COMPOSTELA (MORRAZO-tribuna).- De nuevo el PP hablando de transparencia. "O único xeito de evitar que se incrementen as dúbidas sobre o voto emigrante pasa por habilitar un mecanismo que garantice a transparencia deses sufraxios. A pesar da proximidade da cita electoral queda aínda un último recurso para reconducir a situación: que o Consello de Ministros, mañá mesmo se pode ser, modifique un artigo do Real Decreto que regula as eleccións e estableza a obrigatoriedade de que todos os votos procedentes do exterior veñan acompañados de copia do DNI ou pasaporte do elector". Alfonso Rueda, secretario xeral do PPdeG, apunta ao presidente da Xunta como principal responsable das crecentes dúbidas que rodean o voto exterior por unha dobre razón:
• Touriño é o responsable de ter alimentado a maquinaria electoral do PSOE no exterior, servíndose de todo tipo de medios pagados con fondos públicos (desde as delegacións oficiais da Xunta en Buenos Aires a Montevideo, ata embaixadores e agregados políticos e mesmo unha trama de axentes electorais financiada con fondos públicos)
• Touriño foi o primeiro interesado en impedir a reforma da lei electoral para establecer o voto en urna na emigración, depurar o censo de residentes ausentes e incrementar os controis sobre o voto por correo procedente do exterior.
OS MORTOS PODEN VOTAR EN GALICIA
Neste escenario, o PPdeG apunta que Touriño pasará á historia como o responsable directo de que o 15% do censo electoral galego poda votar sen as debidas garantías de transparencia, mentres queda acreditado que Galicia é a única democracia do mundo onde os mortos poden votar.
Alfonso Rueda agrega que Touriño aínda está a tempo de evitar que iso suceda. Para facelo, inicialmente, abonda con que o Consello de Ministros establezca a obrigatoriedade de que todos votos emitidos polos residentes ausentes veñan acompañados –no sobre dirixido ao presidente de cada xunta electoral provincial- dunha copia do DNI ou do pasaporte do elector.
