Deputación inviste no programa Aquelando II

VIGO/PONTEVEDRA (MORRAZO-tribuna).- A Deputación de Pontevedra anunciou onte no Boletín Oficial da Provincia a contratación mediante procedemento aberto da organización e impartición dos cursos de formación de atención a persoas incluídos no Proxecto Aquelando II.

Estes cursos, repartidos en cinco lotes, serían os de Auxiliar de axuda a domicilio (2 edicións), Coidador de persoas con discapacidade física e/ou psíquica (2 edicións), Auxiliar de coidado infantil (1 edición), Auxiliar de tarefas domésticas en centros sociosanitarios e fogares (1 edición) e Axente de mediación intercultural (1 edición).

O lugar de celebración destes cursos sería, no caso do primeiro lote, en Sanxenxo e A Cañiza, no caso do lote segundo, en Valga e Silleda. O terceiro, en Tui, o cuarto, en Soutomaior e o quinto, en Poio.

Para o desenvolvemento deste programa se disporá dun orzamento base de licitación de 36.800 euros para o Lote 1, 37.800 euros para o Lote 2, 20.200 euros para o Lote 3, 18.900 euros para o Lote 4, e 16.900 euros para o Lote 5.

Os interesados poderán obter información e documentación ata o día anterior á data de remate do prazo de presentación das ofertas e das solicitudes de participación, que será o 29 de decembro.

A documentación solicitada poderá presentarse no Rexistro Xeral das sedes da Deputación de Pontevedra e Vigo, de luns a sábado, en horario de 9 a 13 horas.

Os criterios que servirán de base para a adxudicación deste procedemento aberto, por orden decrecente de importancia, serán: o menor prezo, ata un máximo de 5 puntos; a proposta metodolóxica e de contidos, ata un máximo de 2,5 puntos; os recursos destinados á impartición das actividades, ata un máximo de 1,5 puntos; e as melloras ofertadas ás características mínimas esixidas, valorándose de forma moi positiva o compromiso de contratación dos alumnos, ata un máximo de 1 punto.

Os pliegos poden obterse na páxina web: http://www.depontevedra.es.