PONTEVEDRA (MORRAZO-tribuna).- O ciclo de poñencias do Memorial Filgueira Valverde pecharase mañá, ás 20 horas no salón de actos do edificio Fernández López, coa disertación de Carlos Valle acerca da Arte e a Arquitectura en tempos de Alfonso VI. O xoves, día 6 de novembro, clausurarase definitivamente o Memorial cun concerto de música medieval na igrexa conventual de Santa Clara, que terá lugar a partir das 20 horas.
Neste memorial que ten como protagonista ó rei de León e Castela Alfonso VI e analiza a súa relación con Galicia, estanse a abordar, como anticipo dos actos do noveno centenario do pasamento do rei, algunhas das cuestións esenciais dun reinado tan decisivo para a europeización das terras occidentais da Península Ibérica.
Alfonso VI, rei de León e Castela (1065-1109), foi un dos grandes monarcas europeos do seu tempo. Durante o seu mandato, rico en novidades, consolídase como fenómeno internacional de masas a peregrinación a Santiago, renóvase en clave beneditina o monacato tradicional, implántase a liturxia romana e a reforma gregoriana, conquístase Toledo (1085) ou se acomodan de xeito xa definitivo as formulacións estruturais e decorativas do románico pleno, un estilo que ten na catedral de Santiago, iniciada en 1075, un dos seus monumentos máis emblemáticos.
Calendario:
5 de novembro de 2008
Conferencia: “Arte e arquitectura en Galicia en tempos de Alfonso VI”
Dr. Xosé Carlos Valle Pérez (Museo de Pontevedra)
Salón de actos do edificio Fernández López
6 de novembro de 2008
Concerto: “A música na Galicia de Alfonso VI”
Resonet - Música antiga
Igrexa do convento de Santa Clara
Neste memorial que ten como protagonista ó rei de León e Castela Alfonso VI e analiza a súa relación con Galicia, estanse a abordar, como anticipo dos actos do noveno centenario do pasamento do rei, algunhas das cuestións esenciais dun reinado tan decisivo para a europeización das terras occidentais da Península Ibérica.
Alfonso VI, rei de León e Castela (1065-1109), foi un dos grandes monarcas europeos do seu tempo. Durante o seu mandato, rico en novidades, consolídase como fenómeno internacional de masas a peregrinación a Santiago, renóvase en clave beneditina o monacato tradicional, implántase a liturxia romana e a reforma gregoriana, conquístase Toledo (1085) ou se acomodan de xeito xa definitivo as formulacións estruturais e decorativas do románico pleno, un estilo que ten na catedral de Santiago, iniciada en 1075, un dos seus monumentos máis emblemáticos.
Calendario:
5 de novembro de 2008
Conferencia: “Arte e arquitectura en Galicia en tempos de Alfonso VI”
Dr. Xosé Carlos Valle Pérez (Museo de Pontevedra)
Salón de actos do edificio Fernández López
6 de novembro de 2008
Concerto: “A música na Galicia de Alfonso VI”
Resonet - Música antiga
Igrexa do convento de Santa Clara
