportuario central que é Barajas”.

Por iso, a planificación e xestión deben recaer nas Administracións máis próximas.

El Bloque sigue denunciando la saturación de la cuenca hidroeléctrica Miño-Sil

Pontevedra-Vigo (MORRAZO-TRIBUNA).- O senador do BNG, Xosé Manuel Pérez Bouza, interpelou onte a noite na Cámara alta á Ministra de Medio Ambiente, Medio Rural e Marino, Elena Espinosa, sobre a “saturación “ que padece a conca hidroeléctrica do Miño –Sil por mor da ubicación de máis de 70 centrais hidroeléctricas ao longo do seu percorrido,sendo moitas delas encoros.

Pérez Bouza denunciou ademais, a execución de diversos proxectos hidroeléctricos como o de “Santo Estevo II” en Ourense ou outros moitos que están en fase de tramitación de impacto ambiental no propio Ministerio de Medio Ambiente.

Para o senador do BNG, son actuacións que provocan un grave “impacto ambiental” nunha zona como na que se están levando a cabo as obras por parte da empresa Iberdrola en “Santo Estevo II”.Obras, que o pasado mes de xullo chegaron mesmo a secar o río Sil dende a presa de Santo Estevo ata a desembocadura do río Cabe.Esta situación -explicou o senador- suscitou a alarma e a denuncia de diferentes organizacións ecoloxistas, chegando a interpoñer dúas denuncias ante a Fiscalía. Hai que salientar- dixo- que estas denuncias, unha do propio BNG, motivaron a apertura de dilixencias por parte da Fiscalía por observar indicios de delito.

Xosé Manuel Pérez Bouza lamentou, na súa interpelación á Ministra Espinosa, a gravidade destes feitos así como a pasividade da Confederación Hidrográfica do Miño-Sil que en ningún momento actúo de oficio ante semellante “atentado ecolóxico”.

O senador do BNG, que principiou a súa intervención en galego, destacou que, “a espectacular paisaxe da Ribeira Sacra, xunto co seu rico patrimonio, e as boas condicións para a produción vitivinícola, fan que esta zona fora incluída dentro dos espazos que conforman a Rede Natura, contando polo tanto -dixo- co amparo dunha figura de protección ambiental, denominado Lugar de Interés Comunitario (LIC), así como estar nominada para ser declarada Patrimonio de la Humanidad pola UNESCO”.

Sobre os máis de 70 aproveitamentos hidroeléctricos asentados, na súa maioría na Ribeira Sacra en forma de grandes encoros, o senador nacionalista asegurou que foron construídos durante o franquismo, período que cualificou de “sinistra época” onde o respecto polo medio ambiente era absolutamente nulo.

Por outra banda, Pérez Bouza denunciou o secado do río Sil provocado polas obras que verqueron centos de toneladas de escombros no cauce do río e que posteriormente, foron utilizados para construír unha pista dedicada á circulación diaria de camións e maquinaria pesada.

O senador do BNG transmitiulle á Ministra Salgado, a preocupación desta forza nacionalista ante a pasividade das administracións públicas, e concretamente da Xunta de Galiza e Goberno Central, ambos con competencias para velar por que no se produzan agresións contra o noso entorno.

Neste sentido, Pérez Bouza explicou que esta actitude do Executivo galego non lle sorprendía despois do “efusivo abrazo entre o Presidente de Iberdrola e o actual Presidente da Xunta de Galicia o día da toma de posesión do Sr. Feijoo”.

Tampouco lle sorprendeu -dixo- a actitude da propia Ministra , do Ministerio que dirixe, e a dos organismos que del dependen , como a Confederación Hidrográfica del Miño-Sil, que durante os últimos tempos non interviron para paralizar estas obras senón que mesmo xustificaron publicamente o comportamento da empresa.

Acusou á titular de Medio Ambiente de crer os argumentos de Iberdrola e firmar unha resolución na que se aseguraba que as obras non causarían ningún dano ambiental, dándolle así vía libre a empresa para poder executalas.

Finalmente, o senador do BNG apelou á condición de ourensán da Ministra de Medio Ambiente e a súa responsabilidade política para preservar un dos lugares de gran patrimonio e produción de viño, e solicitou a súa mediación ante os proxectos que aínda están en trámite de execución como o denominado “Santa Cristina” que suporía un impacto aínda maior na Ribeira Sacra.

A Ministra de Medio Ambiente respondeu que estes aproveitamentos axústanse á lei e o proxecto sobre as obras de Santo Estevo II contou cos informes favorables das Consellerías de Medio Ambiente e Innovación e Industria da Xunta de Galiza. Asemade engadiu que Iberdrola realiza controis de auga e mesmo un caudal ecolóxico para non agredir o río.

