no Parlamento Galego, Carme Adán, ven de presentar unha iniciativa na que
denuncia os prexuizos que está a causar a Consellaría de Educación na Escola
Oficial de Idiomas de Vigo.
A deputada nacionalista advirte de que a Circular 5/2009 da Consellaría de
Educación pola que se ditan instrucións sobre o procedemento de admisión e
organización académica nas escolas oficiais de idiomas para o curso 2009/2010
“supón un claro retroceso para o ensino público de idiomas”.
Prexuízos para o profesorado e para o alumnado da EOI de Vigo
“Enviada aos centros durante o mes de xullo, sen contar coas aportacións dos
claustros e sen ter pasado pola Mesa Sectorial de Educación, esta circular
significa na súa práctica unha perda de calidade educativa”, advirte Carme
Adán.
En concreto, a deputada do BNG denuncia que a EOI de Vigo ten que soportar
“unha reducción do profesorado e a ampliación da carga lectiva dos
profesionais, co que se pon en perigo a diversidade curricular e a calidade das
ensinanzas especializadas de idiomas”.
Ademais, critica que os cambios da Consellaría de Educación “tamén teñen un
prexuízo importante para o alumnado” xa que “por unha banda, ve reducida a
súa posibilidade de horario e, por outra, o horario para o presente curso muda
inesperadamente agora ao inicio do curso logo de xa ter feito a matrícula
noutras ensinanzas ou de ter compromisos laborais ineludíbeis”.
Neste sentido, lembra que “as escolas de idiomas funcionan na práctica como
un complemento na formación que o alumnado debe encaixar na súa vida
cotiá laboral ou académica”.
Ante esta situación, a deputada do BNG pregúntalle á Consellaría de Educación
se cre que esta é unha forma de mellorar as ensinanzas dos idiomas en
Ourense, e demándalle que explique “cómo pensa compensar do prexuízo
causado ao alumnado afectado da EOI de Vigo”
