_____________________________________
Foto del día
Estímulos de Deputación al fútbol menor...
-
Pontevedra-Vigo (MORRAZO-TRIBUNA).- O presidente da Deputación de Pontevedra, Rafael Louzán, entregou hoxe as axudas estipuladas ós equipos que participaron na III Copa Deputación de Fútbol que foi gañada polo Coruxo C.F..
Na Copa participaron 36 equipos que recibiron as seguintes cantidades: 500 euros (4 equipos), 600 euros (13 equipos), 900 euros (1 equipo), 1.200 euros (1 equipo), 1.600 euros (7 equipos), 1.900 euros (1 equipo), 2.800 euros (5 equipos), 4.600 euros (2 equipos), 9.100 euros (1 equipo) e 11.800 euros (1 equipo).
En total, os 36 equipos recibiron 69.100 euros ó que hai que engadir 6.000 euros para o gañador (Coruxo C.F.) e 4.000 o finalista (Ribadumia C.F.).
Louzán suliñou que a finalidade das axudas e da propia organización da Copa foi apoiar a labor dos clubes provinciais, colaborar con eles, asegurar a súa financiación básica,fomentar o deporte de base e cohesionar a provincia. Na súa intervención, agradeceu a laboura «desinteresada e sacrificada» dos directivos dos clubes.
O presidente da Deputación lembrou a laboura da institución provincial no apoio ó deporte-base, sobre todo a través do seu Plan de Deportes, que ten un presuposto de 14 millóns de euros, e da construcción de infraestructuras deportivas, entre as que destacou os 70 campos de fútbol de herba sintética en toda a provincia.
Os clubes que recibiron hoxe as axudas da Deputación foron os de O Grove, Caldas, Progresista C.F., Portonovo, Pontellas, Choco, Caselas, Cultural Areas, Marín, Xuventude Sanxenxo, Juventud Cambados, Arcade, Alerta Traviesas, Eiriña, Cristo da Victoria, Estradense, Gondomar, Alondras, Céltiga, Vilalonga, Tomiño, Cruceiro de Hío, Mos, Deiro, Pontevedra F.C., Gran Peña, Moaña, Rápido Bahía, Moraña, Rápido de Bouzas, Porriño Industrial, Ribadumia e Coruxo, estos dous últimos subcampión e campión, respectivamente, da III Copa Deputación de Fútbol.
