Coas 100 vivendas de protección autonómica xa rematadas e a piques de ser entregadas, a FAVEC quere salientar que aquel ilusionante proxecto que comezou a súa andaina en 2005 é produto do consenso político entre os tres grandes partidos da cidade. Temos que agradecer a vontade e o esforzo de todas as forzas políticas da cidade que, con independencia de quen gobernase, foron capaz de poñerse de acordo para identificar as necesidades da cidadanía e confiar na capacidade do movemento veciñal de Vigo para crear na parcela do abandonado cuartel de Barreiro vivenda digna a un prezo asequible.
A FAVEC manifesta a súa satisfacción por ser a entidade gañadora do concurso para dotar de vivenda a 100 familias da cidade. O feito de que todas as forzas políticas confiasen no proxecto presentado por esta Federación e desen o seu apoio para pasar dos planos á realidade, fainos sentir promotores especiais e adquirir un compromiso que nos enche de orgullo. É por iso que ningún dos partidos protagonistas nesta marabillosa andaina ten maior nin menor relevancia, as vivendas son de todos.
FEDERACION DE ASOCIACIONS DE VECIÑOS "EDUARDO CHAO"
