MADRID (MORRAZO-tribuna) .- O senador do BNG por designación autonómica, Xosé Manuel Pérez Bouza, demandoulle esta tarde á ministra de Administracións Públicas, Elena Salgado, “colaboración plena para aumentar o autogoberno de Galiza, pola vía do traspaso de novas competencias, en tanto non se aprobe un novo Estatuto de Nación”.
O senador nacionalista interveu esta tarde na Comisión Xeral de Comunidades Autónomas do Senado, onde compareceu a ministra de Administracións Públicas para informar das liñas xerais do seu departamento para esta lexislatura.
“As demandas de autogoberno de Galiza cumpren todos os requisitos: consenso e respeito á Constitución”
Pérez Bouza salientou que esta demanda “cumpre escrupulosamente os dos requisitos que o propio presidente do Goberno ten manifestado que deben cumprir tanto os proxectos de novos estatutos como as solicitudes de traspaso de competencias que partan das Comunidades Autónomas: todas contan co respaldo das tres forzas políticas galegas con representación parlamentar e ademais son absolutamente respeituosas tanto co Estatuto como coa Constitución”.
“Polo tanto, -subliñou o senador do BNG- só fai falla vontade política do Goberno do Estado para que estas competencias se poidan transferir e Galiza poida ver mellorado o seu autogoberno, como é o desexo da maioría dos galegos e galegas”.
Elena Salgado recoñece avanzos no proceso de transferencias a Galiza
Na súa resposta á intervención do senador do BNG, a ministra de Administracións Públicas asegurou que “estamos traballando e ben no proceso de continuar coas transferencias do estatuto vixente”.
“Neste momento, -precisou- hai negociacións moi avanzadas, particularmente no ámbito cultural, que poderían facerse de xeito inmediato, xa que remataron os traballos nas comisións técnicas”.
O senador nacionalista interveu esta tarde na Comisión Xeral de Comunidades Autónomas do Senado, onde compareceu a ministra de Administracións Públicas para informar das liñas xerais do seu departamento para esta lexislatura.
“As demandas de autogoberno de Galiza cumpren todos os requisitos: consenso e respeito á Constitución”
Pérez Bouza salientou que esta demanda “cumpre escrupulosamente os dos requisitos que o propio presidente do Goberno ten manifestado que deben cumprir tanto os proxectos de novos estatutos como as solicitudes de traspaso de competencias que partan das Comunidades Autónomas: todas contan co respaldo das tres forzas políticas galegas con representación parlamentar e ademais son absolutamente respeituosas tanto co Estatuto como coa Constitución”.
“Polo tanto, -subliñou o senador do BNG- só fai falla vontade política do Goberno do Estado para que estas competencias se poidan transferir e Galiza poida ver mellorado o seu autogoberno, como é o desexo da maioría dos galegos e galegas”.
Elena Salgado recoñece avanzos no proceso de transferencias a Galiza
Na súa resposta á intervención do senador do BNG, a ministra de Administracións Públicas asegurou que “estamos traballando e ben no proceso de continuar coas transferencias do estatuto vixente”.
“Neste momento, -precisou- hai negociacións moi avanzadas, particularmente no ámbito cultural, que poderían facerse de xeito inmediato, xa que remataron os traballos nas comisións técnicas”.
