Durante unha conversa telefónica co novo lehendakari, Feijóo desexoulle todos os éxitos na nova etapa que se inicia no País Vasco e que está “chea de desafíos”. Ambos dirixentes acordaron manter un encontro proximamente en Galicia ou no País Vasco para poder abordar aspectos concretos de cooperación entre as dúas comunidades autónomas.
O presidente galego púxose a disposición de Patxi López tanto a nivel persoal como institucional co fin de establecer as canles de comunicación axeitadas para manter unha comunicación fluída e de confianza entre Galicia e o País Vasco.
