O castelo de Soutomaior, cada vez mais visitado

Pontevedra-Vigo (MORRAZO-TRIBUNA).- O Castelo de Soutomaior pechou o primeiro semestre do ano 2009 con 25.973 visitantes e diversos eventos realizados nas dependencias do complexo histórico propiedade da Deputación de Pontevedra.

O maior número de visitantes, 10.720, pertence ó grupo de , é decir, as persoas que participaron nos distintos actos celebrados no Castelo, como exposicións, charlas, conferencias, congresos ou foros temáticos. A continuación, figuran os 4.679 escolares que formaron parte das visitas ó complexo (o Castelo, a finca, o xardín etc.) que efectuaron 81 colexios públicos de Galicia. O número de persoas que visitaron Soutomaior dentro do programa da Deputación foi de 3.200. Ás vodas celebradas no restaurante do complexo asistiron 2.500 persoas. E, finalmente, por taquilla, pasaron 7.784 visitantes individuais, na súa maioría turistas.

En canto a eventos realizados no complexo histórico, destacan, entre outros, o IX Certame da Camelia orgaizado polo Concello de Soutomaior; a XV edición dos Premios Lois Peña Novo; o Seminario que se está a celebrar; o XIV curso de verán da Universidade de Vigo; ou o que a Facultade de Económicas celebrará do 7 ó 10 do vindeiro mes de xullo.

O goberno da Deputación de Pontevedra, que preside Rafael Louzán, propuxose incrementar as actividades no Castelo de Soutomaior e potenciar o seu uso como destiño turístico e de celebración de foros, congresos e actividades culturais e sociais.

A finca na que está emplazado tén unha extensión de 25 hectáreas. O Castelo, de orixe medieval, está vencellado ós principais acontecementos históricos de Galicia dende o mítico Pedro Madruga e foi propiedade de distintas familias, entre as que destacan os Soutomaior ou os marqueses de Vega de Armijo. Na actualidade pertence á Deputación de Pontevedra. Os seus xardins botánicos ofrecen unha singularísima colección de máis de 250 variedades de camelia e as especies botánicas ubicadas na finca forman parte dos arbres monumentais do patrimonio de Galicia.