da portavoz do BNG na Comisión de Educación do Parlamento Galego, Carme
Adán, o Director Xeral de Centros e Recursos Humanos da Consellaría de
Educación recoñeceu que a gratuidade dos libros de texto igual chegará nos
seus niveis máximos ao 25% da poboación galego, segundo os dados de renda
familiar tirados do Instituto Galego de Estatística.
Carme Adán, que se dirixía esta mañá ao responsábel da Consellaría de
Educación na comisión homónima do Parlamento Galego, denunciou que a
supresión do sistema de préstamo gratuíto posto en marcha polo Goberno
Bipartito pola chamada “gratuidade solidaria”, “supón eliminar un sistema que
garantía a gratuidade nos libros de texto ao 100% do alumnado galego, a
pasar a un sistema máis caro para as arcas públicas que vai deixar fóra a
moitas familias”.
A axuda máxima de 180 euros tampouco cubre todos os custos
“Vostede sabe -recriminou- que as familias con soldos medios-baixos, que as
familias mileuristas, van quedar fóra e van ter que pagar os libros de texto, por
esta medida antisocial do seu Goberno que perxudicará a miles de familias
neste momento de crise”.
Ademais, Carme Adán advertiu de que “a axuda máxima de 180 euros
tampouco cubre o custo total dos libros de texto, e a correspondente ao
seguinte tramo de renda, a de 104 euros cobre menos da metade do gasto”.
Axudas sen límite para mercar coches ou pisos pero non para libros de
texto
Por último, a deputada do BNG criticou que “o Goberno de Feijóo non poña
ningún límite de renda para a concesión de axudas para a compra de
automóbiles ou para a supresión do imposto de transmisións patrimoniais, pero
si para a compra de libros de texto”.