BNG investiga falta de camas en traumatología del Meixoeiro

Pontevedra-Vigo (MORRAZO-TRIBUNA).-A portavoz do BNG na
Comisión de Sanidade do Parlamento Galego, Ana Luisa Bouza, ven de
presentar unha iniciativa na que lle esixe á Consellaría de Sanidade que
explique por qué reduciu camas no servizo de traumatoloxía do Hostipal
Meixoeiro.
A deputada nacionalista advirte de que que a Consellaría de Sanidade pechou
neste mesmo mes de setembro, co argumento de non ter pacientes, as camas
da planta 4, ala 2, do Complexo Hospitalario Universistario de Vigo (CHUVI) –
Meixoeiro, correspondentes ao servizo de traumatoloxía.
Ana Luisa Bouza considera que esta decisión é totalmente contraditoria tendo
en conta que se está a agravar a situación das listas de espera no SERGAS
debido ás medidas de redución da actividade hospitalaria postas en marcha
dende a Consellaría de Sanidade.
Por todo isto, a parlamentaria do BNG demándalle ao Goberno do PP que
explique por qué motivo pechou as camas, e por canto tempo.
Ademais, pregúntalle á Consellaría de Sanidade se este peche “ten algunha
relación coa cesión, presuntamente ilegal, de traballadores do SERGAS
realizada dende outro servizo deste mesmo hospital á clínica privada Fátima,
realizada estes días”.