El socialista que manda en la FEGAMP aplaude el anuncio de Zapatero de otro "plan E"

VIGO/PONTEVEDRA (MORRAZO-tribuna) .-O Presidente da Fegamp e alcalde de Ames, Carlos Fernández, mostrou a súa satisfacción polo anuncio, por parte do Presidente do Goberno, José Luis Rodríguez Zapatero dun segundo Fondo Estatal de Investimento Local para 2010.


Fernández salientou a coincidencia de opinión co presidente da Femp, Pedro Castro, en valorar este xesto do Presidente Zapatero e afirmou que con este compromiso, o Goberno reitera a súa confianza nos Concellos, ao anunciar, no seu discurso do Debate sobre o Estado da Nación, este segundo fondo, dotado con 5.000 millóns de euros, que irá destinado á execución de obras medioambientais, tecnolóxicas, de equipamentos sociais e desenvolvemento da Lei de Dependencia.


O Presidente da Fegamp afirmou que está seguro de que desde “os Concellos galegos imos responder a este segundo fondo coa mesma responsabilidade, a mesma eficacia e o mesmo rigor que fixemos co primeiro”, do que, dixo, “os resultados están empezando a ser visibles tanto na creación como no mantemento do emprego”.