Para a Ministra Salgado non se produciu un secado xa que a “elevada pedregosidade do cauce fai que se produza un impacto ocular porque as súas augas circulan entre as pedras” .

Sobre os expedientes en tramitación explicou que existen na actualidade 67 de concesións de novos aproveitamentos, 42 en Galiza e 25 en Castela-León, dos cales 7 xa foron informados negativamente.

O senador nacionalista pediu a Ministra Espinosa que revise a documentación, xa que a Consellería de Innovación e Industria “nunca emitiu un informe favorable” porque esta obra tería un impacto negativo sobre o turismo na Ribeira Sacra. A respecto do “efecto óptico” do secado do río, Pérez Bouza amosouse disposto a presentar fotografías e documentación que certifican o grave impacto destas obras no cauce.

Pérez Bouza rematou a súa intervención coa petición de que o aumento de potencia e os novos aproveitamentos hidroeléctricos non leven aparellado unha agresión contra o entorno.

Otra de auto-propaganda de F-009

Pontevedra-Vigo (MORRAZO-TRIBUNA).- O presidente da Xunta, Alberto Núñez Feijóo, remarcou hoxe que o Goberno da Xunta está a tomar medidas para facer fronte á crise e para iniciar o camiño da recuperación económica. “O Goberno está a tomar medidas para minimizar o impacto da crise que herdamos e para tentar iniciar o camiño lento, difícil e complexo da recuperación”, indicou subliñando que en tan só cinco meses “adoptamos máis de 20 importantes medidas económicas”.

Entre elas e en primeiro lugar, concretou, un Plan de austeridade, “amosando que este Goberno lle sae máis barato aos galegos”; en segundo lugar, “reafirmando e recompoñendo os orzamentos no 11 por cento da totalidade dos orzamentos anteriores” (1.100 millóns de euros) e plantexando once medidas no Plan de choque. Tamén –engadiu-, apoiando ao sector lácteo con máis de 11 millóns de euros e ao sector do automóbil, tendo en conta –dixo- que Galicia é hoxe, xunto con Navarra, a comunidade autónoma que máis ten incrementado as axudas.

Xunto con isto, Núñez Feijóo lembrou que o actual Goberno da Xunta ten desbloqueado o sector acuícola, avanzou que aprobará nos vindeiros días o proxecto de Lei de pesca, e que ten dedicado o maior plan de avais da historia de Galicia para xerar 400 millóns de euros de liquidez ás empresas galegas, investido máis de 100 millóns de euros en I+D+i; ademais de destinar 30 millóns de euros para as persoas que acabaron o desemprego e os seus subsidios, rebaixar os impostos nun 50 por cen, e presentando os plans e a planificación que necesita Galicia ata o ano 2013, 2015 e 2017”.

“Sen ir a ningunha consultoría -puntualizou o presidente-, nos primeiros catro meses de goberno sacamos adiante o Plan de mobilización de infraestruturas, o Plan de saneamento e infraestruturas hidráulicas, o Plan de infraestruturas xudiciais e por último, negociando, acordando co Goberno de España, desbloqueamos o tren de alta velocidade que non estaba”, aseverou.

“Un político distinto”
Fronte a isto, o presidente galego contrapuxo a actitude do líder do PSdeG, ao que cualificou como “un político distinto” por ser, dixo, “un socialista que fala de paro nun momento como o actual e un político tan distinto que lle di a Galicia que lle sobran cartos e llos ten que devolver ao Estado”.

“Unha das razóns polas que vostedes perderon as eleccións é por negar que había paro, crise e recesión económica”, recriminoulle Feijóo ao voceiro socialista para lembrarlle que cando o PP deixou o Goberno galego en 2005 “nos fomos cunha Galicia que crecía e que creaba emprego”. “Vostedes no 2009 vanse cunha Galicia en recesión económica e con máis de 210.000 parados, máis de 55.000 parados nos últimos dous anos”, apostilou o mandatario autonómico. A este respecto, aludiu aos datos da OCDE que prevén que a taxa de paro acade o 20 por cento o ano que vén e sinalou que tamén a Unión Europea advirte que no ano 2010 España será dos últimos países en comezar a recuperar o ritmo de crecemento económico.

Na mesma liña, Feijóo lembrou que o goberno bipartito “abandonou o Goberno da Xunta deixando unha débeda de 2.000 millóns de euros” ao Estado. “No ano 2010 o Goberno de España anticípamos unha baixada dos ingresos na comunidade do 18 por cen e ¿iso non é nada?”, ironizou o presidente galego ao respecto.

