VIGO (MORRAZ-tribuna) .- A Consellería de Sanidade, a través da Dirección Xeral de Saúde Pública e Planificación, seguindo as actualizacións dos protocolos establecidos comunica que:
- O Centro Nacional de Microbioloxía confirma como positivo ao novo virus da gripe AH1N1, o caso da muller que permanece ingresada no Complexo Hospitalario de Ourense. A evolución clínica desta paciente é boa, e, na actualidade, xa non presenta sintomatoloxía gripal. Atendendo aos protocolos establecidos, podería ser dada de alta nos vindeiros días.
Así mesmo, os contactos desta paciente continúan baixo control facultativo nos seus domicilios, e non presentan novidades.
Na actualidade, en Galicia, non hai ningún outro caso en investigación.
Os servizos sanitarios da nosa Comunidade Autónoma continúan co seguimento coordinado e pormenorizado da situación. A Consellería de Sanidade dispón do teléfono de información 902 400 116, para clarexar calquera dúbida coa nova gripe.
Para máis información: www.sergas.es ou www.msps.es
