COMPOSTELA (MORRAZO-tribuna).- A directora xeral de Xustiza, Begoña Santos Fernández, asegurou que a comarcalización dos xulgados de violencia de xénero foi considerada como a solución “idónea” polo Tribunal Superior de Xustiza de Galicia (TSXG) cando, tal e como ocorre en Galicia, os módulos de entrada establecidos polo Consello Xeral do Poder Xudicial (CXPX) non son suficientes para crear xulgados de violencia de muller exclusivos. A directora fixo estas declaracións esta mañá en resposta a unha pregunta parlamentaria sobre a comarcalización dos xulgados de violencia sobre a muller e a creación de novas unidades.
“Esperamos que esta idea poida ser finalmente unha realidade”, declarou Santos, que tamén aproveitou para remarcar que o proxecto do Ministerio “non é máis que iso, un proxecto” e que, en todo caso, aínda está “pendente de aprobarse” cales serán os xulgados susceptibles de comarcalización en materia de violencia sobre a muller.
Segundo a directora xeral a proposta do Goberno de Galicia, remitida no seu día ao Ministerio de Xustiza, foi a creación de xulgados exclusivos de violencia sobre a muller nas cidades de Lugo, Ourense, Pontevedra e Santiago de Compostela, ao xa existir na Coruña e Vigo xulgados exclusivos neste eido.
Comisión Mixta
Doutra banda, a directora comentou que na Comisión Mixta do pasado mes, na que se decidiron as unidades xudiciais que se crearán no 2009, consideráronse como “prioritarias” a creación de xulgados de primeira instancia en Vigo, Lugo e Ferrol, un novo xulgado do mercantil e do social na Coruña, un xulgado mixto en Tui, así como afrontar as necesidades de maxistrados no TSXG coa creación de dúas prazas máis na Sala do Contencioso-Administrativo e unha praza máis na Sala do Social. Neste sentido recordou que a Memoria do TSXG falaba da necesidade de 32 xulgados, pero que ningún deles era de violencia de xénero, de aí a inminencia da creación dos xulgados que se determinaron, coa fin de administrar racionalmente os “escasos recursos” públicos para “solucionar os graves problemas da Xustiza”.
“Esperamos que esta idea poida ser finalmente unha realidade”, declarou Santos, que tamén aproveitou para remarcar que o proxecto do Ministerio “non é máis que iso, un proxecto” e que, en todo caso, aínda está “pendente de aprobarse” cales serán os xulgados susceptibles de comarcalización en materia de violencia sobre a muller.
Segundo a directora xeral a proposta do Goberno de Galicia, remitida no seu día ao Ministerio de Xustiza, foi a creación de xulgados exclusivos de violencia sobre a muller nas cidades de Lugo, Ourense, Pontevedra e Santiago de Compostela, ao xa existir na Coruña e Vigo xulgados exclusivos neste eido.
Comisión Mixta
Doutra banda, a directora comentou que na Comisión Mixta do pasado mes, na que se decidiron as unidades xudiciais que se crearán no 2009, consideráronse como “prioritarias” a creación de xulgados de primeira instancia en Vigo, Lugo e Ferrol, un novo xulgado do mercantil e do social na Coruña, un xulgado mixto en Tui, así como afrontar as necesidades de maxistrados no TSXG coa creación de dúas prazas máis na Sala do Contencioso-Administrativo e unha praza máis na Sala do Social. Neste sentido recordou que a Memoria do TSXG falaba da necesidade de 32 xulgados, pero que ningún deles era de violencia de xénero, de aí a inminencia da creación dos xulgados que se determinaron, coa fin de administrar racionalmente os “escasos recursos” públicos para “solucionar os graves problemas da Xustiza”.