Feijóo insistiu en que Galicia “está farta” do tratamento diferenciado das comunidades autónomas “que cando unha levanta a man lle fan un traxe a medida para o financiamento” e criticou a actitude do PSdeG que, dixo, “cando nós dicimos que non podemos pagar o que non temos o PSdeG en Galicia nos di que temos que pagar o que non temos”. “Non estamos de acordo”, apostilou, exemplificando a súa negativa: “Hai comunidades autónomas que cando o Tribunal Constitucional lle toca un pelo do seu Estatuto plantexan un conflito co Estado; pero non estamos dispostos a pagar os erros do señor Zapatero”, abondou lembrando que “Zapatero invita, e Galicia paga”. “Como vostede siga así –advertiulle Feijóo ao voceiro do PSdeG-, vaise converter no cobrador do frac do PSdeG”.

Orzamentos realistas e control do gasto
O presidente da Xunta finalizou a súa intervención aseverando que o Goberno galego vai tomar as medidas necesarias para saír da actual recesión económica e asegurando que “non imos negar a crise, porque existe” e que tampouco “imos facer uns orzamentos falsos, senón realistas. Non imos descontrolar o gasto, senón que o axustaremos e, por suposto, non imos deslocalizar as empresas galegas, senón a concentralas en Galicia”, concluíu.

BNG fuerza un recurso de inconstitucionalidad para que Galicia defienda competencias en materia financiera

Pontevedra-Vigo (MORRAZO-TRIBUNA).- O BNG logrou esta mañá que o Parlamento de Galiza dea o seu apoio a que a Xunta inicie dun recurso de inconstitucionalidade contra o FROB e en defensa das competencias de Galiza en materia financeira.

A proposición non de lei, que saiu adiante ao aceitar o BNG unha emenda do Grupo Popular, e que contou coa abstención do Grupo Socialista, insta á Xunta de Galiza a “iniciar as accións previstas na Lei Orgánica do Tribunal Constitucional para interpoñer un recurso de inconstitucionalidade contra o Decreto-Lei 9/2009, de 26 de xuño, incluída a convocatoria da Comisión Bilateral de Cooperación”, Xunta de Galiza-Goberno Central.

Benvida ao cambio de postura do PP

O portavoz do BNG en materia financiera no Parlamento Galego, Fernando Blanco, deu a “benvida ao cambio de postura do Partito Popular, xa que no mes de xuño, a propia conselleira de Economía e Facenda respondía a unha pregunta do BNG sobre a posíbel absorción das caixas galegas por entidades de fora, asegurou que se trataba dunha cuestión meramente técnica que debía de ser resolta técnicamente”.

Porén, o deputado nacionalista resaltou as contradiccións do Partido Popular xa que “cando se votou en Madrid o FROB os deputados galegos do Partido Popular votaron a favor a sabendas de que era perxudicial para Galiza”.

Invade as competencias de Galiza e pon en perigo a nosa capacidade financiera

Fernando Blanco advertiu de que “a posíbel absorción das caixas galegas por entidades foráneas que contempla o FROB non é unha cuestión técnica, é unha cuestión política da máxima gravidade para Galiza xa que pon en perigo moitos postos de traballo; a nosa capacidade de impulsar a economía galega e de ter mecanismos propios de financiamento”.

Ademais, lembrou que o FROB “invade as competencias exclusivas de Galiza, en concreto o artigo 31.5 do Estatuto de Autonomía”.

Por todo isto, Fernando Blanco subiñou que “o razoábel é iniciar o proceso de recurso de inconstitucionalidade contra o FROB, sen que isto signifique pechar as portas á negociación”.

El Bloque pidió a Zapatero una estrategia clara contra la crisis

Pontevedra-Vigo (MORRAZO-TRIBUNA).-O portavoz do BNG no Congreso dos Deputados, Francisco Jorquera, pediu esta mañá no Pleno ao Presidente do Goberno “unha estratexia clara fronte á crise económica que vaia máis alá da continua improvisación, de medidas inconexa se de meros parches quen non atacan a orixe da doenza como o Plan E, ou pomposas apostas que son un continente sen contido como a Lei da Economía Sostíbel”.

Ademáis, Francisco Jorquera instou a Zapatero a “modificar tamén a súa actitude política e asumir que non posúe a maioría nesta Cámara. Debe decidir con que forzas políticas quere establecer un diálogo preferente para asegurar a estabilidade parlamentar e actuar en consecuencia”.

