Deputaciòn anuncia su apoyo al campeonato de Europa de Triatlón

Pontevedra-Vigo (MORRAZO-TRIBUNA).- O presidente da Deputación de Pontevedra, Rafael Louzán, dirixiuse hoxe á Presidenta da Federación Internacional de Triatlón, Marisol Casado, para facerlle chegar o apoio da Deputación de Pontevedra á candidatura da cidade do Lérez para a organización do Campionato de Europa de Triatlón que terá lugar en 2011.
O máximo titular provincial recordou que “a nosa cidade está afeita a acoller grandes eventos deportivos, coma a Regata Príncipe de Asturias, o Campionato de Europa de Piragüismo, ou, recentemente a propia Copa de Europa de Atletismo”.
Por este motivo, a Deputación manifestou o seu total apoio á candidatura de Pontevedra como sede organizadora do campionato europeo, que se presentará ante a ETU (Unión Europea de Triatlón) o vindeiro día 3 de xullo en Holanda.
“Estou convencido”, declarou Louzán, “de que a cidade conta cos recursos necesarios, tanto a nivel de infraestruturas deportivas como turísticas, para recibir este gran evento deportivo. Conta cun dos mellores circuítos de Europa e cunha afección a este deporte verdadeiramente salientable”.
Na súa carta á presidenta da Federación, o presidente provincial fixo chegar o seu apoio “fronte ás institucións que correspondan” da secretaría da Deputación de Pontevedra “para que este campionato se celebre na nosa cidade”.
Na mesma, Louzán lembraba “a interese que esta modalidade deportiva esperta entre os pontevedreses”, ó tempo que salientaba “o éxito organizativo de outros eventos deportivos, nacionais e internacionais, celebrados na nosa provincia”.