VIGO (MORRAZO-tribuna) .- O concelleiro de Deportes, Xabier Alonso, salientou este mércores que os orzamentos municipais correspondentes ao 2009 son os “máis importantes da historia deportiva de Vigo”. O edil nacionalista explicou que a suma das partidas da Concellería de Deportes e do IMD suman 11.121.000 euros, o cal supón que “seguimos batendo récords na historia do deporte da cidade” e fai posible reforzar o apoio ao deporte de base, apostar polos grandes acontecementos deportivos, respaldar aos clubes federados e manter o impulso ás iniciativas de deporte e saúde.
“Na Concellería de Deportes seguimos batendo récords porque son os orzamentos máis importantes na historia deportiva viguesa”, salientou Xabier Alonso, quen indicou que os orzamentos da Concellería de Deportes para o vindeiro exercicio, que ascenden a un total de 11.121.000 euros, permitirán seguir traballando en catro liñas fundamentais. En primeiro lugar, subliñou que as contas para o 2009 permitirán seguir apoiando o deporte de base, cun incremento do 500 por cento da achega á Fundación VIDE.
En segundo lugar subliñou que permitirán seguir apostando pola celebración de grandes eventos deportivos na cidade. Neste sentido indicou que no mes de decembro terá lugar o Campionato de Europa de Boxeo e xa o vindeiro ano Vigo será a sede do Campionato do Mundo de Hípica, do Campionato de Europa de Taekwondo e do Campionato do Mundo de Hóquei a Patíns. “Nun momento de crise como o que se está a vivir, é preciso primar a celebración de grandes eventos deportivos”, afirmou o edil do BNG, posto que ao seu xuízo teñen unha forte repercusión na hostelería e no comercio da cidade. Neste sentido, apuntou o interese de medir o impacto económico dos diversos eventos que se celebren en Vigo, posto que son un elemento importante na “desestacionalización do turismo”.
O concelleiro de Deportes salientou, en terceiro lugar, que os orzamentos da súa concellería permitirán seguir mantendo o apoio aos clubes federados, posto que a partida para o 2009 ascende a 1.040.000 euros, “de xeito que batemos un novo récord”, destacou. Ao respecto indicou que nun momento de crise como o actual, no que algúns clubes de élite perderon parte dos seus patrocinadores, “é importante que saiban que a achega do Concello está segura”. Finalmente, segundo Xabier Alonso, posibilitarán seguir impulsando o “deporte para todos” como elemento fundamental na mellora da calidade de vida da cidadanía co desenvolvemento de iniciativas de deporte e saúde.
Entre as actuacións que desenvolverá a Concellería de Deportes, o edil nacionalista salientou a construción dun novo pavillón deportivo en Candeán, para o que nos orzamentos do 2009 existe unha partida de 400.000 euros. “Trátase dunha demanda fundamental para a zona, moi demandada pola veciñanza da parroquia”, sinalou. En canto ao IMD apuntou a creación de tres novas prazas, dúas de oficios varios, para mellorar as instalacións, e outra dun técnico informático, para modificar a estrutura administrativa da instalación. Ademais, acometerase a substitución das cubertas de diferentes pavillóns, co obxectivo de “ofrecer máis calidade nas instalacións deportivas da cidade”.
“Dende o Goberno da cidade estamos moi concienzados dos valores do deporte, e eses valores plásmanse nos orzamentos da Concellería de Deportes máis importantes da cidade”, indicou o edil nacionalista.
“Na Concellería de Deportes seguimos batendo récords porque son os orzamentos máis importantes na historia deportiva viguesa”, salientou Xabier Alonso, quen indicou que os orzamentos da Concellería de Deportes para o vindeiro exercicio, que ascenden a un total de 11.121.000 euros, permitirán seguir traballando en catro liñas fundamentais. En primeiro lugar, subliñou que as contas para o 2009 permitirán seguir apoiando o deporte de base, cun incremento do 500 por cento da achega á Fundación VIDE.
En segundo lugar subliñou que permitirán seguir apostando pola celebración de grandes eventos deportivos na cidade. Neste sentido indicou que no mes de decembro terá lugar o Campionato de Europa de Boxeo e xa o vindeiro ano Vigo será a sede do Campionato do Mundo de Hípica, do Campionato de Europa de Taekwondo e do Campionato do Mundo de Hóquei a Patíns. “Nun momento de crise como o que se está a vivir, é preciso primar a celebración de grandes eventos deportivos”, afirmou o edil do BNG, posto que ao seu xuízo teñen unha forte repercusión na hostelería e no comercio da cidade. Neste sentido, apuntou o interese de medir o impacto económico dos diversos eventos que se celebren en Vigo, posto que son un elemento importante na “desestacionalización do turismo”.
O concelleiro de Deportes salientou, en terceiro lugar, que os orzamentos da súa concellería permitirán seguir mantendo o apoio aos clubes federados, posto que a partida para o 2009 ascende a 1.040.000 euros, “de xeito que batemos un novo récord”, destacou. Ao respecto indicou que nun momento de crise como o actual, no que algúns clubes de élite perderon parte dos seus patrocinadores, “é importante que saiban que a achega do Concello está segura”. Finalmente, segundo Xabier Alonso, posibilitarán seguir impulsando o “deporte para todos” como elemento fundamental na mellora da calidade de vida da cidadanía co desenvolvemento de iniciativas de deporte e saúde.
Entre as actuacións que desenvolverá a Concellería de Deportes, o edil nacionalista salientou a construción dun novo pavillón deportivo en Candeán, para o que nos orzamentos do 2009 existe unha partida de 400.000 euros. “Trátase dunha demanda fundamental para a zona, moi demandada pola veciñanza da parroquia”, sinalou. En canto ao IMD apuntou a creación de tres novas prazas, dúas de oficios varios, para mellorar as instalacións, e outra dun técnico informático, para modificar a estrutura administrativa da instalación. Ademais, acometerase a substitución das cubertas de diferentes pavillóns, co obxectivo de “ofrecer máis calidade nas instalacións deportivas da cidade”.
“Dende o Goberno da cidade estamos moi concienzados dos valores do deporte, e eses valores plásmanse nos orzamentos da Concellería de Deportes máis importantes da cidade”, indicou o edil nacionalista.
