VIGO/PONTEVEDRA (MORRAZO-tribuna) .-O presidente da Xunta de Galicia, Emilio Pérez Touriño, asistiu hoxe á presentación pública do Sistema de Queixas, Reclamacións e Suxestións QUERES da Sanidade pública galega que xa é unha realidade para 383.000 persoas pertencentes ás áreas sanitarias de Monforte, de Ourense e de Valdeorras. No ano 2009 estenderase progresivamente a todas as áreas de Galicia. O novo sistema permitirá que cada persoa que presente unha queixa ante o sistema sanitario público de Galicia conte cun número de identificación que lle permita facer o seguimento do seu expediente.
Deste xeito, a Sanidade pública galega comprométese a responder a todas as queixas (feitas oralmente), reclamacións e suxestións presentadas pola cidadanía cuns prazos máximos e independentemente de quen sexa o destinatario da comunicación. Cada persoa que queira expresar a súa opinión pode facelo ante calquera oficina ou unidade de atención ao paciente, e recibirá un código co que poderá dirixirse á Administración para interesarse pola tramitación do seu expediente.
QUERES é un novo sistema de xestión único de xestión das queixas, reclamacións e suxestións dos usuarios e usuarias do Sistema Público de Saúde de Galicia, que aparece recollido como obxectivo estratéxico nas Directrices da Política Sanitaria de Galicia aprobadas polo Consello da Xunta de Galicia en 2005.
Constitúe unha materialización concreta da aposta da Sanidade pública galega pola participación e a transparencia e un importante vehículo da voz da cidadanía; e ofrece á cidadanía a vía efectiva que permite coñecer cómo as persoas unha a unha, na súa utilización dos recursos sanitarios, perciben o funcionamento do Sistema Público de Saúde.
QUERES xorde coa idea de asegurarlles que ían ser escoitadas, analizadas e contestadas, con todas as garantías legais, en un proceso para elas de total transparencia.
Este sistema permitirá a accesibilidade munticanle da cidadanía á administración sanitaria pública, garantirá ao cidadán ou cidadá unha resposta única e facilitará información da situación da comunicación mediante un código único da mesma a través da web.
Deste xeito, mediante unha aplicación informática, QUERES posibilitará unha solicitude e tramitación de queixas e propostas dixitalizada e moito máis áxil, a través de distintos postos de recepción situados nos centros dependentes do Servizo Galego de Saúde. Así, unha vez recollida a comunicación da reclamación ou suxestión, xerarase un número único de rexistro e crearase un expediente, que se incluirá nun arquivo electrónico para a súa análise e tramitación, e posterior resposta ao cidadán. Isto permitirá un maior control dos prazos do proceso.
Ademais, está previsto que a cidadanía tamén poda facer chegar as súas queixas, reclamacións e suxestións e consultar en que fase de tramitación se atopan a través das páxinas web www.galiciasaude.es ou www.sergas.es, ou vía SMS.
Así mesmo, tamén mellorará a accesibilidade da Administración Sanitaria ás reclamacións queixas e suxestións da cidadanía, coa futura presentación das mesmas na web, o que posibilitará a identificación do reclamante con posibilidade de identidade dixital, a integración no sistema de información corporativo e nos circuítos de información, e o acceso á consulta do estado da reclamación.
O Sistema QUERES pilotouse inicialmente no Hospital Comarcal de Monforte e nos centros de saúde da provincia de Ourense, e está funcionando en todos os centros hospitalarios da provincia. Actualmente, é, polo tanto, unha realidade para 383.000 habitantes. Durante o vindeiro ano 2009, irase incorporando a todos os centros sanitarios de Galicia.
No acto de hoxe, constituíronse as comisións de participación cidadá das áreas sanitarias da Coruña, Cervo-Burela, Lugo, Monforte de Lemos, O Barco de Valdeorras, Salnés, Ourense, Pontevedra, Santiago de Compostela e Vigo. Súmanse así á de Ferrol constituída en 2006. Cada unha delas está constituída por representantes das entidades locais, das organizacións empresarias e sindicais, así como polas asociacións de veciños e o Servizo Galego de Saúde.
