CANGAS : Clausura de curso de la Escola de Gaitas e Percusión da Deputación

CANGAS (MORRAZO-TRIBUNA).- O Auditorio de Cangas acolle hoxe, ás 12.00 horas, o acto de entrega de diplomas ós alumnos da Escola de Gaitas e Percusión da Deputación da zona do Morrazo. O vicepresidente, Jose Juan Durán será o encargado de entregarlles os diplomas acreditativos ós 94 alumnos participantes neste escola. En toda a provincia, son 650 o número de alumnos que reciben formación da Escola de Gaitas e Percusión da Deputación.

Dos 94 alumnos, 39 están no grupo de Gaita que imparte Marcos Campos; 24 en clase de redobrante a cargo de Cristobal Pascual; 31 nas clases de pandeireta de Paula González..

Nestas escolas impártense tanto contido prácticos coma teóricos, é dicir, solfeo e instrumento. Ademais, as clases se complementan con moitas audicións, vídeos didácticos e con outras actividades como demostracións a cargo de construtores de instrumentos antigos, etc.

Dentro das modalidades, os grupos están divididos en franxas de idade- menores de 12, entre 12 e 16 e adultos. Tanto as matrículas como as clases son gratuítas e incluso póñense a disposición dos alumnos os instrumentos iniciais. Cada alumno ten 2 horas de clases semanais, distribuídas en dous días.

Os responsables da Deputación recordaron que “o que se clausura hoxe é o cuarto ano que se imparte este proxecto pedagóxico e o nivel dos alumnos permite que moitos deles poidan realizar xa actuacións como ocorreu recentemente no acto de presentación do Plan Cultural en Príncipe Felipe”.