La Xunta justifica su campaña de publicidad en la Televisión

Pontevedra-Vigo (MORRAZO-TRIBUNA).-O 90 por cento dos cidadáns españois maiores de dezaseis anos viron os spots publicitarios da campaña para a promoción do Turismo de Galicia, emitidos nas principais cadeas de televisión española co obxecto de persuadir aos cidadáns galegos e do resto de España para que elixan a Comunidade galega como destino das súas vacacións estivais, e que se desenvolveu entre os pasados días 22 de xuño e 12 de xullo .

A partir de agora, a Secretaría Xeral para o Turismo disponse a medir o retorno real da campaña promocional de dous xeitos diferentes. A Secretaría Xeral para o Turismo consultará ao sector para obter datos relativos a se repuntaron as reservas. Doutra parte, na enquisa de destino de Turgalicia introduciranse dúas novas preguntas co mesmo obxectivo. Preguntaráselles aos turistas sobre o momento puntual no que decidiron vir a Galicia e tamén cal foi o motivo fundamental que os levou a elixir este destino. Deste modo preténdese saber se a campaña promocional tivo o retorno económico e o impacto turístico desexado.

Como dato importante desta campaña, cabe salientar que o 54 por cento do público-obxectivo á que iba dirixida –españois maiores de 16 anos- viron mais de 8 veces os spots de Turgalicia.

Neste sentido, un 70 por cento do público viu os spots da campaña catro veces ou máis, e un 60 por cento viunos seis veces, o que supuxo unha importante presenza da campaña do Turismo de Galicia entre os consumidores de viaxes no ámbito español.

Desde o punto de vista cuantitativo, a campaña de publicidade para a promoción do Turismo de Galicia cumpríu todos os obxectivos para os que foi deseñada, xa que se acadou totalmente a presenza prevista en televisión.

Cualitativamente, cabe salientar que máis do 45 por cento dos spots desta campaña foron emitidos en horario de máxima audiencia. Ademais, no ámbito estatal, arredor do 21 por cento dos pases do spot do Turismo de Galicia foron posicionados, o que signifca que estiveron colocados de xeito preferente nos bloques publicitarios nos que se emitiron. No territorio galego, o 70 por cento dos pases dos spots da campaña foron posicionados.

En total, ao longo da vixencia da campaña publicitaria do Turismo galego, emitíronse máis de 700 pases dos dous spots, un emitido nas televisión de ámbito nacional e outro na TVG e as locais de Galicia. A película publicitaria de 30 segundos que se emitíu nas televisións xeneralistas españolas tivo como reclamo o slogam “Ven.Siéntela”, mentres que o spot que se emitíu en Galicia convidou aos galegos a redescubrir e coñecer a fondo os recursos turísticos da Comunidade autónoma coa pregunta final ¿coñécela?.