Convocatoria urgente en Coia (Vigo)

Manifestación polas obras en Coia

Hoxe, martes 19 de maio ás 19.30 horas

Saída desde o Campo Roxo (rúa Marín), percorrido das rúas Vilagarcía, O Grove, Avda. de Castelao e rúa Marín

Coia sairá de novo á rúa para pedir que as obras que se están a facer no barrio atendan ás necesidades da veciñanza. O barrio suma o seu cuarto día cunhas mobilizacións nas que cada vez participan máis persoas implicadas na mellora do barrio.

A Comisión Veciñal para o seguimento das obras manterá unha xuntanza coa Concelleira de Vías e Obras Isaura Abelairas: mañá mércores ás 11.30 horas no Concello.

Tamén continúa a recollida de sinaturas en apoio ás demandas do barrio que serán entregadas nesta semana.

As demandas respecto das obras de humanización son:

- Que non se elimine o dobre sentido de circulación nas rúas Marín, Vilagarcía e Estrada.

- Que se manteñan o número de prazas de aparcadoiro que hai na actualidade, ou as superen.

- Que a calidade do material da obra sexa, a lo menos, dunha calidade igual, ou superior, á que hai no resto das obras da cidade.

- Que as novas árbores que se van plantar non sexan de tan alto carácter alerxénico.

- Que se remodele a rede de saneamento e abastecemento que hai no barrio para garantir un mellor servizo á veciñanza.

- Que as obras de humanización se fagan extensibles ás rúas Moaña e Bueu.

- Que se teña en conta a posibilidade de ensanchar as beirarrúas cara aos xardíns de titularidade pública.

En Coia, a 19 de maio de 2009

María Villaraviz Goberna
Vogal de iniciativas sociais