VIGO/PONTEVEDRA (MORRAZO-tribuna).-A Dirección Xeral de Protección Civil quere recordarlle á poboación a importancia de seguir as medidas de autoproteción ante os fenómenos meteorolóxicos adversos, xa que segundo o parte emitido por Meteogalicia hoxe ás 12:00 está previsto un episodio de meteoroloxía adversa de nivel laranxa por vento (risco importante) no litoral das provincias de A Coruña e Pontevedra e zonas altas de toda a comunidade, con ventos do sur e refachos que poden superar os 100 km/h.
Por este motivo, a dirección xeral de Protección Civil comunícalles que deben adoptar as medidas preventivas necesarias ante as citadas previsións meteorolóxicas, como retirar os obxectos que poidan caer á rúa dende os tellados, balcóns e fiestras e evitar pasar preto de edificios en ruínas ou en construcción, árbores, paneis publicitarios e outras situacións de risco.
Así mesmo, aconséllase evitar calquera tipo de desprazamento e, no caso de ter que facelo, informarse do estado das vías. Tamén se recomenda non achegarse a diques ou rompentes nos que o mar poida arrastrar persoas ou vehículos e consultar a páxina web do Centro de Atención ás Emerxencias 112 Galicia (www.112galicia.org), que conta con información meteorolóxica e con enlaces de interese.
Por este motivo, a dirección xeral de Protección Civil comunícalles que deben adoptar as medidas preventivas necesarias ante as citadas previsións meteorolóxicas, como retirar os obxectos que poidan caer á rúa dende os tellados, balcóns e fiestras e evitar pasar preto de edificios en ruínas ou en construcción, árbores, paneis publicitarios e outras situacións de risco.
Así mesmo, aconséllase evitar calquera tipo de desprazamento e, no caso de ter que facelo, informarse do estado das vías. Tamén se recomenda non achegarse a diques ou rompentes nos que o mar poida arrastrar persoas ou vehículos e consultar a páxina web do Centro de Atención ás Emerxencias 112 Galicia (www.112galicia.org), que conta con información meteorolóxica e con enlaces de interese.
