VIGO/PONTEVEDRA (MORRAZO-tribuna).- A partires deste luns, día 24, entrarán en funcionamento en toda Galicia 73 novas rutas de transporte escolar compartido TES+BUS, que se distribúen entre un total de 21 concellos dos cales 18 se incorporan a esta iniciativa por primeira vez mentres que nos outros tres trátase dunha ampliación das rutas que xa operaban na actualidade. Estas novas liñas súmanse ás que xa viñan funcionando dende o comezo do curso escolar, polo que a partires de agora estarán operativas un total de 276 rutas de bus escolar para o uso por parte de adultos en 71 concellos de toda Galicia.
Do total de concellos que agora se incorporan, seis pertencen á provincia da Coruña (A Baña, Cesuras, Frades, A Laracha, Tordoia e Zas), oito á provincia de Ourense (A Peroxa, Avión, Carballeda de Avia, Laza, Melón, Oímbra, Pobra de Trives, Sandiás) e catro á provincia de Pontevedra (Cotobade, Gondomar, O Covelo e Salceda de Caselas). Ademais, no caso dos concellos de As Pontes de García Rodríguez (A Coruña), Xinzo de Limia (Ourense) e A Estrada (Pontevedra) amplíanse as rutas que xa existentes.
O programa de transporte escolar compartido permite que os cidadáns dos concellos onde se implanta poderán utilizar as liñas de transporte escolar para os seus desprazamentos por un importe de 1 € cada viaxe. Non obstante, ao igual que nas anteriores campañas, a súa utilización por parte dos adultos estará supeditada a que existan prazas libres xa que sempre prevalecerán as necesidades da comunidade escolar sobre as do resto de usuarios. O seu funcionamento coincidirá cos días e co horario do servizo de transporte escolar, viaxando unha persoa adulta que será a que regule a orde no autobús. Nas distintas rutas, os usuarios poderán subir e baixar en calquera das paradas da ruta escolar, sen que, en ningún caso, se poidan realizar paradas distintas.
O obxectivo do TES+BUS enmárcase na promoción do transporte público colectivo nas zonas de baixa oferta de servizos para facilitar os desprazamentos da poboación. Deste xeito, aproveitando o percorrido dos autobuses escolares, os habitantes destes municipios poderán empregar o bus escolar para acceder ás cabeceiras dos concellos onde normalmente se atopan, ademais dos centros escolares, outros servizos administrativos, sanitarios, bancarios, comerciais, etc.
Do total de concellos que agora se incorporan, seis pertencen á provincia da Coruña (A Baña, Cesuras, Frades, A Laracha, Tordoia e Zas), oito á provincia de Ourense (A Peroxa, Avión, Carballeda de Avia, Laza, Melón, Oímbra, Pobra de Trives, Sandiás) e catro á provincia de Pontevedra (Cotobade, Gondomar, O Covelo e Salceda de Caselas). Ademais, no caso dos concellos de As Pontes de García Rodríguez (A Coruña), Xinzo de Limia (Ourense) e A Estrada (Pontevedra) amplíanse as rutas que xa existentes.
O programa de transporte escolar compartido permite que os cidadáns dos concellos onde se implanta poderán utilizar as liñas de transporte escolar para os seus desprazamentos por un importe de 1 € cada viaxe. Non obstante, ao igual que nas anteriores campañas, a súa utilización por parte dos adultos estará supeditada a que existan prazas libres xa que sempre prevalecerán as necesidades da comunidade escolar sobre as do resto de usuarios. O seu funcionamento coincidirá cos días e co horario do servizo de transporte escolar, viaxando unha persoa adulta que será a que regule a orde no autobús. Nas distintas rutas, os usuarios poderán subir e baixar en calquera das paradas da ruta escolar, sen que, en ningún caso, se poidan realizar paradas distintas.
O obxectivo do TES+BUS enmárcase na promoción do transporte público colectivo nas zonas de baixa oferta de servizos para facilitar os desprazamentos da poboación. Deste xeito, aproveitando o percorrido dos autobuses escolares, os habitantes destes municipios poderán empregar o bus escolar para acceder ás cabeceiras dos concellos onde normalmente se atopan, ademais dos centros escolares, outros servizos administrativos, sanitarios, bancarios, comerciais, etc.
