As asociacións beneficiadas destas subvencións son a Asociación de Alcohólicos Rehabilitados de Pontevedra, a Asociación de Afectados de Fibromialxia “CAF”, Asociación de Discapacitados Psíquicos “Virgen de la O”, Asociación Discapacitados Amizade, Escola Tempo Libre Paspallás, Asociación Española contra o Cáncer, Familiares de Enfermos de Alzheimer “AFAPO”, Asociación de Familiares e Amigos de Enfermos Psíquicos “ALBA”, Asociación Galega da Enfermidade de Huntington, Asociación Galega de emigrantes retornados (AGER), Asociación de Jóvenes Empresarios, Asociación Juan XXIII, Paralíticos Cerebrales AMENCER, Rexurdir Provincial, San Vicente de Paul de Pontevedra, Asociación de Xordos de Pontevedra “Río Lérez”, Down Pontevedra “Xuntos” e a Fundación Secretariado Gitano.
Axudas provinciais
En total, a Deputación de Pontevedra concedeu subvencións a 95 entidades de iniciativa social para o desenvolvemento de diferentes proxectos de servizos sociais especializados. A contía total que achegará a estas iniciativas ascende a 315.510 euros.
A convocatoria presentáronse 113 solicitudes das cales se desestimaron 17 por non axustarse ás bases e unha anulouse pola renuncia da propias asociación que solicitante. As 95 entidades que resultaron beneficiarias contarán cunha axuda económica para a realización de actividades que se encadren no apartado de formación para a integración laboral e sociofamiliar dos alumnos, de formación de familias, coidadores e outros axentes sociais e de prevención, sensibilización e divulgación.
A participación no concurso para a obtención destas axudas por parte dos concellos da provincia foi elevada; un 40,32% as solicitaron, entre eles Caldas de Reis, Cangas, Cuntis, A Estrada, Gondomar, O Grove, A Guarda, Lalín, Moaña, Mos, Nigrán, Oia, Pazos de Borbén, Poio, Pontevedra, Porriño, Redondela, Salceda de Caselas, Sanxenxo, Tomiño, Tui, Valga, Vigo, Vilagarcía de Arousa e Vilanova de Arousa.
