En plena campaña electoral, la consellería de Pesca apura al máximo sus actos con el sector

PESCA REUNIUSE CON REPRESENTANTES DO SECTOR DE ARTES MENORES NO MARCO DOS CONTACTOS QUE VÉN MANTENDO COS PROFESIONAIS DO MAR
▪ A Consellería de Pesca formulou a necesidade de continuar mantendo xuntanzas de traballo co sector co obxectivo de avaliar polo miúdo as súas preocupacións e inquedanzas
▪ A Administración pesqueira galega acordou coas federacións de confrarías valorar a posibilidade de establecer un plan de xestión conxunto para todas as embarcacións adscritas ao censo de artes menores

VIGO/PONTEVEDRA (MORRAZO-tribuna) .- director xeral de Estruturas e Mercados da Pesca, José Manuel López Rodríguez, e o director xeral de Recursos Mariños, Antonio García Elorriaga, mantiveron onte e hoxe senllas reunións de traballo con representantes das federacións galega e provinciais de confrarías de pescadores, así como con responsables doutras organizacións do sector, entre as que se atopan, Asoar-Armega, Cíes Artesanais, Mar do Morrazo, Arcopeba, Areal e Agamar.

O obxectivo destas xuntanzas, enmarcadas na política de compromiso e diálogo que leva a cabo a Consellería de Pesca, é avaliar a situación actual da explotación das pesquerías, que afectan ás embarcacións adscritas ao censo de artes menores, o estado dos recursos e a evolución dos prezos nos mercados. Con isto, búscase coñecer de preto o momento polo que atravesa o sector, de cara a avaliar a necesidade de artellar ou poñer en marcha medidas que poidan axudar a melloralo.

Na reunión que mantiveron esta mañá o director xeral de Estruturas e o de Recursos Mariños con representantes das organizacións de artes menores antes citadas, acordouse seguir mantendo encontros de traballo cos profesionais do mar para continuar analizando polo miúdo as problemáticas e preocupacións actuais do sector pesqueiro galego.

No transcurso desta xuntanza, na que a Consellería de Pesca presentou un informe pormenorizado sobre o estado da frota de artes menores, das súas capturas e das vendas en lonxa de determinados recursos, o sector explicou varias das cuestións que ao seu entender están a afectar aos traballadores do mar a día de hoxe.

Así mesmo, abordouse o asunto do desenvolvemento normativo da nova Lei de Pesca de Galicia, para o que a Administración está traballando arreo e se conta ademais coa colaboración e cooperación das entidades representativas do sector. Tamén se falou sobre outros asuntos que teñen que ver co Goberno central, como o relacionado cos coeficientes redutores e as enfermidades profesionais, así como co proceso de regularización de buques pesqueiros.

Reunión de onte coas federacións galega e provinciais de confrarías
No encontro que mantiveron os representantes de Pesca coas federacións galega e provinciais de confrarías de pescadores na xornada de onte, acordouse valorarar a posibilidade de establecer un plan de xestión conxunto para todas as embarcacións que están adscritas ao censo de artes menores.

Nesta reunión, entre outras cousas, afondaron sobre o Plan de Recuperación do Polbo, posto en marcha pola Consellería no ano 2006 co consenso do propio sector e que está a dar moi bos resultados, e que ten programada unha veda para esta especie os próximos meses de maio e xuño. Neste plan participa unha parte importante da frota galega de artes menores.