Paqui Canal quiere crecer políticamente...

FRANCISCA CANAL ANUNCIA AOS AFILIADOS DO PP REDONDELAN A OPORTUNIDADE DE PRESENTARSE COMO COMPROMISARIO
Os populares celebrarán en maio o Congreso Rexional, onde o municipio de Redondela estará presente a través de dez compromisarios

REDONDELA (MORRAZO-tribuna) .- O vindeiro 9 e 10 de maio celebrarase na Coruña o XIV Congreso Rexional do Partido Popular de Galicia. De acordo coa distribución realizada polo Comité Executivo Provincial do número total de compromisarios que lle foran asignados a Pontevedra, 10 correspóndenlle ó municipio de Redondela. Neste senso, Francisca Canal, presidenta do Grupo Popular redondelán, anuncia que aqueles afiliados interesados en ser un deles deberán presentarse este sábado e luns, día 11 e 13 de abril, de 10.00 a 13.00 horas na Sede Local do Partido Popular.

Do mesmo xeito, recórdase que para ser candidato a compromisario será preciso, de acordo co sinalado no Regulamento do Congreso, ter condición plena de afiliado no día en se convocou o mesmo –12 de marzo- e estar ó corrente no pago das cotas no momento en que se celebre a elección, que se realizará mediante asembleas locais, de xeito simultáneo en toda a provincia, o día 16 de abril.