Os seus integrantes titulares e suplentes foron nomeados polo Diario Oficial de Galicia do pasado 10 de setembro. Deben manter alomenos unha xuntanza ao ano, e deben de coñecer e opinar sobre os proxectos de orzamentos e as grandes decisións que afectan ao funcionamento de cadansúa área sanitaria, tanto no referente á Atención Primaria como á Especializada.
Deste xeito, a Sanidade pública galega comprométese a responder a todas as queixas (feitas oralmente), reclamacións e suxestións presentadas pola cidadanía cuns prazos máximos e independentemente de quen sexa o destinatario da comunicación. Cada persoa que queira expresar a súa opinión pode facelo ante calquera oficina ou unidade de atención ao paciente, e recibirá un código co que poderá dirixirse á Administración para interesarse pola tramitación do seu expediente.
QUERES é un novo sistema de xestión único de xestión das queixas, reclamacións e suxestións dos usuarios e usuarias do Sistema Público de Saúde de Galicia, que aparece recollido como obxectivo estratéxico nas Directrices da Política Sanitaria de Galicia aprobadas polo Consello da Xunta de Galicia en 2005.
Constitúe unha materialización concreta da aposta da Sanidade pública galega pola participación e a transparencia e un importante vehículo da voz da cidadanía; e ofrece á cidadanía a vía efectiva que permite coñecer cómo as persoas unha a unha, na súa utilización dos recursos sanitarios, perciben o funcionamento do Sistema Público de Saúde.
QUERES xorde coa idea de asegurarlles que ían ser escoitadas, analizadas e contestadas, con todas as garantías legais, en un proceso para elas de total transparencia.
Este sistema permitirá a accesibilidade munticanle da cidadanía á administración sanitaria pública, garantirá ao cidadán ou cidadá unha resposta única e facilitará información da situación da comunicación mediante un código único da mesma a través da web.
Deste xeito, mediante unha aplicación informática, QUERES posibilitará unha solicitude e tramitación de queixas e propostas dixitalizada e moito máis áxil, a través de distintos postos de recepción situados nos centros dependentes do Servizo Galego de Saúde. Así, unha vez recollida a comunicación da reclamación ou suxestión, xerarase un número único de rexistro e crearase un expediente, que se incluirá nun arquivo electrónico para a súa análise e tramitación, e posterior resposta ao cidadán. Isto permitirá un maior control dos prazos do proceso.
Ademais, está previsto que a cidadanía tamén poda facer chegar as súas queixas, reclamacións e suxestións e consultar en que fase de tramitación se atopan a través das páxinas web www.galiciasaude.es ou www.sergas.es, ou vía SMS.
Así mesmo, tamén mellorará a accesibilidade da Administración Sanitaria ás reclamacións queixas e suxestións da cidadanía, coa futura presentación das mesmas na web, o que posibilitará a identificación do reclamante con posibilidade de identidade dixital, a integración no sistema de información corporativo e nos circuítos de información, e o acceso á consulta do estado da reclamación.
O Sistema QUERES pilotouse inicialmente no Hospital Comarcal de Monforte e nos centros de saúde da provincia de Ourense, e está funcionando en todos os centros hospitalarios da provincia. Actualmente, é, polo tanto, unha realidade para 383.000 habitantes. Durante o vindeiro ano 2009, irase incorporando a todos os centros sanitarios de Galicia.
No acto de hoxe, constituíronse as comisións de participación cidadá das áreas sanitarias da Coruña, Cervo-Burela, Lugo, Monforte de Lemos, O Barco de Valdeorras, Salnés, Ourense, Pontevedra, Santiago de Compostela e Vigo. Súmanse así á de Ferrol constituída en 2006. Cada unha delas está constituída por representantes das entidades locais, das organizacións empresarias e sindicais, así como polas asociacións de veciños e o Servizo Galego de Saúde.
Os seus integrantes titulares e suplentes foron nomeados polo Diario Oficial de Galicia do pasado 10 de setembro. Deben manter alomenos unha xuntanza ao ano, e deben de coñecer e opinar sobre os proxectos de orzamentos e as grandes decisións que afectan ao funcionamento de cadansúa área sanitaria, tanto no referente á Atención Primaria como á Especializada.
