COMPOSTELA (MORRAZO-tribuna) .- A conselleira de Traballo e Benestar, Beatriz Mato, transmitiulle hoxe ao presidente en funcións da Confederación de Empresarios de Galicia, Antonio Fontenla, a súa intención de manter un diálogo constante e fluído coa patronal, ao igual que o fixo onte cos representantes sindicais.
Mato incidiu na mensaxe trasladada onte aos secretarios sindicais de que nos atopamos nun momento no que son necesarios “grandes acordos” que permitan paliar a situación económica actual e por en marcha “o antes posible” distintas medidas encamiñadas á creación de emprego.
Así mesmo, a titular de Traballo amosoulle ao presidente dos empresarios galegos a súa preocupación polo número de Expedientes de Regulación de Emprego, ante os que a Consellería se mostrará “moi rigurosa” co cumprimento dos requisitos para que sexan admitidos a trámite ao tempo que tentará axilizar os trámites nos casos nos que o ERE “sexa a única vía posible.”
Tras unha breve reunión en privado, Mato presentoulle a Fontenla ao seu equipo directivo co que “terá que traballar moito” nos próximos meses.
A conselleira rematou así os primeiros contactos cos representantes de patronal e sindicatos, tras reunirse onte de xeito bilateral cos secretarios xerais das tres forzas sindicais maioritarias, Xosé Manuel Sánchez, CCOO; Suso Seixo, CIG e José Antonio Gómez, UGT.
Para a próxima semana ten fixada a reunión co presidente da Federación de Profesionais Autónomos (CAP), José Conde, e co presidente da Federación de Autónomos de Galicia, Paulino Franco.
Mato incidiu na mensaxe trasladada onte aos secretarios sindicais de que nos atopamos nun momento no que son necesarios “grandes acordos” que permitan paliar a situación económica actual e por en marcha “o antes posible” distintas medidas encamiñadas á creación de emprego.
Así mesmo, a titular de Traballo amosoulle ao presidente dos empresarios galegos a súa preocupación polo número de Expedientes de Regulación de Emprego, ante os que a Consellería se mostrará “moi rigurosa” co cumprimento dos requisitos para que sexan admitidos a trámite ao tempo que tentará axilizar os trámites nos casos nos que o ERE “sexa a única vía posible.”
Tras unha breve reunión en privado, Mato presentoulle a Fontenla ao seu equipo directivo co que “terá que traballar moito” nos próximos meses.
A conselleira rematou así os primeiros contactos cos representantes de patronal e sindicatos, tras reunirse onte de xeito bilateral cos secretarios xerais das tres forzas sindicais maioritarias, Xosé Manuel Sánchez, CCOO; Suso Seixo, CIG e José Antonio Gómez, UGT.
Para a próxima semana ten fixada a reunión co presidente da Federación de Profesionais Autónomos (CAP), José Conde, e co presidente da Federación de Autónomos de Galicia, Paulino Franco.
