VIGO/PONTEVEDRA (MORRAZO-tribuna) .- Estes son alguns dos accidentes mais importantes, habidos nas Rias Baixas nas ultimas horas.
-Ás 8:30 a Central de Coordinación de Chamadas do 061-Galicia recibiu un aviso dun accidente de tráfico-laboral no concello de SALVATERRA DE MIÑO, na estrada de As Neves. Para atender a vítima, Urxencias Sanitarias de Galicia mobilizou unha ambulancia asistencial e o médico de atención primaria, que a pesar dos esforzos dos sanitarios so se puido constatar que a persoa falecera.
-Ás 10:52 a Central de Coordinación de Chamadas do 061-Galicia recibiu un aviso dun accidente laboral no concello de MARÍN, no porto. Para atender a vítima que se precipitara dunha altura, Urxencias Sanitarias de Galicia mobilizou unha ambulancia medicalizada, que logo dunha primeira valoración e asistencia trasladou a un varón de 31 anos, J.L.L, en estado grave a un centro privado de Vigo.
-Ás 11:56 a Central de Coordinación de Chamadas do 061-Galicia recibiu un aviso dun atropelo no concello de VIGO, na rúa Brasil. Para atender a vítima, Urxencias Sanitarias de Galicia mobilizou unha ambulancia medicalizada, que logo dunha primeira valoración e asistencia trasladou a unha muller de 78 anos, A.M.V., con diversos traumatismos ao Complexo Hospitalario Universitario de Vigo.
