Dan de alta en Ourense a la mujer que contrajo la Gripe Porcina : único caso real hasta ahora en Galicia

OURENSE (MORRAZO-tribuna) .-A Consellería de Sanidade, a través da Dirección Xeral de Saúde Pública e Planificación, seguindo os protocolos establecidos, comunica que recibe a alta médica no Complexo Hospitalario de Ourense a muller confirmada como positivo ao novo virus da gripe AH1N1. A evolución clínica desta paciente, que ven de rematar o tratamento pautado con antivirais, é boa e non presenta sintomatoloxía gripal.

Así mesmo, os contactos desta paciente continúan baixo control facultativo nos seus domicilios, e non presentan novidades.

Na actualidade, en Galicia, non hai ningún outro caso en investigación.

Os servizos sanitarios da nosa Comunidade Autónoma continúan co seguimento coordinado e pormenorizado da situación. A Consellería de Sanidade dispón do teléfono de información 902 400 116, para clarexar calquera dúbida coa nova gripe.

Para máis información: www.sergas.es ou www.msps.es