Otra vez buenas palabras de la conselleira Mato para los dependientes pero estos ven que la Lei de Dependencia es una tomadura de pelo...

Pontevedra-Vigo (MORRAZO-TRIBUNA).- A conselleira de Traballo e Benestar, Beatriz Mato, demandou hoxe unha maior implicación do Estado á hora de financiar á Lei de Dependencia, ao tempo que avogou por que a revisión da normativa sexa antes de 2010, data na que está establecida. “É o momento de facer unha reflexión”, defendeu.

Mato realizou estas declaracións durante un almorzo informativo que mantivo hoxe cos medios de comunicación para dar conta do estado actual da tramitación desta normativa. Alí, asegurou que a Xunta apostará pola “atención social” e garantiu o seu compromiso coa mellora da calidade de vida, para o que se poñerán en marcha “todas as medidas” que se precisen.

Con todo, a conselleira de Traballo sinalou que o “camiño” que queda por percorrer na tramitación desta lei “é complicado”. Neste sentido, lamentou a conxelación da financiamento anunciada polo secretario xeral de Orzamentos e Gastos do Estado, Luis Espadas, para o ano próximo.

Por iso, nesta mesma liña, reclamou unha maior implicación do Estado na financiamento da Lei para evitar a “asfixia” das comunidades. Mato recordou que Estado e autonomía non aportan o orzamento ao 50 por cento, senón que as correlacións chegan ao 80 por cento por parte dos gobernos autonómicos. Como exemplo, citou que unha praza residencial ten un custo mensual de 2.600 euros, dos que o Goberno central achega só 263.

A realidade, dixo, é que a tramitación da lei “non se fixo ben” e que os datos do anterior Goberno “non reflectían a situación actual”. A isto, súmase o feito de que o Estado “non aporta” o que debería, segundo explicou.

Pola súa banda, lembrou que a Xunta leva traballando desde o primeiro día para financiar esta Lei, a través do propio plan de austeridade e do compromiso de atender a 16.500 grandes dependentes antes de que remate o ano. Ademais, aseverou que se axilizará “ao máximo” a tramitación das solicitudes, para “acurtar os prazos”.

No que respecta aos datos da lei, Mato destacou que en Galicia hai agora mesmo máis de 79.000 solicitudes para a Lei de Dependencia, das que 16.790 xa están atendidas e recibindo prestación efectiva, cifra da que 13.500 son grandes dependentes.

Neste sentido lembrou o “grande esforzo” que se está a facer desde o Goberno galego por axilizar a atención aos dependentes, o que se amosa en que en 60 días se atendeu a 2.500 persoas.