VITORIA (MORRAZO-tribuna) .- O portavoz nacional do BNG, Anxo Quintana, acudiu esta mañá ao Alderdi Eguna, a festa do Partido Nacionalista Vasco. En declaracións aos medios neste evento, fixo referencia ao debate sobre os orzamentos do Estado que se abre tras a presentación do borrador no Consello de Ministros.
Nesa liña, contrastou a “posición decisiva do BNG en Madrid” coas mans libres para tentar mellorar os orzamentos e para votar a favor ou en contra segundo o conseguido, coa dos deputados do Partido Popular de Galiza nas Cortes. Acusou ao Feijoo de, como facía Fraga, non quere contestar certas preguntas: “Emprazo ao señor Feijoo a dicirlle aos galegos e ás galegas por que non fai o mesmo que o Partido Popular de Navarra (UPN), que está amosando a súa disposición ao diálogo e mesmo a votar a favor dos orzamentos se son bos para Navarra”.
“A que ven esa postura do señor Feijoo? O señor Feijoo ten que demostrar se quere ser útil para Galiza ou se quere ser unha forza inútil, que se limite a defender o que o señor Rajoy teña que facer en Madrid”, afirmou.
Porén, Quintana, sinalou que o borrador de orzamentos “é pouco ambicioso” e comprometeuse a empregar a capacidade de diálogo do BNG “para sermos ambiciosos e mellorar estes orzamentos; para o conxunto do Estado e para Galiza”. Enfatizou de novo que “somos a única representación de Galiza que podemos dicir que traballaremos en Madrid con carácter autónomo: votaremos a favor dos orzamentos se conseguimos melloralos e se finalmente atenden aos intereses de Galiza e votaremos en contra se non é así”. “Agora é o momento para a política con letras maiúsculas, que pasa polo diálogo e pola vontade de chegar a acordos”, resaltou.
Así mesmo, o dirixente nacionalista sinalou que “se Galiza está presente no Estado, se inflúe en Madrid, é grazas ao BNG”.
Galeuscat é a alternativa ao actual modelo de Estado
O portavoz nacional do BNG sinalou, na histórica festa do PNV, “a satisfacción de estar aquí de novo. Esta é unha oportunidade máis para amosar a nosa solidariedade con Euskadi e coas xustas reivindicacións do pobo vasco, así como o noso sinal inequívoco de amizade co Partido Nacionalista Vasco”.
“A relación fraternal que temos as forzas de Galeuscat é boa para Galiza, para Catalunya, para Euskadi, mais tamén para o conxunto do Estado español. A única maneira de chegar a un acordo de convivencia razoábel, na que todos nos poidamos sentir a gusto, é que o estado español se recoñeza como o que é, como un estado plurinacional. E a única alternativa ao modelo de estado que, con matices, defenden PP e PSOE é a que propoñemos as forzas políticas que compoñemos Galeuscat”, segundo Anxo Quintana.
Nacionalismo, benestar e espazos de libre decisión
O vicepresidente do goberno galego sinalou que o nacionalismo está entrando nunha nova etapa, na que o proxecto nacionalista vai unido á consecución de benestar para os cidadáns. “O proxecto nacionalista vai ligado á defensa da identidade das nosas nacións, pero sobre todo á xeración de benestar. Na medida en que sexamos capaces de crear espazos de libre decisión nos nosos ámbitos nacionais teremos moitos máis instrumentos para xerar benestar”, enfatizou Quintana.
Nesa liña, contrastou a “posición decisiva do BNG en Madrid” coas mans libres para tentar mellorar os orzamentos e para votar a favor ou en contra segundo o conseguido, coa dos deputados do Partido Popular de Galiza nas Cortes. Acusou ao Feijoo de, como facía Fraga, non quere contestar certas preguntas: “Emprazo ao señor Feijoo a dicirlle aos galegos e ás galegas por que non fai o mesmo que o Partido Popular de Navarra (UPN), que está amosando a súa disposición ao diálogo e mesmo a votar a favor dos orzamentos se son bos para Navarra”.
“A que ven esa postura do señor Feijoo? O señor Feijoo ten que demostrar se quere ser útil para Galiza ou se quere ser unha forza inútil, que se limite a defender o que o señor Rajoy teña que facer en Madrid”, afirmou.
Porén, Quintana, sinalou que o borrador de orzamentos “é pouco ambicioso” e comprometeuse a empregar a capacidade de diálogo do BNG “para sermos ambiciosos e mellorar estes orzamentos; para o conxunto do Estado e para Galiza”. Enfatizou de novo que “somos a única representación de Galiza que podemos dicir que traballaremos en Madrid con carácter autónomo: votaremos a favor dos orzamentos se conseguimos melloralos e se finalmente atenden aos intereses de Galiza e votaremos en contra se non é así”. “Agora é o momento para a política con letras maiúsculas, que pasa polo diálogo e pola vontade de chegar a acordos”, resaltou.
Así mesmo, o dirixente nacionalista sinalou que “se Galiza está presente no Estado, se inflúe en Madrid, é grazas ao BNG”.
Galeuscat é a alternativa ao actual modelo de Estado
O portavoz nacional do BNG sinalou, na histórica festa do PNV, “a satisfacción de estar aquí de novo. Esta é unha oportunidade máis para amosar a nosa solidariedade con Euskadi e coas xustas reivindicacións do pobo vasco, así como o noso sinal inequívoco de amizade co Partido Nacionalista Vasco”.
“A relación fraternal que temos as forzas de Galeuscat é boa para Galiza, para Catalunya, para Euskadi, mais tamén para o conxunto do Estado español. A única maneira de chegar a un acordo de convivencia razoábel, na que todos nos poidamos sentir a gusto, é que o estado español se recoñeza como o que é, como un estado plurinacional. E a única alternativa ao modelo de estado que, con matices, defenden PP e PSOE é a que propoñemos as forzas políticas que compoñemos Galeuscat”, segundo Anxo Quintana.
Nacionalismo, benestar e espazos de libre decisión
O vicepresidente do goberno galego sinalou que o nacionalismo está entrando nunha nova etapa, na que o proxecto nacionalista vai unido á consecución de benestar para os cidadáns. “O proxecto nacionalista vai ligado á defensa da identidade das nosas nacións, pero sobre todo á xeración de benestar. Na medida en que sexamos capaces de crear espazos de libre decisión nos nosos ámbitos nacionais teremos moitos máis instrumentos para xerar benestar”, enfatizou Quintana.