O portavoz do BNG nol Congreso puxo enriba da mesa as prioridades do BNG en materia económica. En primero lugar, unha política orzamentaria anticíclica que “aposte polo gasto social e a inversión produtiva e se acompañe dun cambio na política fiscal”.

Propostas do BNG en materia fiscal

En cuanto aos impostos, Jorquera aludiu á necesidade dunha reforma fiscal que redestribúa a carga impositiva baixo “os principios de equidade, xustiza e progresividade, e asegure unha recadación suficiente para o sostemento de políticas públicas sen incorrer nun défice inasumíbel”.

Reprochou ao Presidente do Executivo a falla “dunha resposta clara e valente neste sentido, fronte ás políticas de globos sonda, a timoratez dalgunhas das súas propostas e as continuas contradiccións”. A partir de aí, explicou algunhas das medidas do BNG: “cremos que se debe introducir un novo tramo do IRPF para as rendas altas, unha regulación que asegure a progresividade na tributación das rendas de capital, introducir elementos de progresividade na dedución dos 400 euros ou no cheque bebé e un imposto para as grandes fortunas, ou modificar a tributación das sociedades de inversión de capital variábel, instrumentalizadas por moitas grandes fortunas para se beneficiar dunha tributación ventaxosa”.

A estas demandas uniu a necesidade de políticas de estímulo fiscal destinadas aos sectores más castigados pola crise, unha conxelación das taxas e a imposición indirecta en xeral, ademáis da aplicación dun tipo superreducido de IVA a produtos e servizos de primeira necesidade e un maior gravamen para os artigos de luxo.

Para o deputado do BNG “non se trata de subir impostos de xeito xeralizado, senón que set rata de distribuilos de maneira máis xusta”.

Racionalizar a estrutura administrativa e decepción coa reforma do sistema de financiamento autonómico

En segundo lugar, Jorquera pediu a Zapatero unha racionalización da estrutura administrativa e a distribución do gasto entre as distintas administracións. Neste aspeito, o deputado do BNG defendeu unha distribución do gasto acorde co reparto competencial existente, “adelgazando a Administración do Estado e doutando de máis recursos ás CC.AA e concellos”.

Aproveitou este apartado para manifestarlle a Zapatero “a nosa decepción coa reforma do sistema de financiamento autonómico” e anunciou que o BNG se oporá a esta reforma na súa tramitación parlamentar e “traballaremos para introducir modificacións”. Sinalou que ese sistema non asegura a suficiente financieira de Galiza, nen significa un avanzo en termos de autonomía financieira e desvirtúa os mecanismos para correxir as desigualdades territoriais”.

Jorquera afirmou que tamén a reforma do financiamento local é inaplazábel para “evitar a asfixia de moitos concellos”.

Aproveitar a Presidencia española da UE para defender sectores produtivos básicos

O deputado nacionalista tamén emprazou ao Presidente do Goberno a aproveitar a Presidencia española da UE para defender aos sectores produtivos básicos da economía galega como lácteo, a pesca e o naval.

Al BNG no le gusta el portugués Durao Barroso como presidente de la Comisión Europea

Pontevedra-Vigo (MORRAZO-TRIBUNA).- A voceira do BNG en Europa, Ana Miranda, non apoiará o renomeamento de Durao Barroso como presidente da Comisión Europea na audición que o Presidente en funcións desta Comisión mantén cos grupos políticos da Eurocámara e hoxe, concretamente co grupo Verdes-Alianza libre Europea (Ale), no que está integrado o Bloque Nacionalista Galego.

A Voceira do BNG, e futura eurodeputada no ano 2011, afirma que o programa político de Barroso baséase na primacía do mercado neoliberal e na competencia como motor de crecemento e non “no benestar e na protección social”.

Miranda critica que este programa non presente ningunha solución política ante a crise económica, financeira e ecolóxica que padece a Unión Europea, “un presidente que durante 5 anos impulsou prácticas ultraliberiais, non propiciou una verdadeira unión política nen unha Europa social que respeite a diversidade e que discriminou a Política Común de Pesca relegándoa frente a outras políticas, con consecuencias gravísimas para Galiza” non contará coa nosa aprobación.

