VIGO/PONTEVEDRA (MORRAZO-tribuna).- A Deputación de Pontevedra financiou con 1.106.699 euros 222 actuacións no marco do Plan de Acción Comunitaria do 2008. Non obstante esta liña de axudas financiada íntegramente con fondos da institución provincial contou o pasado ano cun fondo de 1.200.000 euros de xeito que queda por concederse un fondo de 93.301 euros.
Estas axudas poden ser solicitadas por todas aquelas agrupacións veciñais que carezan de fins de lucro, que desenvolvan as súas actuacións no ámbito territorial do municipio ó que pertencen e estar ó corrente das súas obrigas tributarias e coa Seguridade Social. As obras subvencionadas deberán ser de interese comunitario.
No reparto de fondos o Goberno provincial atendeu a criterios como a inexistencia ou deficiencia de cobertura pública para dar satisfacción á actuación demandada, a necesidade da devandita obra, o número de veciños beneficiados pola súa realización, os servizos que abranguen e que as actuacións teñan un marcado interese comunitario.
As obras subvencionadas deberán executarse antes do 31 de outubro de 2009, aínda que o prazo poderá prorrogarse se se producen atrasos derivados de condicións meteorolóxicas adversas ou por outras situacións xustificables.
As principais actuacións subvencionadas foron pavimentacións, acondicionamento de casas de cultura, canalizacións de augas, equipamentos, mellora de alumeados ou adecuación de locais sociais en parroquias.
