29 octubre 2008

Figueroa sigue ampliando horizontes para el Turismo pontevedrés y establece ahora acuerdos con el Algarve


VIGO/PONTEVEDRA (MORRAZO-tribuna) .- A Deputación Provincial de Pontevedra establecerá un convenio de colaboración coa Cámara Municipal de Albufeira (no Algarve) para realizar intercambios turísticos e culturais. Participarán nestes intercambios profesionais do organismo Turismo Rías Baixas e de Albufeira co obxecto de coñecer as prácticas ou as experiencias que se desenvolven en ambas localidades.
Así o anunciaron hoxe o vicepresidente da Deputación, José Manuel Figueroa, e o presidente da cámara municipal de Albufeira, Desiderio Jorge da Silva, despois de manter unha xuntanza hoxe o Pazo Provincial.
Segundo manifestou Figueroa, Albufeira é un dos concellos máis importantes de Portugal a nivel turístico. De feito ten en torno a 60.000 habitantes pero pode chegar a albergar a 350.000 persoas en temporada alta. “Teñen unha experiencia máis que contrastada”, afirmou Figueroa da que “temos que aprender” e que nos pode servir para aplicar na provincia algunha idea”.
Pola súa banda, o rexedor de Albufeira considerou “moi importante esta apertura da Deputación” na súa idea de reforzar a valorización turística de Albufeira en Galicia. Ata o momento víñano facendo en Vigo e agora pretenden estender a súa presenza en Pontevedra e Santiago. Tamén manteñen este tipo de relacións con outros municipios como Sevilla e Barcelona.
Albufeira é o municipio portugués máis importante no eido turístico. Dispón de 130 quilómetros de praia e 16 bandeiras azuis, comentou Desiderio Jorge. O presidente da cámara de Albufeira explicou para chegar a ser un referente “temos procurado investir na recuperación do patrimonio e na promoción de aspectos culturais como complemento ó turismo de sol e praia”. Tamén “fixemos un importante esforzo económico en saneamento”.
Desiderio Jorge destacou finalmente que o intercambio turístico entre a Deputación e Albufeira será importante para “trucar experiencias de que é o que nós sabemos facer mellor e do que se fai ben nesta rexión”