Asemade, engade que “a política defendida por Barroso amparou un modelo produtivo en materia de agricultura e desenvolvemento rural que só favorece ás grandes explotacións e a agroindustria, e que “ non deu unha solución a problemas tan graves como a crise do sector lácteo.” Miranda enfatiza que “Galiza tamén é Europa e con Durao Barroso estamos sendo obxecto de esquecemento e discriminación constante”

A voceira do BNG no Parlamento Europeo non escatima críticas á reelección do candidato a presidir a Comisión Europea e afirma que “Barroso promoveu directivas como a polémica directiva do tempo de traballo, a de servizos, a liberalización do trasporte de curta distancia que tanto está a afectar a ría de Vigo ou a controvertida directiva de retorno, entre outras medidas pouco sociais.”

O grupo político europeo no que está integrado o BNG vai emitir o voto en contra de Barroso por non defender a diversidade interna entre os estados membros de nacións europeas, por non impulsar unha política exterior europea de protección en problemas políticos graves como o de Palestina ou do Sahara -no que é interlocutor principal de Marrocos-, por reducir o orzamento comunitario destinado a políticas sociais e do benestar das traballadoras e traballadores, das familias, da mocidade e a terceira idade e dos inmigrantes, ademais de non fomentar políticas de creación de emprego impulsando normativas que favorecen a deslocalización e o dumping económico e social en Europa.

A nacionalista reitera que o enfoque dos últimos anos do Goberno comunitario dirixido por Durao Barroso e o Partido Popular europeo, discrimina a Galiza e non garante unha política social e de respeito aos cidadáns nen ás culturas diferentes.

En nome de EUROPA DOS POBOS intervirá o eurodeputado de ERC, Oriol Junqueras, que saudará inicialmente en portugués ( lingua que Barroso non utiliza nunca no Parlamento europeo) e que trasladará ao pleno o voto en contra do Grupo VERDES-Ale, á reelección de Durao Barroso á Presidencia da Comisión europea.

BNG pide al gobierno central la investigación exhaustiva de los últimos naufragios

Pontevedra-Vigo (MORRAZO-TRIBUNA).- O portavoz do BNG no Congreso dos Deputados, Francisco Jorquera, rexistrou hoxe unha iniciativa parlamentar na Cámara Baixa relativa ao afundimento en dous días de dos dous pesqueiros galegos: o “Hermanos Landrove” e o “Nosa Cantiga”.

O deputado nacionalista pede ao Goberno que se realice unha investigación a fondo en ambos casos para esclarecer as causas que motivaron estes sinistros.

En primeiro termo, Jorquera traslada á familia e amigos do patrón falecido do “Hermanos Landrove” o “máis sentido pésame” e amosa a solidariedade do BNG coa súa familia.

O deputado do BNG alude ao naufraxio esta madrugada fronte a Cedeira do “Hermanos Landrove” e que se cobrou a vida do patrón. Pregunta ao Executivo a que hora recibiu Salvamento Marítimo o sinal de alerta da radiobaliza, a que hora activou o dispositivo de salvamento e canto tempo tardaron ditos medios en chegar ao lugar do sinistro.
Quer saber tamén se o “Hermanos Landrove” con base en Cariño pasou todas as inspeccións e controis pertinentes e cando foi a última revisión.

Pasou o “Nosa Cantiga” as inspeccións pertinentes?

Respeito ao naufraxio do pesqueiro con base en Ribeira, o “Nosa Cantiga”, o pasado domingo 6 de setembro, a 19 millas da costa portuguesa, Jorquera tamén quer que se esclarezan as causas deste sinistro.

De igual xeito, pregunta ao Goberno se Salvamento Marítimo recibiu sinal de alerta do barco afundido. “Houbo operación de resgate? De ser así, ¿que medios participaron?”, son algunhas das cuestións que formula na súa iniciativa.

O deputado do BNG alude especialmente ás condicións do “Nosa Cantiga”: un arrastreiro con 42 anos de antigüedade, que levaba sete anos amarrado a porto, que no 2008 foi obxecto dun expediente por abandono, que “de maneira sorpresiva se salvou de ser desguazado e foi reparado polo actual armador que o recuperou hai uns meses para a actividade pesqueira”. Tamén enfatiza o feito de que, según as información, “non poseía permiso temporal de pesca xa que lle caducara o 30 de xuño”.

Neste sentido, pregunta ao Goberno “como é posíbel que un barco de 42 anos e tantos problemas volte a estar operativo para faenar? Tiña todos os requisitos exixidos a un pesqueiro para que poida pescar? Como se explica que estivese navegando cando tiña a licencia de pesca caducada? Como é posíbel que non se controle e vixíe este tipo de circunstancias?”, son as preguntas que o deputado do BNG dirixe ao Goberno.

E remata solicitando ao Goberno que este último caso sexa motivo dunha investigación a fondo e que se exixan responsabilidades.