materia de Turismo e de Transportes no Parlamento Galego, Carme Adán e
Teresa Táboas, cualificaron de “errada” a decisión da Xunta de Galiza de
suprimir as axudas ás liñas aéreas de baixo custo e defenderon que “os
aeroportos galegos só poden ser competitivos se se coordinan e
complementan” para captar vós internacionais.
Neste sentido, aseguraron esta mañá en rolda de prensa que “para iso é
necesario que o Goberno Central transpase a Galiza as competencias en
materia aeroportuaria”.
O modelo centralista de AENA perxudica a Galiza
A portavoz do BNG na Comisión de Transportes do Parlamento Galego, Teresa
Táboas, subliñou que “só cunha planificación e coordinación dos tres
aeorportos galegos Galiza poderá competir co aeorporto Sá Carneiro do Porto”.
Así, lembrou que “mentres que Porto ofrece 40 destinos, os tres aeroportos
galegos só ofrecen 23 destinos, e a metade deles a Madrid, debido a
planificación centralista de AENA”.
Esta situación levou a que “mentres os aeroportos galegos pecharon o pasado
ano cun descenso do 22% no número de pasaxeiros, o aeroporto de Sá
Carneiro medrou un 13,7%”.
“Temos que aumentar a oferta de vós a Europa e o resto do mundo e non
repetir vós entre os nosos aeroportos, só se facemos unha planificación
coordinada e especializada da oferta de vós poderemos competir con Porto”,
subliñou a deputada do BNG.
As low cost axudaron a que Galiza incrementase un 30% o turismo
estranxeiro
Pola súa parte, a portavoz do BNG na Comisión de Turismo do Parlamento
Galego, Carme Adán, puxo en dúbida o estudo que utilizou a Consellaría de
Cultura para suprimir as axudas ás compañías de baixo custo, “un estudo que
-precisou- aínda estamos agardando a que a Xunta de Galiza decida facelo
público”.
“Non entedendemos a retirada do apoio cando hai outros estudos que indican
que as low cost axudaron ao incremento do número de turistas”. Neste
sentido, salientou que segundo os datos do Instituto de Estudos Turísticos de
Galiza, dependente da Xunta de Galiza, “no período 2005-2008 o turismo
estranxeiro medrou un 30%, que fundamentalmente utilizou o avión”.
Neste sentido, Carme Adán demandoulle ao Goberno do PP que “teña un
compromiso claro e firme cos tres aeroportos galegos e diga até onde vai
chegar no apoio ás liñas de baixo custo, porque estas liñas moven moitos
viaxeiros que teñen un maior número de pernoctacións e se desprazan por
toda Galiza, independentemente do aeroporto que elixan para chegar”.
Ademais, a deputada do BNG considerou “moi importante que Galiza teña vós
internacionais dende os seus aeroportos, máxime cando o próximo ano é o
Xacobeo 2010”.
Núñez Feijóo cando foi conselleiro nen planificou nen demandou
competencias
Por último, Teresa Táboas criticou que “o PP vaia a remolque e demanda tamén
agora a coordinación dos tres aeroportos, cando en 16 anos de Goberno non
fixeron nada e cando o propio Núñez Feijóo foi conselleiro de Política Territorial
e Transportes nin fixo unha planificación nin demandou as competencias
aeroportuarias a Madrid”.