En Soutomaior : Workshop on Dynamic Macroeconomics

Pontevedra-Vigo (MORRAZO-TRIBUNA).-Os días 8, 9 e 10 de xullo o Castelo de Soutomaior, da Deputación de Pontevedra, albergará a décimo cuarta edición do Workshop on Dynamic Macroeconomics. O grupo de investigación da Universidade de Vigo (RGEA), xunto cun grupo de profesores doutras universidades coordinados polo profesor Timothy Kehoe, será a encargada de organizalo encontro.
O obxectivo desta actividade é ofrecer a novos investigadores interesados en temas de economía un foro internacional para a prestación e discusión de artigos de investigación que presenten avances recentes no campo da macroeconomía.
Tralo éxito alcanzado nos pasados encontros este ano espérase a afluenza duns 50 asistentes entre os que destacan científicos e profesores da talla de Jaime Alonso-Carrera (Universidade de Vigo), Juan Carlos Conesa (Universidade Autónoma de Bacelona), Omar Licandro (European University Institute), Franck Portier (Université de Toulouse), José Victor Rios-Rull (University of Minnesota) ou o xa citado director da Universidade de Minnesota, Timothy Kehoe.
En edicións anteriores contouse coa presenza doutros prestixiosos economistas internacionais como, por exemplo, Finn Kydland (Carnegie Mellon U. e Premio Nobel de Economía), Edward Prescott (U. Minnesota e Premio Nobel de Economía), Michelle Boldrin (U. Minnesota), David de la Croix (IRES – U. Catholique de Louvain), Gary Hansen (UCLA) ou David Levine (UCLA).
Para ampliar a información sobre esta actividade pódese consultar a páxina oficial en: http://webs.uvigo.es/workshop/